Tamilnadu

News April 1, 2026

பெரம்பலூர்: துணை முதல்வர்-அமைச்சர் சிவசங்கர் சந்திப்பு

image

குன்னம் சட்டமன்றத் தொகுதியில் வரும் 2026 சட்டமன்றத் தேர்தலில் மதச்சார்பற்ற முற்போக்கு கூட்டணியின் சார்பில் போக்குவரத்து துறை அமைச்சர் சிவசங்கர் மீண்டும் போட்டியிடுகிறார். இதனை தொடர்ந்து, நேற்று (மார்ச் 30) துணை முதல்வர் உதயநிதி ஸ்டாலினை நேரில் சந்தித்து வாழ்த்து பெற்றார். உடன் திமுக நிர்வாகிகள் மற்றும் தொண்டர்கள் பலர் கலந்துகொண்டனர்.

News April 1, 2026

பரமக்குடி: கடன் வாங்குவதில் தமிழகம் முதலிடம் – EPS விமர்சனம்

image

பரமக்குடியில் எடப்பாடி பழனிசாமி நேற்று பிரசாரம் செய்தார். அதில் அவர் பேசியதாவது; ஏராளமான வரிகளை விதித்து திமுக அரசு மக்களை கடனாளியாக்கியுள்ளது. கடன் வாங்குவதில் தமிழகம் முதன்மை மாநிலம் என்ற பெருமையை திமுக வாங்கி கொடுத்துள்ளது. மு.க.ஸ்டாலின் அறிவித்துள்ள கூப்பன் திட்டம் கொள்ளையடிப்பதற்காக அறிவிக்கப்பட்ட திட்டம். தொடர்ந்து பேசிய அவர் திமுக முடக்கிய திட்டங்கள் அதிமுக ஆட்சியில் தொடரும் என்றார்.

News April 1, 2026

பிரதமர் வருகை – சிறப்பு பாதுகாப்பு குழுவினர் ஆய்வு

image

புதுச்சேரியில் வருகிற ஏப்ரல் 9-ம் தேதி சட்டமன்ற தேர்தல் நடைபெற உள்ளது. இந்த தேர்தலில் தேசிய ஜனநாயக கூட்டணி கட்சி வேட்பாளர்களை ஆதரித்து பிரதமர் மோடி வருகிற 3-ம் தேதி மாலை 3 மணிக்கு புதுவையில் ரோடு ஷோ நடத்த உள்ளார். இந்த நிலையில் டெல்லியிலிருந்து சிறப்பு பாதுகாப்பு குழுவினர் நேற்று புதுச்சேரி வந்தனர். அவர்கள் அஜந்தா சிக்னல் முதல் அண்ணா சாலை வரை சென்று பாதுகாப்பு ஏற்பாடுகள் குறித்து ஆய்வு செய்தனர்.

News April 1, 2026

திண்டுக்கல்: கார் மோதி பரிதாப பலி!

image

கன்னியாகுமரி மாவட்டம், கல்குளம் பகுதியை சேர்ந்தவர் முருகன் (51). இவர் வடமதுரையில் தங்கி கட்டிட வேலை பார்த்து வந்தார். கடந்த 29-ந்தேதி வடமதுரை மின்வாரிய அலுவலகம் அருகே திண்டுக்கல் – திருச்சி தேசிய நெடுஞ்சாலையை கடப்பதற்காக நின்றிருந்தார். அப்போது நாகராஜன் என்பவர் ஓட்டி வந்த கார் முருகன் மீது மோதி விபத்து ஏற்பட்டது. இதில் பலத்த காயம் அடைந்த முருகன் ஆஸ்பத்திரியில் சிகிச்சை பலன்றி பரிதாபமாக இறந்தார்.

News April 1, 2026

நாமக்கல்: தேர்தல் பறக்கும் படையினர் அதிரடி

image

நாமக்கல் தொகுதிக்கு உள்பட்ட புதுச்சத்திரம் பகுதியில் நிலை கண்காணிப்புக் குழு அலுவலர் கலைச்செல்வன் தலைமையிலான குழுவினர் வாகனச் சோதனையில் ஈடுபட்டிருந்தனர். புதுச்சத்திரத்தில் இருந்து சிங்களாந்தபுரம் செல்லும் வழியில், கோவிந்தம்பாளையத்தில் இருசக்கர வாகனத்தில் வந்தவரை மறித்து சோதனை மேற்கொண்டனர். அப்போது, உரிய ஆவணங்களின்றி ரூ.2,52,900 ரொக்கம் இருப்பது கண்டறியப்பட்டு பறிமுதல் செய்தனர்.

News April 1, 2026

ஊட்டியில் 2 சிறுமிகளுக்கு வன்கொடுமை; இளைஞர் கைது!

image

ஊட்டி பகுதியில் 8 மற்றும் 7 வயது சிறுமிகள் பாட்டி வீட்டிற்கு சென்று விளையாடி வந்தனர். அங்கு வந்த இளைஞர் அவர்களுடன் விளையாடி வந்துள்ளார். இதற்கிடையே சிறுமிகள் வயிற்று வலி எனக் கூறிய போது, மருத்துவ பரிசோதனையில் வன்கொடுமைக்கு உள்ளானது தெரியவந்தது. விசாரணையில் இளைஞர், சிறுமிகளை மிரட்டி வன்கொடுமை செய்தது உறுதியானது. இதையடுத்து ஊட்டி அனைத்து மகளிர் போலீசார் போக்சோ சட்டத்தில் இளைஞரை கைது செய்தனர்.

News April 1, 2026

கிருஷ்ணகிரி: லாரி மோதி இருவர் பரிதாப பலி!

image

சூளகிரி பகுதியை சேர்ந்த சிவசங்கர் என்பவருடைய மகன் சேசவன் (17). அதே பகுதியை சேர்ந்த சிவக்குமார் என்பவருடைய மகன் சுதீப் (16). சேசவன், சுதீப் ஆகிய இருவரும் நேற்று முன் தினம் நள்ளிரவு டூவிலரில் சூளகிரி சென்று திரும்பினர். குருபாரத்பள்ளி சிப்கார் ரோட்டில் சாலையில் எதிர் திசையில் சென்றதாக தெரிகிறது. அப்போது எதிரே வந்த லாரி டூவீலர் மீது மோதியது. இதில் கேசவன், சுதீப் இருவரும் சம்பவ இடத்தில் உயிரிழந்தனர்.

News April 1, 2026

அரியலூர்: போலீசாருக்கு வாக்குச்சாவடி பணிக்கான பயிற்சி

image

சட்டமன்ற பொதுத்தேர்தலை முன்னிட்டு, வாக்குச்சாவடி மையங்களில் பணியாற்றும் காவல்துறையினருக்கு சிறப்பு பயிற்சி கூட்டம் நடைபெற்றது. இதில் தேர்தல் நாளில் சட்டம் மற்றும் ஒழுங்கை பாதுகாப்பது, வாக்காளர்கள் சுதந்திரமாக வாக்களிக்க உதவுவது, வாக்குச்சாவடி வளாகத்தில் அமைதியை நிலைநிறுத்துவது மற்றும் தேர்தல் விதிமுறைகளை, பின்பற்றி எவ்வாறு பணியாற்ற வேண்டும் என்பது குறித்து விரிவான அறிவுரைகள் வழங்கப்பட்டன.

News April 1, 2026

நாகை: தேர்தல் செலவீன கணக்கு பார்வையாளர் ஆய்வு

image

நாகப்பட்டினம் மாவட்ட ஆட்சியர் அலுவலகத்தில் செயல்பட்டு வரும் தேர்தல் கட்டுப்பாட்டு அறையில், சட்டமன்ற தேர்தல்-2026-ஐ முன்னிட்டு தேர்தலை கண்காணித்திட அமைக்கப்பட்ட பறக்கும் படைக்குழுக்கள், நிலையான கண்காணிப்புக்குழுக்கள், வீடியோ கண்காணிப்புக் குழுக்கள் ஆகியவற்றை, நாகப்பட்டினம் சட்டமன்ற தொகுதிக்கு செலவின பார்வையாளர் (Expenditure Observer) நர்சிங்குமார் கல்கோ பார்வையிட்டு ஆய்வு செய்தார்.

News April 1, 2026

தஞ்சையில் தேர்தல் பறக்கும்படை அதிரடி

image

தஞ்சையில் தேர்தல் நடத்தை விதிகள் அமலில் உள்ள நிலையில், உரிய ஆவணமின்றி கொண்டு செல்லப்பட்ட ரூ.93,000 ரொக்கப்பணத்தை தேர்தல் பறக்கும்படை அதிகாரிகள் இன்று பறிமுதல் செய்தனர். வரும் ஏப்.23 சட்டமன்றத் தேர்தலை முன்னிட்டு, வாக்காளர்களுக்குப் பணம் விநியோகிப்பதைத் தடுக்க இந்த அதிரடி நடவடிக்கை எடுக்கப்பட்டது. பிடிபட்ட பணம் வட்டாட்சியர் அலுவலகத்தில் ஒப்படைக்கப்பட்டது.

error: Content is protected !!
↑