India's largestHyperlocal short
news App
Get daily news updates that are tailored for you based on your preferred language & location.

சிதம்பரம் அண்ணாமலை நகர் போலீசார் கடந்த 11.1.2026 அன்று கடவாச்சேரி மேம்பாலம் அருகே வாகன தணிக்கையில் ஈடுபட்டிருந்னர். அப்போது காரில் ரூ.2 லட்சம் மதிப்புள்ள புகையிலை பொருட்களை கடத்தி வந்த 3 பேரை கைது செய்தனர். இந்நிலையில் இவர்களுக்கு பெங்களூரில் இருந்து புகையிலை பொருட்களை பார்சலில் அனுப்பி வைத்த பெங்களூருவை சேர்ந்த யூசுப்கான் என்ற முகமது யூசுப்பை(21) நேற்று போலீசார் பெங்களூரு சென்று கைது செய்தனர்.

பர்கூர் அடுத்த சென்னப்பா நகரை சேர்ந்த உதய்குமார், மகன் தன்விக் (2). கடந்த பிரவரி 5-ம் தேதி சிறுவன் வீட்டில் வைத்திருந்த எலி பேஸ்டை கோல்கேட் என நினைத்து சாப்பிட்டுள்ளார். இதனால் பதறிப்போன பெற்றோர் சிறுவனை பெங்களூருவில் உள்ள தனியார் மருத்துவமனையில் சேர்த்தனர். இந்நிலையில் பிப்-9-ம் தேதி சிறுவன் சிகிச்சை பலனின்றி பரிதாபமாக உயிரிழந்தார். இது குறித்து போலீசார் விசாரணை நடத்தி வருகின்றனர்.

திமிரியில் ரூ.100 கொடுத்தால் மருத்துவ காப்பீடு தருவதாக கூறி 5 பேர் கொண்ட குழு வலம் வந்தது. இதே போல் கணியனூர் ஊராட்சியில் பொதுமக்களிடம் மோசடியில் ஈடுபட்ட போது சந்தேகமடைந்த வாலிபர் ஒருவர் காப்பீடு அட்டையை வாங்கி ஸ்கேன் செய்ததில் அது போலி என தெரிய வந்தது. இதை அறிந்த 100-க்கும் மேற்பட்ட கிராம மக்கள் இருவரையும் அடித்து உதைத்து சிறை பிடித்தனர். இது குறித்து போலீசார் விசாரித்து வருகின்றனர்.

வேலூரை அடுத்த புதுவசூரைச் சேர்ந்த லேப் டெக்னீசியன், பிலீப்ரிச்சர்ட் (49). இவர் கடந்த 5-ந் தேதி குடும்பத்துடன் சென்னைக்கு சென்றார். தொடர்ந்து பிப்ரவரி 9-ம் தேதி வீடு திரும்பிய குடும்பம் வீட்டின் கதவு உடைக்கப்பட்டு 28 பவுன் நகைகள் திருடப்பட்டிருந்ததை கண்டு அதிர்ச்சி அடைந்தது. இதுகுறித்து சத்துவாச்சாரி காவல் நிலைய 7 பேர் கொண்ட தனிப்படை போலீசார் விசாரணை நடத்தி வருகின்றனர்.

கிருஷ்ணாபுரம் அடுத்த ரங்கன் கொட்டாய்யை சேர்ந்த விவசாயி சஞ்சீவன் (34). இவருக்கு திருமணமாகி 2 குழந்தைகள் உள்ள நிலையில் கடந்த சில மாதங்களுக்கு முன்பு குடும்ப தகராறு காரணமாக மனைவி தனது பெற்றோர் வீட்டிற்கு சென்று விட்டார். இந்நிலையில் சஞ்சீவன் வீட்டில் தூக்குப்போட்டு தற்கொலை செய்து கொண்டார். இந்த சம்பவம் குறித்து கிருஷ்ணாபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.

சென்னை அயனாவரம் சோலையம்மன் தெருவைச் சேர்ந்த சுப்பு சவு மியா(20). இவர் வீட்டில் யாரும் இல்லாதபோது சுப்பு சவுமியா தூக்குப்போட்டு தற்கொலை செய்து கொண்டார். இது குறித்து அயனாவரம் போலீசார் வழக்குப்பதிவு செய்து விசாரணை நடத்தினர். கீழ்ப்பாக்கத்தை சேர்ந்த சதீஷ்குமார்(22) என்ற வாலிபரை காதலித்து வந்ததாகவும் அவர் ரயில் விபத்தில் உயிரிழந்ததால் துக்கம் தாங்காமல் தூக்கிட்டு தற்கொலை செய்துகொண்டது தெரிந்தது.

தேவதானப்பட்டி அருகே இளம்பெண் பிப்.9 அன்று கழுத்தறுத்து கொலை செய்யப்பட்டார். இந்த வழக்கில் ஜெயமங்கலம் போலீசார் ராஜாவை கைது செய்தனர். விசாரணையில் அவர் எங்களுக்குள் 6 வருடங்களுக்கு முன் பழக்கம் ஏற்பட்ட நிலையில் அவரது தாயார் அவருக்கு வேறு திருமணம் செய்து வைக்க ஏற்பாடு செய்தார். இதனால் எங்களுக்குள் தகராறு ஏற்பட்டதில் ஆத்திரமடைந்து மாரியம்மாளை கழுத்தை அறுத்து கொலை செய்ததாக ராஜா வாக்குமூலம் அளித்தார்.

செங்கம், மேலப்பாளையம் வீதியில் வசிக்கும் மூதாட்டி ஒருவரை நேற்று குரங்கு ஒன்று துரத்தி துரத்தி கடித்தது. இதனால் அவருக்கு தலையில் 4–5 தையல்கள் போடப்பட்டுள்ளது. செங்கம் நகரப் பகுதியில் குரங்குகள் மற்றும் நாய்கள் அதிகமாக சுற்றித் திரிவதால் பொதுமக்களுக்கு அச்சமும் இடையூறும் ஏற்படுவதாக குற்றசாட்டு எழுந்துள்ளது. இதனை கட்டுப்படுத்த நகராட்சி நிர்வாகம் நடவடிக்கை எடுக்க மக்கள் கோரிக்கை விடுத்துள்ளனர்.

மதுரை, பனகல் சாலை அரசு ராஜாஜி மருத்துவமனை முன் கடந்த வெள்ளிக்கிழமை சாலையைக் கடக்க முயன்றபோது, அரசுப் பேருந்து மோதியது. பலத்த காயமடைந்த அவர் உயிரிழந்தார். 55 வயது மதிக்கத்தக்க இவர், வலது கால் முட்டி மற்றும் வலது முன்னங்கையில் பழைய காயத் தழும்புகளுடன், சிவப்பு நிற அரைக்கால் ஆடை அணிந்திருந்தார். இது தொடர்பாக மதுரை மாநகரப் போக்குவரத்துப் புலனாய்வுப் பிரிவு போலீஸார் வழக்குப் பதிவு செய்துள்ளனர்.

செஞ்சியை அடுத்த பெருங்காயப்பூர் கோட்டிக்கல், பாறை பகுதியைச் சேர்ந்தவர் நாராயணசாமி(50). தொழிலாளியான இவர், நேற்று முன் தினம் இரவு பெருங்கப்பூர் கூட்டுரோடு அருகே சாலையைக் கடக்க முயன்றார். அப்போது, செஞ்சியில் இருந்து திருவண்ணாமலை நோக்கி சென்ற தனியார் பஸ், அவர் மீது மோதியதில் படுகாயமடைந்த அவரை அக்கம் பக்கத்தினர் மருத்துவமனையில் அனுமதித்தனர். அப்போது, அவர் ஏற்கனவே இறந்ததாகத் தெரிவித்தனர்.
Sorry, no posts matched your criteria.