India's largestHyperlocal short
news App
Get daily news updates that are tailored for you based on your preferred language & location.

தேனி மாவட்டம், உத்தமபாளையம் உட்கோட்டம் குமுளி காவல் நிலைய எல்லைக்குட்பட்ட பகுதியில் காவல்துறையினர் வாகன சோதனை செய்தனர். அப்போது சட்ட விரோதமாக கஞ்சாவை பதுக்கி வைத்திருந்த 3 நபர்களை கைது செய்தனர். இதனைத் தொடர்ந்து அந்த நபர்களிடமிருந்து மொத்தம் 34.950 கிலோ கிராம் கஞ்சா பறிமுதல் செய்யப்பட்டு அவர்கள் பயன்படுத்திய வாகனமும் பறிமுதல் செய்யப்பட்டுள்ளதாக காவல்துறை நிர்வாகம் தெரிவித்துள்ளது.

மத்திய அரசின் ஒலிம்பிக் 2026 மற்றும் கஹேலோ இந்தியா 2026 முன்னெடுப்பின் ஒரு பகுதியாக, வேலூர் மாவட்ட பாஜக விளையாட்டுப் பிரிவு மற்றும் ‘நமோ இளைஞர் அறக்கட்டளை’ சார்பில் இன்று (பிப்.15) காலை மராத்தான் போட்டி நடைபெற்றது. இதை பாஜக மாநில பொதுச்செயலாளர் கார்த்தியாயினி தொடங்கி வைத்தார். மேலும் இதில் மாவட்டத் தலைவர் தசரதன் விநாயகம், விளையாட்டுப் பிரிவு மாவட்டத் தலைவர் ரமேஷ் கண்ணா ஆகியோர் கலந்துகொண்டனர் .

தேசிய வேலையுறுதித் திட்டத்தை திமுக அரசு சீர்குலைக்க முயற்சிப்பதாக குற்றஞ்சாட்டி, வேலூர் மாவட்டத்தில் அனைத்து ஊராட்சி ஒன்றிய அலுவலகங்கள் முன்பும் அதிமுக மற்றும் கூட்டணி கட்சிகள் நேற்று (பிப்.14) ஆர்ப்பாட்டத்தில் ஈடுபட்டனர். இதில் தொழிலாளர்களுக்கு பணிகள் முறையாக வழங்கப்படவில்லை என குற்றம்சாட்டி முழக்கங்கள் எழுப்பப்பட்டன. இதில் அதிமுக, பாஜக உள்ளிட்ட கட்சியினர் திரளாக பங்கேற்றனர்.

நீலகிரி மாவட்டம், கோத்தகிரி – மேட்டுப்பாளையம் தேசிய நெடுஞ்சாலையில் சருகுமான் உலா வந்தது. இந்த காட்சியை வாகனத்தில் சென்றவர்கள் போட்டோ எடுத்து சமூக வலைதளங்களில் வெளியிட்டுள்ளனர். தற்போது இந்த போட்டோ சமூக வலைதளங்களில் வைரலாகி வருகிறது. இந்நிலையில்,வனத்துறையினர் வனவிலங்குகளை போட்டோ மற்றும் வீடியோ எடுக்கக் கூடாது என அறிவுறுத்தியுள்ளனர்.

தமிழர்களின் பாரம்பரிய வீர விளையாட்டான ஜல்லிக்கட்டுப் போட்டி, சேலம் அருகே உள்ள நிலவாரப்பட்டியில் இன்று தொடங்கியது. இந்த ஜல்லிக்கட்டு திருவிழாவைச் சேலம் மாவட்ட ஆட்சியர் பிருந்தா தேவி தொடங்கி வைத்தார். வாடிவாசலில் இருந்து துள்ளி வரும் காளைகளை அடக்க மாடுபிடி வீரர்கள் மிகுந்த உற்சாகத்துடன் களமிறங்கினர். சிறந்த மாடுபிடி வீரர்களுக்கும், பிடிபடாத காளைகளின் உரிமையாளர்களுக்கும் பரிசுகள் வழங்கப்பட்டன.

சிவகங்கை மாவட்டம், ஆதிதிராவிடர் மற்றும் பழங்குடியின இளைஞர்கள் பயன்பெறும் வகையில் தமிழ்நாடு ஆதிதிராவிடர் வீட்டுவசதி மற்றும் மேம்பாட்டுக் கழகத்தின் சார்பில் (Cosmetology, Aesthetic training and Dermaplaining training) பயிற்சிகள் வழங்கப்படவுள்ளது. விருப்பமுள்ளவர்கள் தாட்கோ www.tahdco.com என்ற இணையதள முகவரியின் வாயிலாக விண்ணப்பித்து பயன்பெறலாம் என மாவட்ட ஆட்சியர் பொற்கொடி இன்று தெரிவித்துள்ளார்.

வந்தே மாதரம் பாடலின் 150-வது ஆண்டை முன்னிட்டு, புதுச்சேரி சுற்றுலாத் துறை மற்றும் PTDC இணைந்து ‘CISF வந்தே மாதரம் கடலோர சைக்கிள் பேரணி 2026’ இன்று (பிப்.15) காலை 6.00 மணிக்கு காந்தி திடலில் தொடங்கியது. இந்தியாவின் நீண்ட கடற்கரைப் பாதையை ஒட்டிச் செல்லும் இந்த பேரணி, கடலோரப் பாதுகாப்பு, நிலையான வளர்ச்சி மற்றும் தேசிய ஒற்றுமை என்பதை வலியுறுத்தும் நோக்குடன் நடத்தப்படுகிறது.

மாநில அளவில் நடைபெற்ற வானவில் மன்றம் போட்டியில் கங்கைகொண்டான் அரசு மகளிர் உயர்நிலைப்பள்ளி மாணவி மதுமிதா சாதனை படைத்து இன்று தனது சொந்த ஊரான கங்கைகொண்டானுக்கு இல்லம் திரும்பினார். இவ்வாறு சாதனை படைத்து வந்த மாணவி மதுமிதாவை திருநெல்வேலி மாநகராட்சியின் துணை மேயர் ராஜு தலைமையில் ஊர் பொதுமக்கள் உற்சாக வரவேற்பு அளித்தனர்.

புதுக்கோட்டை மாநகராட்சிக்குட்பட்ட மாலையிடு தனியார் திருமண மஹாலில் விளையாட்டு உபகரணங்கள் வழங்கும் விழா நடைபெற உள்ளது. அதில் தமிழக துணை முதல்வரும், இளைஞர் நலன் மற்றும் விளையாட்டு மேம்பாட்டு துறை அமைச்சருமான உதயநிதி ஸ்டாலின் கலந்து கொண்டு உபகரணங்களை வழங்குகிறார் என புதுகை பிஆர்ஓ அலுவலகம் அதிகாரப்பூர்வமாக அறிவித்துள்ளது.

தமிழக அரசு சொத்து தொடர்பான சேவையை WhatsApp-ல் வழங்க திட்டமிட்டுள்ளது.
1. 8188869996 எண்ணை Save பண்ணுங்க.
2. WhatsApp-ல் வணக்கம் அனுப்புங்க
3. மாவட்டம், கிராமம் விவரங்களை குறிப்பிட்டு (சொத்து நகல், ஈசி, பட்டா, சிட்டா) தேர்தெடுங்க.
4. நீங்கள் குறிப்பிட்ட சொத்து தொடர்பான அனைத்து தகவல்களும் WhatsApp -ல் கிடைக்கும்.
இந்த எண் விரைவில் பயன்பாட்டுக்கு வர உள்ளது. மற்றவர்கள் தெரிஞ்சுக்க Share பண்ணுங்க..!
Sorry, no posts matched your criteria.