India's largestHyperlocal short
news App
Get daily news updates that are tailored for you based on your preferred language & location.

சென்னையை அடுத்த பாடி பகுதியைச் சேர்ந்தவர் ரவிக்குமார்(44. இவரது மனைவி கவிதா(42). இருவரும் ராணிப்பேட்டை நோக்கி பைக்கில் சென்று கொண்டிருந்தனர். சென்னை – பெங்களூரு தேசிய நெடுஞ்சாலையில், காஞ்சிபுரம் அடுத்த தாமல் ஏரிக்கரை அருகே சென்ற போது சென்னையில் இருந்து அதிவேகமாக வந்த கார், இவர்களின் பைக் மீது மோதியது. இதில் தூக்கி வீசப்பட்ட தம்பதி, படுகாயமடைந்து, சம்பவ இடத்திலேயே பரிதாபமாக உயிரிழந்தனர்.

திருவள்ளூர்: திருத்தணி முருகன் கோயிலுக்கு நாள்தோறும் ஆயிரக்கணக்கான பக்தர்கள் வந்து செல்கின்றனர். இந்நிலையில், நாளை(பிப்.15) முகூர்த்த நாளை முன்னிட்டு ஆட்டோக்கள் செல்ல கோயில் நிர்வாகம் சார்பாக தடை விதிக்கப்பட்டுள்ளது. ஆகையால், மலைக்கோவில் நுழைவுப் பகுதியில் இருந்து படா செட்டிக்குளம் வரை பக்தர்கள் கட்டணமின்றி கோயில் பஸ்களில் செல்லலாம். பைக்களில் மலைக்கோவில் மேல் செல்ல அனுமதிக்கப்படும்.

தூத்துக்குடி, கோவில்பட்டி பகுதியில் ரோந்து சென்ற போலீசார், கோவில் அருகே சந்தேகத்திற்கிடமாக நின்ற இளம்சிறாரை சோதனை செய்ததில் 100 கிராம் கஞ்சா விற்பனைக்காக வைத்திருந்தது கண்டுபிடிக்கப்பட்டது. வழக்கு பதிவு செய்து அவரை கைது செய்தனர். விசாரணையில் அவர் தனியார் பள்ளியில் பிளஸ் 2 படித்து வருவது தெரியவந்தது. பின்னர் திருநெல்வேலியில் உள்ள கூர்நோக்கு இல்லத்தில் ஒப்படைக்கப்பட்டார்.

போளூரில் இருந்து வந்தவாசிக்கு பொருட்களை ஏற்றி வந்த லாரி, பொருட்களை இறக்கி விட்டு மீண்டும் வந்து கொண்டிருந்தது. அப்போது ஆவணவாடி கிராம கூட்டுச் சாலைப் பகுதியில், லாரியும் மற்றொரு மினி வேனும் மோதிக்கொண்டன. இதில், மினி வேன் டிரைவர் அசாருதீன், உடல் நசுங்கி சம்பவ இடத்திலேயே பலியானார். இதில், அதிவேகமாக லாரியை இயக்கிய டிரைவர் செல்வத்தை போலீசார் கைது செய்தனர்.

கடலூர் மாவட்டம், பி.என்.பாளையத்தை சேர்ந்தவர் சுந்தர் (60). இவரது மகள் ஷாலினிக்கு நெய்வேலி என்.எல்.சி நிறுவனத்தில் வேலை வாங்கி தருவதாக கூறி, கடலூர் நீதிமன்றத்தில் பணிபுரியும் நெல்லிக்குப்பத்தை சேர்ந்த ராஜேஷ் (39) ரூ.16 லட்சம் பெற்றுள்ளார். இதையடுத்து தான் ஏமாற்றப்பட்டதை உணர்ந்த சுந்தர் நெல்லிக்குப்பம் காவல்நிலையத்தில் அளித்த புகாரின் பேரில் ராஜேஷ் நேற்று கைது செய்யப்பட்டார்.

திருநெல்வேலி அருகே கிருஷ்ணாபுரம், கலைக்கோயில் நகரைச் சேர்ந்த முருகன் மகன் வெங்கடேஷ்(13) தனது சகோதரியின் பூப்புனித நீராட்டு விழாவைத் தொடர்ந்து நண்பருடன் மோட்டார் சைக்கிளில் சென்றபோது விபத்து ஏற்பட்டது. இதில் வெங்கடேஷ் உயிரிழந்தார். பலத்த காயமடைந்த சா்வேஸ் தனியார் மருத்துவமனையில் சிகிச்சை பெற்று வருகிறார். விபத்து குறித்து திருநெல்வேலி அருகே சிவந்திப்பட்டி போலீஸார் விசாரணை நடத்தி வருகின்றனர்.

திருச்சி மாவட்டத்தைச் சேர்ந்தவர் டிராக்டர் டிரைவர் தீபக் (20). இவர் நேற்று பெரம்பலூர் மாவட்டம், டி.களத்தூரில் உள்ள அரிசி ஆலை ஒன்றுல் உமி ஏற்றுவதற்காக டிராக்டரை ஓட்டி சென்றுள்ளார். அப்போது கட்டுப்பாட்டை இழந்த டிராக்டர் கவிழ்ந்து விபத்துக்குள்ளானது. இதில் தீபக் சம்பவ இடத்திலேயே உயிரிழந்தார். தற்போது இது தொடர்பாக பாடாலூர் போலீசார் வழக்குப் பதிந்து விசாரித்து வருகின்றனர்.

மயிலாடுதுறை மாவட்டத்தில் 10க்கும் மேற்பட்ட பணியாளர்கள் உள்ள அனைத்து அரசு மற்றும் தனியார் நிறுவனங்களில் உள்ளகக் குழு (பெண்கள் பாதுகாப்புக்கான அலுவலக குழு) அமைக்க வேண்டும். தவறும் நிறுவனங்களுக்கு பணியிடத்தில் பெண்கள் மீதான பாலியல் துன்புறுத்தல் சட்டம் 2013ன் படி ரூ. 50,000 அபராதம் விதிக்கப்படும் என மாவட்ட ஆட்சியர் எச்சரிக்கை விடுத்துள்ளார். கூடுதல் விவரங்களுக்கு 04364-212429 ஐ அழைக்கலாம்.

அரியலூர் மாவட்ட மதுவிலக்கு அமல் பிரிவு காவல்துறை சார்பில், பொதுமக்களுக்கு போதைப் பொருட்களால் ஏற்படும் விளைவு குறித்த கலைநிகழ்ச்சிகள் மூலம் விழிப்புணர் ஏற்படுத்தப்பட்டது. மாவட்ட காவல் கண்காணிப்பாளர் விஷ்வேஷ் பா சாஸ்திரி உத்தரவின் பேரில் கூடுதல் காவல் கண்காணிப்பாளர் முத்தமிழ் செல்வன், மாவட்டத்தின் பல்வேறு பகுதிகளில் கலை நிகழ்ச்சிகள் மூலம் பொது மக்களிடம் விழிப்புணர்வு ஏற்படுத்தினார்.

கோத்தகிரி கொடநாடு கொலை, கொள்ளை வழக்கு ஊட்டி ஒருங்கிணைந்த நீதிமன்றத்தில் நேற்று விசாரணைக்கு வந்தது. இவ்வழக்கில், குற்றவாளிகள் தரப்பில் மனோஜ்சாமி, சந்தோஷ்சாமி, சதீஷன் மற்றும் தீபு ஆகியோர் ஆஜராகினர். வழக்கில் ஆஜராகாத வாளையார் மனோஜுக்கு பிடிவாரன்ட் பிறப்பிக்கப்பட்டது. தொடர்ந்து, வழக்கு விசாரணையை வரும் மார்ச் மாதம் 6-ம் தேதிக்கு நீதிபதி சந்திரசேகரன் ஒத்தி வைத்தார்.
Sorry, no posts matched your criteria.