Tamilnadu

News April 3, 2026

BREAKING – மயிலாப்பூரில் தமிழிசை போட்டி!

image

சட்டமன்ற தேர்தலை பாஜக, NDA கூட்டணியில் சந்திக்கிறது. இதில் பாஜவுக்கு மொத்தம் 27 தொகுதிகளை ஒதுக்கி, அதிமுக அறிவித்த நிலையில், அந்த தொகுதிகளுக்கான வேட்பாளர்களை இன்று பாஜக அறிவித்துள்ளது. அதன்படி, மயிலாப்பூர் தொகுதியில் தமிழிசை சௌந்தரராஜன் வேட்பாளராக அறிவிக்கப்பட்டுள்ளார். இங்கு திமுக சார்பில் மயிலை வேலு வேட்பாளராக அறிவிக்கப்பட்டுள்ள நிலையில், இங்கு யார் வெற்றிபெறுவாங்கனு கமெண்டில் சொல்லுங்க.

News April 3, 2026

BREAKING: தஞ்சை தொகுதி பாஜக வேட்பாளர் அறிவிப்பு!

image

தமிழ்நாடு சட்டமன்ற தேர்தலை முன்னிட்டு அதிமுக தலைமையில் NDA கூட்டணியில் பாரதிய ஜனதா கட்சி சார்பில் போட்டியிட உள்ள வேட்பாளர்கள் பட்டியல் இன்று (ஏப்.03) வெளியிடப்பட்டது. அதன்படி, தஞ்சை சட்டமன்ற தொகுதியில் கருப்பு முருகானந்தம் பாஜக சார்பில் போட்டியிட உள்ளார் என அறிவிக்கப்பட்டுள்ளது. இதுகுறித்த உங்கள் கருத்தை கமெண்ட் பண்ணுங்க!

News April 3, 2026

BREAKING: கோவை வடக்கு பாஜக வேட்பாளர் அறிவிப்பு

image

அதிமுக கூட்டணியில் பாஜக போட்டியிடும் வேட்பாளர்கள் பட்டியல் தற்போது வெளியாகியுள்ளது. அதில் கோவை வடக்கு தொகுதியில் வானதி சீனிவாசன் போட்டியிடுகிறார். இவர் கடந்த முறை கோவை தெற்கு தொகுதியில் போட்டியிட்டு வெற்றி பெற்ற நிலையில், தற்போது கோவை வடக்கு தொகுதியில் களம் காண்கிறார்.

News April 3, 2026

பூந்தமல்லி: தவெக வேட்பாளருக்கு நிபந்தனை ஜாமின்!

image

பூந்தமல்லி தவெக வேட்பாளர் பிரகாசம் மீது தவெக மகளிர் அணியைச் சேர்ந்த பெண் ஒருவர் பாலியல் புகார் அளித்தார். புகாரை அடுத்து பிரகாசம் மீது ஆபாசமாக பேசுதல், பாலியல் துன்புறுத்தல், மிரட்டல் உள்ள 6 பிரிவுகளின் கீழ் வழக்கு பதியப்பட்டிருந்தது. கைது நடவடிக்கையை தவிர்க்க முன்ஜாமின் கேட்டு உயர் நீதிமன்றத்தில் பிரகாசம் மனு தாக்கல் செய்த நிலையில், நிபந்தனை முன்ஜாமீன் வழங்கி HC உத்தரவு அளித்துள்ளது.

News April 3, 2026

புதுவையில் அனைத்து கோர்ட்டுகளுக்கும் விடுமுறை

image

புதுவை மாநில சட்டசபைக்கு வருகிற 9-ம் தேதி தேர்தல் நடைபெற உள்ளது. தேர்தல் நடைபெறும் இந்த நாட்களில் அனைத்து கோர்ட்டுகளுக்கும் விடுமுறை அறிவித்து
சென்னை ஐகோர்ட்டு தலைமை பதிவாளர் நீதிபதி அல்லி உத்தரவு பிறப்பித்துள்ளார். இதுகுறித்து அவர் வெளியிட்டுள்ள உத்தரவில், புதுவை சட்டசபை தேர்தலை முன்னிட்டு, வருகிற 9-ம் தேதி புதுச்சேரி மாநிலத்தில் உள்ள அனைத்து கோர்ட்டுகளுக்கு விடுமுறை அறிவிக்கப்பட்டுள்ளது.

News April 3, 2026

மனைவி கண்முன்னே கணவர் பலி!

image

செனை: எண்ணூரைச் சேர்ந்தவர் அருணகிரி(48). இவரது மனைவி தேவி. இவர்கள் இருவரும் நேற்று(ஏப்.2) காலை மாதவரத்திற்கு, பைக்கில் சென்று கொண்டிருந்தனர். மஞ்சம்பாக்கம் சுங்கச்சாவடி அருகே சென்றபோது, சாலையில் மிரண்டோடிய மாடு, இவரது பைக்கில் மோதியது. இதில், நிலை தடுமாறி இருவரும் கீழே விழுந்ததில், அருணகிரி சம்பவ இடத்திலேயே உயிரிழந்தார். இதுகுறித்து செங்குன்றம் போலீசார் விசாரணை நடத்தி வருகின்றனர்.

News April 3, 2026

பெரம்பலூர் ஆட்சியர் முக்கிய அறிவிப்பு

image

தமிழ்நாடு சட்டமன்ற தேர்தலை முன்னிட்டு மது விற்பனை கடைகளில் மதுபான விற்பனையை கண்காணிக்கவும்; சட்ட விரோதமாக மது விற்பனையை தடுக்கவும் தனிக்குழு அமைக்கப்பட்டுள்ளது. மேலும் சட்ட விரோதமாக மது விற்கப்பட்டால் 04328-225702, 04328-225703, 04328-225704, 04328-225706 மற்றும் 1800-599-440224 ஆகிய எங்களை தொடர்பு கொண்டு புகார் தெரிவிக்கலாம் எனவும் மாவட்ட ஆட்சியர் மிருணாளினி அறிவித்துள்ளார்..

News April 3, 2026

விளையாடிக் கொண்டிருந்த சிறுமி மீது கார் மோதி பலி

image

தஞ்சாவூர் அருகே மாப்பிள்ளை நாயக்கன்பட்டி கிராமத்தில் நேற்று மாலை விளையாடிக் கொண்டிருந்த 2 வயது பெண் குழந்தை லட்சிதா மீது பீகார் மாநிலத்தை சேர்ந்த சந்தன் திவாரி (36) என்பவர் ஓட்டி வந்த கார் மோதி இறந்த சம்பவம் பெரும் பரபரப்பை ஏற்படுத்தி உள்ளது. இதுகுறித்து தமிழ் பல்கலைக்கழக போலீசார் வழக்குப்பதிவு செய்து விசாரணை மேற்கொண்டுள்ளனர். இந்த சம்பவம் தஞ்சை பகுதியில் பரபரப்பை ஏற்படுத்தி உள்ளது.

News April 3, 2026

சென்னை வருகிறார் மத்திய அமைச்சர் பியூஷ் கோயல்!

image

தமிழ்நாட்டில் வருகின்ற ஏப்.23-ஆம் சட்டப்பேரவைத் தேர்தல் நடைபெற உள்ள நிலையில், அனைத்து அரசியல் கட்சிகளும் தேர்தல் பணியில் தீவிரமாக ஈடுபட்டு வருகின்றனர். இந்நிலையில், மத்திய அமைச்சரும் தமிழக பா.ஜ.க தேர்தல் பொறுப்பாளருமான பியூஷ் கோயல் இன்று(ஏப்.3) சென்னை வருகை தர உள்ளார். அவரின் வருகையைத் தொடர்ந்து, பா.ஜ.க வேட்பாளர்கள் பட்டியல் இன்று வெளியாக வாய்ப்புள்ளதாக தகவல் வெளியாகியுள்ளது.

News April 3, 2026

சிறுமியை காதலிக்க வற்புறுத்திய இளைஞர் மீது வழக்கு

image

பண்ருட்டி அருகே பி.என்.பாளையத்தை சேர்ந்தவர் மகேஷ்குமார் (23). இவர் தனியார் பாலிடெக்னிக் கல்லூரியில் படிக்கும் 17 வயது மாணவியை கடந்த 3 மாதமாக பின்தொடர்ந்து சென்று, தன்னை காதலிக்குமாறு வற்புறுத்தி உள்ளார். மேலும் மாணவி அணிந்திருந்த ஆடையை பிடித்து இழுத்தும், கையை பிடித்து இழுத்தும் தொந்தரவு செய்து மிரட்டி உள்ளார். இதுகுறித்து பண்ருட்டி மகளிர் போலீசார், மகேஷ்குமார் மீது வழக்குபதிந்து விசாரிக்கின்றனர்.

error: Content is protected !!
↑