Tamilnadu

News February 11, 2026

புதுச்சேரி: பஸ் மற்றும் டெம்போக்கள் வேலைநிறுத்தம்

image

தொழிலாளர் சட்டத்திருத்தத்தை கண்டித்து, நாடு முழுவதும் பிப்.12-ஆம் தேதி (வியாழக்கிழமை) வேலைநிறுத்தப் போராட்டம் நடைபெறுகிறது. இதற்கு புதுச்சேரி இந்தியா கூட்டணி முழு ஆதரவு அளித்துள்ளது. மேலும் அன்று புதுச்சேரியில் பேருந்துகள், ஆட்டோக்கள் மற்றும் டெம்போக்கள் இயங்காது என இந்தியா கூட்டணியின் சார்பாக, கம்யூனிஸ்ட் கட்சியின் மாநில செயலாளர் சலீம் தெரிவித்துள்ளார்.

News February 11, 2026

நாகை: கத்தியால் தாக்கி கொலை மிரட்டல் – ஒருவர் கைது

image

தலைஞாயிறு போலீஸ் சரகம் பிரிஞ்சி மூலை பகுதியை சேர்ந்தவர் விக்னேஷ், இவரது வீட்டு வாசலில் நிறுத்தி வைத்திருந்த அவரது பைக் சீட்டை. அதே பகுதியை சேர்ந்த சதீஷ்குமார் கடந்த 2ம் தேதி மது போதையில் கத்தி கொண்டு கிழித்துள்ளார். இதனை விக்னேஷ் தட்டிக் கேட்டபோது, ஆத்திரத்தில் சதீஷ்குமார் கத்தியால் நெத்தியில் கீறி கொலை மிரட்டல் விடுத்துள்ளார். இது தொடர்பான புகாரில் பேரில் சதீஷ்குமார் கைது செய்யப்பட்டார்.

News February 11, 2026

தஞ்சை: கும்பகோணம் நீதிமன்றம் அதிரடி தீர்ப்பு!

image

சோழபுரம் காவல் நிலைய எல்லைக்குட்பட்ட பகுதியான விளந்தகண்டம் ராஜாங்கநல்லூரில் கடந்த 22.09.22-ம் தேதி குடும்ப பிரச்சினையில் ஒருவர் இரும்பு பைப்பால் அடித்து கொலை செய்யப்பட்டார். இந்த வழக்கில், குற்றவாளியான விளந்தகண்டம் ராஜாங்கம் நல்லூரைச் சேர்ந்த சதீஸ்குமார் என்பவருக்கு 10 ஆண்டுகள் சிறை தண்டனை விதித்து கும்பகோணம் கூடுதல் மாவட்ட நீதிமன்ற நீதித்துறை உத்தரவிட்டுள்ளது.

News February 11, 2026

பெரம்பலூர்: பறவைக் காய்ச்சல் குறித்து அறிவுறுத்தல்

image

பறவைக் காய்ச்சல் தடுப்பு நடவடிக்கையாக, பொதுமக்கள் நன்கு சமைக்காத முட்டை மற்றும் இறைச்சி உண்பதைத் தவிர்க்க வேண்டும். பாதிப்புள்ள பகுதிகளுக்குச் செல்வதைத் தவிர்க்குமாறு ஆட்சியர் மிருணாளினி கேட்டுக்கொண்டுள்ளார். இது குறித்துப் பரவும் வதந்திகளை நம்பி அச்சப்பட வேண்டாம். கூடுதல் விவரங்களுக்கு 104 என்ற எண்ணைத் தொடர்புகொண்டு மருத்துவ ஆலோசனைகளைப் பெறலாம் என மாவட்ட ஆட்சியர் மிருணாளினி தெரிவித்துள்ளார்.

News February 11, 2026

கடலூர்: வேலைநாடும் இளைஞர்கள் கவனத்திற்கு

image

கடலூர் மாவட்ட வேலைவாய்ப்பு அலுவலகத்தில் (20.2.2026) தனியார் துறை வேலைவாய்ப்பு முகாம் நடக்கிறது. இதில் பத்தாம் வகுப்பு, பன்னிரண்டாம் வகுப்பு, ஐடிஐ, டிப்ளமோ, பட்டப்படிப்பு படித்த இளைஞர்கள் வேலை வாய்ப்பு முகாமில் கலந்து கொண்டு பயன்பெறுமாறும், இம்முகாமில் தேர்ந்தெடுக்கப்படும் பதிவுதாரர்களின் பதிவு எண் வேலைவாய்ப்பு அலுவலக பதிவிலிருந்து நீக்கம் செய்யப்படமாட்டாது எனவும் மாவட்ட ஆட்சியர் தெரிவித்தார்.

News February 11, 2026

தூத்துக்குடி காவல் ரோந்து பணியில் சிக்கிய கஞ்சா

image

கோவில்பட்டி மது விலக்கு காவல் நிலைய போலீசாருக்கு கிடைத்த ரகசிய தகவலின் பேரில் மதுவிலக்கு காவல் நிலைய ஆய்வாளர் மீஹா தலைமையில் போலீசார் இன்று ரோந்து பணியில் ஈடுபட்ட போது பாரதிநகர் பகுதியில் சந்தேகத்திற்கிடமாக இருசக்கர வாகனத்தில் நின்று கொண்டிருந்தவர்களை பிடித்து விசாரணை நடத்தினர். இதில் அப்பகுதியை சேர்ந்த பாலா மற்றும் காளீஸ்வரன் 1 1/2 கிலோ கஞ்சா வைத்து இருப்பது தெரிந்தது. இந்நிலையில் கைது செய்தனர்.

News February 11, 2026

செங்கல்பட்டு: உடல் தூக்கி வீசப்பட்டு பலி

image

சிங்கபெருமாள் கோவில் அடுத்த பாரேரியை சேர்ந்தவர் கோபால் (48). இவர், தன் வீட்டிலிருந்து பைக்கில் மகேந்திரா சிட்டிக்கு சென்றுள்ளார். அப்போது ஜி.எஸ்.டி., சாலையில் மின்வாரிய அலுவலகம் அருகில் சென்ற போது பின்னால் தாம்பரத்திலிருந்து செங்கல்பட்டு நோக்கி வந்த கார், பைக் மீது பயங்கரமாக மோதியது. இதில் தூக்கி வீசப்பட்ட கோபால், சம்பவ இடத்திலேயே உயிரிழந்தார். இதுகுறித்து போக்குவரத்து போலீசார் விசாரிக்கின்றனர்.

News February 11, 2026

அறிவித்தார் ஈரோடு கலெக்டர்!

image

ஈரோடு மாவட்டத்தில் உள்ள அனைத்து கிராமங்களிலும் “இருவார கோழி கழிச்சல் நோய் தடுப்பூசி முகாம்” வரும் 14/02/2026 வரை நடைபெற உள்ளது. எனவே மக்கள் அருகாமையில் உள்ள கால்நடை மருத்துவமனையில் உங்கள் கோழிகளை 3 மாதங்களுக்கு ஒருமுறையும், அதிகபட்சமாக 6 மாதத்திற்குள்ளும் தடுப்பூசி செலுத்தி பயன் பெறலாம் என மாவட்ட ஆட்சித்தலைவர் ச.கந்தசாமி,தெரிவித்துள்ளார்.

News February 11, 2026

அறிவித்தார் நீலகிரி கலெக்டர்!

image

நீலகிரி மாவட்ட ஆட்சியர் லட்சுமி பவ்யா தண்ணீரு விடுத்துள்ள செய்திக்குறிப்பில்: உதகை பிங்கர் போஸ்ட் பகுதியில் உள்ள ஆட்சியர் அலுவலகத்தில் வரும் பிப். 20-ம் தேதி விவசாயிகள் குறைதீர்க்கும் கூட்டம் நடைபெற உள்ளது. இக்கூட்டத்தில் அனைத்துத் துறை சார்ந்த மாவட்ட நிலை அலுவலர்களும் நேரில் பங்கேற்க உள்ளனர். எனவே, மாவட்டத்தைச் சேர்ந்த விவசாயிகள் இதில் கலந்துகொண்டு பயன்பெறுமாறு ஆட்சியர் கேட்டுக்கொண்டுள்ளார்.

News February 11, 2026

அறிவித்தார் திருப்பூர் கலெக்டர்!

image

திருப்பூர், தாராபுரம் அரசு ஐ.டி.ஐ-யில் பிப்ரவரி 12 காலை 10 மணிக்கு தொழிற்பழகுநர் சேர்க்கை முகாம் நடக்கிறது. கோவை மண்டலத்தைச் சேர்ந்த ஐ.டி.ஐ முடித்தவர்கள் மற்றும் 8, 10, 12, பட்டப்படிப்பு முடித்தவர்கள் அசல் சான்றிதழ்களுடன் பங்கேற்கலாம். தேர்வு செய்யப்படுபவர்களுக்கு உதவித்தொகை மற்றும் மத்திய அரசின் சான்றிதழ் வழங்கப்படும். விவரங்களுக்கு: 9499055695, என திருப்பூர் கலெக்டர் தெரிவித்துள்ளார்.

error: Content is protected !!
↑