India's largestHyperlocal short
news App
Get daily news updates that are tailored for you based on your preferred language & location.

பண்ருட்டி அருகே திருத்துறையூர் கிராமத்தைச் சேர்ந்த ஜெயராஜ் என்பவர் வடுகுபாளையம் பகுதியில் சங்கர் என்பவருடைய செங்கல் சூளையில் டிராக்டர் ஓட்டும்போது எதிர்பாராத விதமாக டிராக்டர் கவிழ்ந்தது. அதில் ஜெயராஜ் டிராக்டரில் சிக்கி சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த பண்ருட்டி போலீசார் சம்பவ இடத்திற்கு சென்று உடலை கைப்பற்றி விசாரணை மேற்கொண்டுள்ளனர்.

ஆண்டிபட்டியை அடுத்த சக்கம்பட்டியைச் சேர்ந்த நாராயணசாமி (42) வீட்டருகே உணவகம் நடத்தி வந்தார். சனிக்கிழமை வீட்டில் மின் சுவிட்சை போட்டபோது மின் கசிவு ஏற்பட்டு உடலில் மின்சாரம் பாய்ந்தது. பலத்த காயமடைந்த அவரை ஆண்டிபட்டி அரசு மருத்துவமனைக்கு கொண்டு செல்லும் வழியில் உயிரிழந்தார். சம்பவம் குறித்து ஆண்டிபட்டி காவல் நிலையம் போலீஸார் வழக்குப் பதிவு செய்து விசாரணை நடத்தி வருகின்றனர்.

இலந்தைக்கூடம் கிராமத்தைச் சேர்ந்த சங்கர்கணேஷ் என்ற பிசியோதெரபி மருத்துவர் ரூ.5 லட்சத்தை ஆன்லைன் மூலம் ஏமாந்துள்ளார். இதனையடுத்து அரியலூர் மாவட்ட இணைய குற்றப்பிரிவு காவல் நிலையத்தில் கடந்த மாதம் 20-ம் தேதி புகார் அளித்துள்ளார். பின்னர் போலீசார் திருப்பூர் மாவட்டத்தை சேர்ந்த அபுதாகீர், சென்னையைச் சேர்ந்த கார்த்திக் ஆகிய 2 பேரையும் கைது செய்து, விசாரணை மேற்கொண்டுள்ளதாக கூறப்பட்டுள்ளது.

களியக்காவிளை அருகே உள்ள கைதக்குழி பகுதியை சேர்ந்த ஜான்சன் என்பவரின் வீட்டின் பின்பகுதியில் உள்ள காலி இடத்தில், 40 வயது மதிக்கத்தக்க ஒரு ஆண் சடலம் மர்மமான முறையில் கிடந்தது. இதுகுறித்து களியக்காவிளை போலீசாருக்கு தகவல் கொடுக்கப்பட்டது. போலீசார் சம்பவ இடத்துக்கு வந்து பார்வையிட்டனர். அவர் யார் எந்த ஊரைச் சேர்ந்தவர் என்பது குறித்து, போலீசார் தீவிர விசாரணை மேற்கொண்டுள்ளனர்.

உளுந்தூர்பேட்டை அருகே உள்ள பாதூர் கிராமத்தைச் சேர்ந்தவர் மின்னல் கொடி (60). இவரை காணவில்லை என கணவர் கருணாநிதி வீட்டை சுற்றிலும் தேடியுள்ளார். அப்போது, வீட்டின் அருகே உள்ள கிணற்றில் தவறி விழுந்து, உயிரிழந்தது தெரியவந்துள்ளது. தனது மனைவி கிணற்றில் மிதப்பதை கண்டு அதிர்ச்சியடைந்த கருணாநிதி, போலீசாருக்கு தகவல் கொடுத்தார். இதுகுறித்து போலீசார் விசாரித்து வருகின்றனர்.

சிவகங்கை மாவட்டம், இளையான்குடி புதூரைச் சேர்ந்த ஜான் என்பவரின் மகன் ரஷீத்கான் என்பவர் சிலம்பத்தில் கின்னஸ் சாதனை படைத்துள்ளார். நேற்று (15.02.26) சென்னை பொத்தேரியில் நடைபெற்ற கின்னஸ் சாதனைக்கான சிலம்ப நிகழ்ச்சியில் 4 மணி நேரம் 10 நிமிடம் இடைவிடாமல் சிலம்பம் சுற்றி கின்னஸ் சாதனை படைத்து சிவகங்கை மாவட்டத்திற்கு பெருமை சேர்த்துள்ளார். இவருக்கு பல்வேறு தரப்பினரும் வாழ்த்துக்களை தெரிவித்து வருகின்றனர்.

தென்காசி மாவட்டம், ராயகிரி பகுதியை சேர்ந்த வாசுதேவநல்லூர் சட்டமன்ற தொகுதி முன்னாள் எம்எல்ஏ மனோகரன் தவெகவில் இணைந்தார். அதிமுகவில் இருந்த அவர் முன்னாள் முதலமைச்சர் ஓ.பன்னீர்செல்வம் தனியாக சென்றபோது அவரது அணியில் இருந்து செயல்பட்டார். தற்போது திமுகவில் செல்ல இருப்பதாக வலைதளங்களில் பரவி வந்த நிலையில் தற்போது அவர் தவெகவில் இணைந்துள்ளார்.

பள்ளாகுளத்தை சேர்ந்த குருசாமி இன்று மாலை சகோதரர் முனியசாமி மகன்கள் முகிலரசன்,சுமித்ரன், சகோதரியான முத்துலட்சுமி என 5 பேர் வைப்பார் கிராமம் கிழக்கு கடற்கரை சாலையில் சாலை விபத்தில் உயிரிழந்தனர். அவர்களின் குடும்பத்தினருக்கும் எனது ஆழ்ந்த இரங்கலையும் தெரிவித்து உயிரிழந்தவர்களின் குடும்பத்தினருக்கு தலா ரூ.3 லட்சம் தமிழ்நாடு முதலமைச்சர் ஸ்டாலின் பொது நிவாரண நிதியிலிருந்து வழங்கிட உத்தரவிட்டுள்ளார்.

விகேபுரம் காவல் நிலையத்தில் முதல் நிலை காவலராக பணியாற்றும் ஞானசுந்தர்(38) என்பவரது பொன்மா நகரில் உள்ள வீட்டில் ரொக்க பணம், பொருட்கள் கொள்ளை போனது. இது குறித்து கல்லிடைகுறிச்சி போலீசார் விசாரித்து வந்த நிலையில் இச்சம்பவத்தில் ஈடுபட்ட தெற்கு பாப்பான்குளம் ஜெயக்குமார்(27) கருத்தப்பிள்ளையூர் வினித்(22), 17 வயது சிறுவன் ஆகிய 3 பேரை போலீசார் நேற்று கைது செய்து அவர்களிடமிருந்து பணம், பொருட்களை மீட்டனர்.

தஞ்சாவூர் மாவட்டத்தில் நேற்று (பிப்.15) இரவு 10 முதல், இன்று (பிப்.16) காலை 6 மணி வரை ரோந்து பணிக்கு காவல் அலுவலர்கள் நியமிக்கப்பட்டுள்ளனர். எனவே பொதுமக்கள் தங்கள் அவசர காலத்திற்கு உங்கள் உட்கோட்ட அலுவலரை மேற்கண்ட தொலைபேசி வாயிலாக அழைக்கலாம் அல்லது 100ஐ டயல் செய்யலாம் என்று தெரிவிக்கப்பட்டுள்ளது. இத்தகவல் மற்றவர்களுக்கும் பயன்பெற ஷேர் செய்யுங்கள்!
Sorry, no posts matched your criteria.