India's largestHyperlocal short
news App
Get daily news updates that are tailored for you based on your preferred language & location.

பழனி மலைக்கோவிலில் தினமும் ஆயிரக்கணக்கான பக்தர்கள் தரிசனம் செய்கின்றனர். இந்நிலையில், இக்கோயிலில் தமிழக வெற்றிக் கழகத்தின் தலைவர் விஜய்யின் பிரச்சார பாடல் ஒலித்திருக்கிறது. இதனையடுத்து இந்த சம்பவத்தில் ஈடுபட்டவர் மீது போலீசில் புகார் அளிக்கப்பட்டிருக்கிறது. இந்நிலையில் பக்தர்களுக்கு இடையூறு ஏற்படுத்திய நபரை போலீசார் தீவிரமாக தேடி வருகின்றனர்.

கடையம் அருகே பிள்ளைகுளம் பகுதியை சேர்ந்தவர் ராமச்சந்திரன். கூலி தொழிலாளியான இவர் சில மாதங்களுக்கு முன் போதை மறுவாழ்வு மையத்தில் சிகிச்சை பெற்றிருந்தார். ஆனால் மதுபழக்கத்தை விட முடியவில்லை எனக்கூறி மீண்டும் மது குடித்ததாக கூறப்படுகிறது. இந்நிலையில் நேற்று அவர் திடீரென வீட்டில் தூக்கிட்டு தற்கொலை செய்து கொண்டார். தகவலறிந்து வந்த கடையம் போலீசார் அவரது உடலை மீட்டு தென்காசி GH-க்கு அனுப்பி வைத்தனர்.

நாகை மாவட்டத்தில் உள்ள அரசு நேரடி நெல் கொள்முதல் நிலையங்களில் வெளி மாவட்டங்களை சேர்ந்த விவசாயிகளின் நெல் அல்லது வியாபாரிகளின் நெல்லை கொள்முதல் செய்யக்கூடாது. இதனை மீறும் பட்சத்தில் நேரடி நெல் கொள்முதல் பணியாளர்கள் மீதும், நெல் விற்பனை செய்தவர் மீதும் கடும் நடவடிக்கை மேற்கொள்ளப்படும் என மாவட்ட ஆட்சித்தலைவர் ப.ஆகாஷ் எச்சரித்துள்ளார்.

திருச்சி விமான நிலையம் வயர்லஸ் ரோடு பகுதியை சேர்ந்தவர் இருதய பிரான்சிஸ் (67). ஓய்வு பெற்ற சிறப்பு சப்-இன்ஸ்பெக்டரான இவர், நேற்று காலை தனது டூவீலரில் கொட்டப்பட்டு அகதிகள் முகாம் அருகே சென்று கொண்டிருந்தார். அப்போது திடீரென மாடு ஒன்று குறுக்கே பாய்ந்தது. இதில் கீழே விழுந்து படுகாயமடைந்த அவர், சம்பவ இடத்திலேயே பரிதாபமாக உயிரிழந்தார். இதுகுறித்து போலீசார் விசாரித்து வருகின்றனர்.

ராமேஸ்வரத்தில் இருந்து பிப்.11 மீன்பிடிக்க சென்ற மீனவர்கள் நெடுந்தீவு அருகே 8 படகுகளில் மீன்பிடித்தபோது 5 பைபர் படகுகளில் மரத்தடி வீச்சரிவாளுடன் இலங்கை மீனவர்கள் ராமேஸ்வரம் மீனவர் படகுகளை சுற்றி வளைத்தனர். அப்போது ராமேஸ்வரம் மீனவர்கள் வலைகளை வெட்டிவிட்டு 7 படகுகளுடன் தப்பிச் சென்றனர். இதில் 1 படகு மீது பெட்ரோல் நிரப்பிய பாலித்தீன் பையை வீசினர். இதில் படகு இன்ஜின் தீப்பிடித்து எரிந்து சேதமடைந்தது.

போடி, சிலமலையில் மருந்துக் கடை நடத்தி வருபவர் சுனில் (52). இவர் நேற்று முன் தினம் அவரது காரில் கேரளா சென்று விட்டு ஊர் திரும்பியுள்ளார். அப்போது, லோயர்கேம்ப் பகுதியில் சபரிமலைக்கு சென்ற வேன் இவரது காா் மீது மோதியது. இந்த விபத்தில் சுனில் சம்பவ இடத்திலேயே பரிதாபமாக உயிரிழந்தாா். மேலும், வேனில் பயணித்த 4 பேர் படுகாயமடைந்தனர். விபத்து குறித்து குமுளி போலீசார் நேற்று வழக்குப்பதிவு செய்து விசாரணை.

திருநெல்வேலி கட்டாரங்குளத்தை சேர்ந்த பிரின்ஸ்(37) மற்றும் அவரது மனைவி, 3 வயது மகன் ரவினுடன் தூத்துக்குடி மாவட்டம், புளியம்பட்டி அந்தோணியார் சர்ச்(பிப்12) திருவிழாவிற்காக வந்தார். ஊர் திரும்ப தற்காலிக பஸ் ஸ்டாண்டில் காத்திருந்தபோது, அப்போது பின்நோக்கி வந்த சிறப்பு பஸ்ஸின் சக்கரம் ஏறி எதிர்பாராமல் ரவின் உயிரிழந்தார். புளியம்பட்டி போலீசார் டிரைவர் முத்துவேலை(பிப்.13) கைது செய்தனர்.

பணிக்கன்குடியிருப்பு பகுதியை சேர்ந்த ஜெயகுமாருக்கும், விக்டர் ராஜதாஸ் என்பவருக்கும் பணம் கொடுக்கல் வாங்கல் இருந்தது. இந்நிலையில் கொடுத்த பணத்தை ஜெயகுமாரும் அவரது சகோதரரும், காண்டிராக்டருமான விஜயகுமார் நேற்று முன் தினம் கேட்ட போது விக்டர் ராஜதாஸ் காரை வேகமாக ஓட்டி விஜயகுமார் மீது மோதினார். இதில் அவர் உயிரிழந்தார். இதுகுறித்து கோட்டார் போலீசார் வழக்குப்பதிந்து விக்டர் ராஜதாசுவை கைது செய்தனர்.

மதுரை மாநகராட்சி முக்கிய இடங்களில், குடிநீர் பைப் லைன்களில் புதிய வால்வுகள் பொருத்தும் பணி நடைபெற இருப்பதால், வரும் பிப்.17 & பிப்.18. ஆகிய 2 நாட்களுக்கு, வைகை தென்கரை வார்டு எண்: 44 முதல் 70 வரையும், 76, 77, 85, 89 ஆகிய வார்டு பகுதிகளிலும் குடிநீர் நிறுத்தம் செய்யப்படுகிறது. எனவே பொதுமக்கள் குடிநீரை சேமித்து சிக்கனமாக பயன்படுத்த மாநகராட்சியின் சார்பில் அறிவுறுத்தப்பட்டுள்ளது. *SHARE பண்ணுங்க.

திருப்பூர் மாவட்டத்தின் அனைத்து தாலுகாக்களிலும் இன்று (பிப்.14, சனிக்கிழமை) காலை 10 மணி முதல் பொது விநியோகத் திட்ட சிறப்பு குறைதீர் முகாம் நடைபெறுகிறது. இதில் பெயர் சேர்த்தல், நீக்கல், முகவரி திருத்தம் மற்றும் புதிய கார்டு விண்ணப்பம் போன்ற சேவைகளைப் பெறலாம். பொதுமக்கள் தங்கள் பகுதி வட்ட வழங்கல் அலுவலக முகாமில் பங்கேற்றுப் பயன் அடையுமாறு கலெக்டர் மனிஷ் நாரணவரே கேட்டுக்கொண்டுள்ளார். SHAREIT
Sorry, no posts matched your criteria.