Tamilnadu

News February 10, 2026

மயிலாடுதுறை: எஸ் பி தலைமையில் உறுதிமொழி ஏற்பு

image

மயிலாடுதுறை மாவட்ட காவல் அலுவலகத்தில் கொத்தடிமை தொழிலாளர் முறை ஒழிப்பு உறுதிமொழி ஏற்பு நிகழ்ச்சி மாவட்ட காவல் கண்காணிப்பாளர் ஜி. ஸ்டாலின் தலைமையில் நேற்று நடைபெற்றது. மாவட்ட காவல் கண்காணிப்பாளர் உறுதிமொழியை வாசிக்க அனைத்து காவல்துறை அதிகாரிகள் காவல் ஆளிநர்கள் மற்றும் அலுவலர்கள் உறுதிமொழி ஏற்றுக் கொண்டனர்.

News February 10, 2026

தென்காசி இளைஞர்களே பிப்.13 மிஸ் பண்ணாதீங்க…….!

image

தென்காசி மாவட்டத்தில் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சிறிய அளவிலான தனியார் துறை வேலைவாய்ப்பு முகாம் நடைபெற உள்ளது. 13.02.2026 அன்று வெள்ளிக்கிழமை காலை 10 மணி முதல் மதியம் 2 மணி வரை அலுவலக வளாகத்தில் நடைபெற இருக்கிறது. இம்முகாமில் 20 க்கும் மேற்பட்ட பல்வேறு தனியார்துறை முன்னணி நிறுவனங்கள் கலந்து கொண்டு தங்களுக்கு தேவையான பணியாளர்களை தேர்வு செய்ய உள்ளனர். ஷேர்..!

News February 10, 2026

பெரியகுளம்: இளம்பெண் கழுத்து அறுத்துக் கொலை

image

தேவதானப்பட்டி அருகே பொம்மிநாயக்கன்பட்டி பகுதியை சேர்ந்தவர் தங்கமாரி. கணவரை பிரிந்து தனியாக வசித்து வருகிறார். இவருக்கும், அதே பகுதியை சேர்ந்த ராஜா என்பவருக்கும் பழக்கம் ஏற்பட்டது. இதையடுத்து நேற்று இருவருக்குமிடையே தகராறு ஏற்பட்டதில் ஆத்திரமடைந்த ராஜா கத்தியால் தங்கமாரியின் கழுத்தை அறுத்துக் கொலை செய்துவிட்டு தப்பியோடினார். இதுகுறித்து ஜெயமங்கலம் போலீசார் வழக்குப்பதிந்து ராஜாவை கைது செய்தனர்.

News February 10, 2026

புதுச்சேரியில் ரயில் சேவைகள் மாற்றம்

image

“புதுச்சேரி- கச்சிகுடா விரைவு ரயில் பிப்.17-ம் தேதி புதுச்சேரி ரயில் நிலையத்தில் இருந்து பிற்பகல் 12:45 மணிக்குப் புறப்பட்டுச் செல்லும். வழியில் தேவையான இடத்தில் 120 நிமிஷங்கள் கட்டுப்படுத்தப்படும். இதே போன்று புதுச்சேரி- காக்கிநாடா துறைமுக விரைவு ரயில் பிப்.12-ம் தேதி பிற்பகல் 1:30 மணிக்குப் புறப்பட்டு செல்லும்.” என தெற்கு ரயில்வேயின் திருச்சி கோட்ட மக்கள் தொடர்பு அலுவலர் தெரிவித்துள்ளார்.

News February 10, 2026

பெரம்பலூர் ஆட்சியர் அலுவலகத்தில் உறுதிமொழி ஏற்பு

image

​பெரம்பலூர் மாவட்டத்தில் ஆட்சியர் அலுவலக வளாகத்தில், நேற்று (09.02.2026) தொழிலாளர் நலத்துறை சார்பில் கொத்தடிமை தொழிலாளர் முறை ஒழிப்பு உறுதிமொழி ஏற்பு நிகழ்வு நடைபெற்றது. இதில் அனைத்துத்துறை அரசு அலுவலர்களும் கலந்துகொண்டு, கொத்தடிமை முறையை முற்றிலுமாக ஒழிக்க ஒன்றிணைந்து செயல்படுவதாக உறுதி ஏற்றுக்கொண்டனர்.

News February 10, 2026

தருமபுரி: அரசு பள்ளியில் அதிர்ச்சி சம்பவம்!

image

சோமனஅள்ளி அரசு உயர்நிலைப் பள்ளியில் 6-ம் வகுப்பு மாணவர்கள் சிலர் கடந்த 5-ந் தேதி வகுப்பறையில் கணினி ஆய்வக உதவியாளர் தூண்டுதலினால் இரும்பு ஸ்கேலில் மாறி மாறி அடித்துக் கொண்டனர். இதில் காயமடைந்த மாணவர்களுக்கு உடல் நல குறைவு ஏற்பட்டதால் பெற்றோர் நேற்று உள்ளிருப்பு போராட்டத்தில் ஈடுபட்டனர். பாலக்கோடு போலீசார் நடவடிக்கை எடுக்கப்படும் என உறுதி அளித்ததின் பேரில் பெற்றோர் கலைந்து சென்றனர்.

News February 10, 2026

சிவகாசி: பஸ் மோதி ஒருவர் பலி!

image

சிவகாசி, திருத்தங்கல் பாண்டியன்நகரைச் சேர்ந்த நடராஜன்(45). சம்பவத்தன்று அவர் டூவீலரில் எரிச்சநத்தம் – சிவகாசி மெயின் ரோட்டில் சென்றபோது, காளையார்குறிச்சி அருகே வந்த தனியார் பள்ளி பஸ் மீது மோதியதாக கூறப்படுகிறது. இதில் நடராஜன் சம்பவ இடத்திலேயே உயிரிழந்தார். இந்த விபத்து தொடர்பாக பள்ளி பஸ் டிரைவர் காட்டுராஜா(53) மீது திருத்தங்கல் போலீசார் வழக்குப் பதிவு செய்து விசாரணை நடத்தி வருகின்றனர்.

News February 10, 2026

கடலூர்: தகராறில் ஈடுபட்ட ரவுடி கைது

image

நெய்வேலி அடுத்த மேல் வடக்குத்து கிராமத்தை சேர்ந்தவர் நடேசன் மகன் வீரமணி(26). ரவுடியான இவர் மீது 20 வழக்குகள் உள்ளன. இந்நிலையில் நேற்று அவர் வடக்குத்தில் வீச்சரிவாளுடன் நின்று கொண்டு போக்குவரத்திற்கு இடையூறு ஏற்படுத்தினார். மேலும் அந்த வழியாக வந்த பொதுமக்களிடம் வீச்சரிவாளை காட்டி மிரட்டினார். இது குறித்த நெய்வேலி நகர போலீசார் வழக்குப்பதிவு செய்து வீரமணியை கைது செய்தனர்.

News February 10, 2026

தி.மலை: உடல் தூக்கி வீசப்பட்டு பலி

image

சேத்துப்பட்டு பேரூராட்சி அண்ணா தெருவை சேர்ந்தவர் புருஷோத்தமன், (72). இவர் சேத்துப்பட்டு பகுதியில் உள்ள ஒரு நகை கடையில் இரவு காவலாளியாக பணியாற்றி வந்தார். நேற்று காலை புருஷோத்தமன், சைக்கிளில் சென்று கொண்டிருந்தார், அப்போது ஆரனியில் இருந்து சேத்துப்பட்டு நோக்கி வந்த சுற்றுலா வேன், புருஷோத்தமன், சென்ற சைக்கிள் மீது மோதியதில், அவர் தூக்கி வீசப்பட்டு சம்பவ இடத்தி லேயே துடிதுடித்து பலியானார்.

News February 10, 2026

தூத்துக்குடி: 25 ஆண்டுகள் தலைமறைவு; நேற்று கைது!

image

முத்தையாபுரம் காவல் நிலைய எல்லைக்குட்பட்ட பகுதியில் 1997ஆம் ஆண்டு நடந்த கொலை முயற்சி வழக்கில் தொடர்புடைய திருநெல்வேலியைச் சேர்ந்த சேகர்(54), நீதிமன்றத்தில் ஆஜராகாமல் தலைமறைவாக இருந்து வந்தார். இதையடுத்து 2001ஆம் ஆண்டு நீதிமன்றம் பிடியாணை பிறப்பித்தது. போலீஸார் நீண்ட தேடுதலுக்குப் பிறகு, தூத்துக்குடி நகர உட்கோட்ட காவல் டிஎஸ்பி சுனில் மேற்பார்வையில் சேகரை நேற்று கைது செய்து சிறையில் அடைத்தனர்.

error: Content is protected !!
↑