India's largestHyperlocal short
news App
Get daily news updates that are tailored for you based on your preferred language & location.

விருதுநகர் மாவட்டம், துலுக்கன்குறிச்சியில் உள்ள ஒரு பட்டாசு ஆலையில் தடை செய்யப்பட்ட சரவெடிகள் தயார் செய்வதாக வெம்பக்கோட்டை போலீசாருக்கு ரகசிய தகவல் கிடைத்தது. அதன் பேரில் நேற்று முன்தினம் இரவு, இன்ஸ்பெக்டர் இளங்கோவன் தலைமையில் போலீசார் சோதனை மேற்கொண்டனர். அப்போது பட்டாசு அறைகளில் ஏராளமானோர் பணிபுரிந்தது தெரியவந்தது. இதையடுத்து ஆலை மேலாளர் மகேந்திரன் (38) உட்பட 6 பேர் மீது வழக்குப்பதிவு செய்தனர்.

தூத்துக்குடி மாவட்டம், விளாத்திகுளம் அருகே 12 ம் வகுப்பு மாணவி பாலியில் வன்கொடுமை செய்யப்பட்டு உயிரிழந்த சம்பவம், தமிழகம் முழுவதும் பெரும் பரபரப்பை ஏற்படுத்தியது. இந்நிலையில், இவ்வழக்கில் கைது செய்யப்பட்ட தர்மமுனீஸ்வரன் நேற்று தூத்துக்குடி போக்சோ நீதிமன்ற நீதிபதி முன்னிலையில் காணொளி மூலம் ஆஜர்படுத்தபட்டார். வரும் 16 ம் தேதி வரை நீதிமன்ற காவலை நீட்டித்து நீதிபதி பிரீத்தா உத்தரவிட்டார்.

முதுகுளத்தூர் அருகே உள்ள அணிகுருந்தான் கிராமத்தை சேர்ந்தவர் சந்தான செல்வம் (வயது 36). இவர் கடந்த மாதம் 30-ந் தேதி ஈரான் நடத்திய தாக்குதலில் உயிரிழந்தார். இதை தொடர்ந்து இந்திய தூதரக உதவியுடன் சந்தான செல்வத்தின் உடல் திருச்சி விமான நிலையம் கொண்டுவரப்பட்டு, சொந்த ஊருக்கு எடுத்து வரப்பட்டது. உடலுக்கு குடும்பத்தினர் மற்றும் உறவினர்கள் அஞ்சலி செலுத்திய பின்னர் அவரது உடல் தகனம் செய்யப்பட்டது.

சோழவந்தான் அருகே கடந்த வாரம் அரசு பஸ்-கார் நேருக்கு நேர் மோதிய விபத்தில் சீனிவாசன் (52) என்பவர் படுகாயமடைந்து மதுரை அரசு ராஜாஜி மருத்துவமனையில் சிகிச்சை பெற்று வந்தார். இந்நிலையில் நேற்று மாலை சிகிச்சை பலனின்றி சீனிவாசன் பரிதாபமாக உயிரிழந்தார். இதுகுறித்து தகவலறிந்த சோழவந்தான் போலீசார், சீனிவாசன் உடலை கைப்பற்றி பரிசோதனைக்கு அனுப்பி வைத்து விசாரணை நடத்தி வருகின்றனர்.

நாமக்கல் மாவட்டம் ராசிபுரம் அருகே புதுப்பாளையத்தில் திருமணத்திற்காக வைத்திருந்த ரூ.8.55 லட்சத்தை திருடிய பெண் கைது செய்யப்பட்டார். பூமலை வீட்டில் உறவினர் போல நுழைந்த மைதிலி, கருவேப்பிலை கேட்டு கவனம் திருப்பி பீரோவில் இருந்த பணத்தை எடுத்து தப்பினார். போலீசார் விசாரணையில் கைது செய்த அவரை பின்னர் ஜாமினில் விடுவித்தனர்.

கடலூர் மாவட்டம் மங்களூரைச் சேர்ந்தவர் வேல்முருகன்(48). இவர் பைக்கில்
ஆவட்டியிலிருந்து மங்களூர் சென்று கொண்டிருந்தார். அப்போது சிவா என்பவர் ஓட்டி வந்த மற்றொரு பைக்குடன் வாகனம் நேருக்கு நேர் மோதிய விபத்து ஏற்பட்டது. இதில், வேல்முருகன் பலத்த காயம் அடைந்து திட்டக்குடி அரசு மருத்துவமனையில் அனுமதிக்கப்பட்ட நிலையில் உயிரிழந்தார். இதுகுறித்து ராமநத்தம் போலீசார் வழக்கு பதிந்து விசாரணை மேற்கொண்டுள்ளனர்.

கொடைக்கானலில் இருந்து கேரளா சென்ற கார், மேல்பள்ளம் அருகே கட்டுப்பாட்டை இழந்து பள்ளத்தில் கவிழ்ந்து விபத்துக்குள்ளானது. பள்ளத்தில் இருந்த பாறையில் மோதி கார் நின்றதால் மிகப்பெரிய அசம்பாவிதம் தவிர்க்கப்பட்டது. தகவலறிந்து திரண்ட பொதுமக்கள் காரில் இருந்தவர்களைப் பத்திரமாக மீட்டனர். நல்வாய்ப்பாகப் பயணிகள் அனைவரும் காயமின்றி உயிர் தப்பினர். இச்சம்பவம் மலைச்சாலையில் பெரும் பரபரப்பை ஏற்படுத்தியது.

தருமபுரியைச் சேர்ந்த முகேஷ் குமார் (23), கோவையில் தங்கி தனியார் கல்லூரியில் ஐந்தாம் ஆண்டு பார்மசி பயின்று வந்தார். இவர் நேற்றிரவு தனது நண்பர்கள் 8 பேருடன் சேர்ந்து பூண்டி வெள்ளியங்கிரி ஆண்டவர் கோவிலுக்கு மலையேறச் சென்றுள்ளார். 5-வது மலையை எட்டியபோது, முகேஷ் குமாருக்குத் திடீரென கடும் நெஞ்சுவலி ஏற்பட்டு மயங்கி விழுந்தார். இதுகுறித்து போலீசார் விசாரணை செய்து வருகின்றனர்.

பொதுமக்கள் இணையத்தில் வரும் கவர்ச்சிகரமான விளம்பரங்களை கண்டு பொருட்கள் வாங்கி ஏமாற வேண்டாம். அவற்றின் உண்மை தன்மையை ஆய்வு செய்து அங்கீகரிக்கப்பட்ட இணையதளமா என உறுதி செய்த பின்பு பொருட்களை வாங்க வேண்டும் என மயிலாடுதுறை மாவட்ட காவல்துறை அறிவுறுத்தி உள்ளது. பொதுமக்கள் பாதுகாப்பை கருத்தில் கொண்டு மாவட்ட காவல்துறை பல்வேறு விழிப்புணர்வு நடவடிக்கைகளில் ஈடுபட்டு வருவது குறிப்பிடத்தக்கது.

பாளை பகுதியை சேர்ந்த செல்வகுமாருக்கும், அவரது தம்பி பிரேம்குமாருக்கும் குடும்ப பிரச்சினை காரணமாக தகராறு இருந்தது. இந்நிலையில் இவர்களுக்கு இடையே மீண்டும் வாக்குவாதம் ஏற்பட்டு முற்றிய நிலையில் செல்வகுமார் வீட்டிலிருந்த கத்தியால் தம்பி பிரேம்குமாரை சரமாரியாக குத்தியுள்ளார். இதில் காயமடைந்த பிரேம்குமார் பாளை அரசு மருத்துவமனையில் சிகிச்சை பெற்று வருகிறார். இதையடுத்து போலீசார் செல்வகுமாரை கைது செய்தனர்.
Sorry, no posts matched your criteria.