Tamilnadu

News February 10, 2026

காஞ்சிபுரத்தில் 200 கிராம உதவியாளர்கள் கைது!

image

காஞ்சிபுரம் மாவட்ட கலெக்டர் அலுவலகம் முன்பு தமிழ்நாடு அரசு, கிராம உதவியாளர்கள் சங்கம் சார்பில் கடந்த 4 நாட்களாக காத்திருப்பு போராட்டம் நடைபெற்றது. இந்நிலையில், 5ஆவது நாளான நேற்று(பிப்.9) வந்தவாசி சாலையில் திடீரென சாலை மறியலில் ஈடுபட்டனர். இதனால், பரபரப்பு நிலவியது. இதையடுத்து, போலீசார் 200க்கும் மேற்பட்ட கிராம உதவியாளர்களை கைது செய்து, திருமண மண்டபத்தில் தங்க வைத்தனர்.

News February 10, 2026

திருவள்ளூர்: 11ஆம் வகுப்பு மாணவி தற்கொலை!

image

கடம்பத்தூர் போஸ்ட் ஆபீஸ் தெருவைச் சேர்ந்தவர் அரிபாபு. இவரது மகள் ஹேமதர்ஷினி(16). இவர், பேரம்பாக்கத்தில் உள்ள அரசுப் பள்ளியில் 11ஆம் வகுப்பு படித்து வந்தார். கடந்த சில நாட்களாக தீராத வயிற்று வலியால் அவதிப்பட்டு வந்தார். இந்நிலையில், நேற்று முன் தினம் வீட்டில் வேலை பார்க்க சொல்லி தாய் கண்டித்ததால், மனவேதனை அடைந்த மாணவி தூக்கிட்டு தற்கொலை செய்துகொண்டார். இதுகுறித்து போலீசார் விசாரிக்கின்றனர்.

News February 10, 2026

விழுப்புரம்: வாலிபர் தூக்கிட்டு தற்கொலை!

image

காணை அருகே உள்ள வெங்கடேசபுரம் கிராமத்தைச் சேர்ந்தவர் முரளி(27). இவர், பி.எஸ்.சி படித்து விட்டு வீட்டில் இருந்து வந்தார். நீண்ட நாட்களாக இவருக்கு உடல் நலம் பாதிக்கப்பட்டது. இதனால், மன உலைச்சலில் இருந்த அவர், வீட்டில் யாரும் இல்லாத போது தூக்கிட்டு தற்கொலை செய்துகொண்டார். இதுகுறித்து காணை போலீசார் வழக்கு ஒஅதிந்து, விசாரணை மேற்கொண்டுள்ளனர்.

News February 10, 2026

நாமக்கல் அருகே பேருந்தில் நேர்ந்த சோகம்: ஒருவர் பலி!

image

குமாரபாளையத்தில் இருந்து நாமக்கல் செல்லும் தனியார் பஸ்சில், நேற்று 30 வயது மதிக்கத்தக்க வாலிபர் ஒருவர், வட்ட மலையில் ஏறியுள்ளார். பல்லக்காபா ளையத்திற்கு டிக்கெட் கேட்டு வாங் கியுள்ளார். பல்லக்காபாளையம் பஸ் ஸ்டாப் அருகே சென்றபோது, படியில் வந்து நின்றுள்ளார். அப்போது நிலை தடுமாறி கீழே விழுந்ததில் படுகாய மடைந்து சம்பவ இடத்திலேயே பலியானார். குமாரபாளையம் போலீசார் விசாரித்து வருகின்றனர்

News February 10, 2026

கரூர் அருகே விபத்து: தாய், மகன் காயம்

image

திருச்சி, பெரிய அணைகரைபட்டியை சேர்ந்தவர் திருஞானம். இவர் நேற்று தனது ஸ்கூட்டரில் தாயார் சரோஜாவை பின்னால் அமர வைத்து கொண்டு கோடங்கிபட்டி பஸ் ஸ்டாப் அருகே சென்று கொண்டிருந்த போது பின் வந்த லாரி ஸ்கூட்டர் மீது மோதியதில் தாய் மகன் கீழே விழுந்து படுகாயம் அடைந்தனர். இருவரும் சிகிச்சைக்காக தனியார் மருத்துவமனையில் சேர்க்கப்பட்டுள்ளனர். போலீசார் வழக்கு பதிவு செய்து விசாரணை செய்து வருகின்றனர்.

News February 10, 2026

நாகை கலெக்டர் அலுவலகத்தில் தீக்குளிக்க முயற்சி

image

நாகை மாவட்ட ஆட்சியர் அலுவலகத்தில் நேற்று மக்கள் குறைதீர் கூட்டம் கலெக்டர் ஆகாஷ் தலைமையில் நடைபெற்றது. அப்போது அங்கு வந்த திருமருகல் உடையான்தோப்பு தெருவை சேர்ந்த சுகந்தி (45) என்பவர் காணாமல் போன தன் கணவரை கண்டுபிடித்து தர கோரி, அலுவலக வாயிலில் தீக்குளிக்க முயன்றார். இதனை கண்ட போலீசார், சுகந்தி மீது தண்ணீரை ஊற்றி அவரை மீட்டனர். இதனால் ஆட்சியர் அலுவலகத்தில் நேற்று பெரும் பரபரப்பு ஏற்பட்டது.

News February 10, 2026

தஞ்சை: கார் மோதியதில் பரிதாப பலி !

image

அண்ணாநகர் பகுதியை சேர்ந்தவர் வீரைய்யா (67) இவர் நேற்று முன்தினம் மாலை தனது சகோதரி வசந்தாதேவி (69) என்பவரை ஸ்கூட்டரில் அழைத்து கொண்டு சென்றார். அப்போது பின்னால் அதிவேகமாக வந்த கார் ஒன்று இவரது ஸ்கூட்டரின் மீது எதிர்பாராத விதமாக மோதியது. இதில் தூக்கி வீசப்பட்ட வசந்தா தேவி படுகாயமடைந்தார். இதையடுத்து அவரை மீட்ட ஆஸ்பத்திரிக்கு அனுப்பிவைத்தனர். இந்நிலையில் செல்லும் வழியிலேயே மூதாட்டி உயிரிழந்தார்.

News February 10, 2026

சென்னையில் கொடூரம்; குடும்பத்திற்கே அரிவாள் வெட்டு!

image

டி.பி.சத்திரம், ஜோதியம்மாள் நகரை சேர்ந்தவர் பரமசிவம் (50). கடந்த 5 – ந் தேதி இரவு வீட்டினருகே நடந்து வரும்போது, அவரது அண்ணன் மகனான சந்தோஷ் என்பவர் இவரை அரிவாளால் சரமாரியாக தாக்கியுள்ளார். இதை தடுக்க வந்த பரமசிவத்தின் மனைவி, மகளையும் தாக்கியுள்ளார். புகாரின் பேரில் டி.பி சத்திரம் போலீசார் ராணிப்பேட்டை சொறையூரை சேர்ந்த சந்தோஷ்குமார் (25) என்பவரை கைது செய்தனர்.

News February 10, 2026

சிவகங்கை: நாளை இங்கெல்லாம் கரண்ட் கட்..!

image

மானாமதுரை, கல்லல் துணை மின் நிலையங்களில் நாளை (பிப்.11) மாதாந்திர பராமரிப்பு பணிகள் நடைபெறவுள்ளது. இதனால் மானாமதுரை, SIPCOT, இராஜகம்பீரம், முத்தனேந்தல், இடைக்காட்டூர், மிளகனூர், கட்டிக்குளம், தெ.புதுக்கோட்டை, கல்லல், சிறுவயல், குருந்தம்பட்டு, குறிச்சி, மாலைகண்டான், வெற்றியூர், சாத்தரசம்பட்டி, செம்பனூர் மற்றும் அதன் சுற்றுவட்டாரப் பகுதிகளில் காலை 10 மணி முதல் மாலை 5 மணி வரை மின்விநியோகம் இருக்காது.

News February 10, 2026

புதுகை: தவறி விழுந்து பரிதாப பலி!

image

புதுக்கோட்டை மாவட்டம் குழி பிறை சாலையில் (பிப்.8) அன்று கொள்ளு பட்டியிலிருந்து புதுக்கோட்டைக்கு கருப்பையா (57) பைக்கில் சென்றுள்ளார். அப்போது பைக்கில் இருந்து தவறி விழுந்து படுகாயம் அடைந்த அவர் மருத்துவமனையில் சிகிச்சை பெற்று வந்த நிலையில் நேற்று (பிப்.9) சிகிச்சை பலனின்றி உயிரிழந்தார். இது குறித்து அவரது மனைவி மஞ்சுளா அளித்த புகாரில் பனையப்பட்டி காவல்துறையினர் விசாரணை நடத்தி வருகின்றனர்.

error: Content is protected !!
↑