India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 9, 2026
பெரம்பலூர்: வாக்கு சேகரிப்பில் ஈடுபட்ட IJK நிறுவனர்
பெரம்பலூர் சட்டமன்ற தொகுதியில் தேசிய ஜனநாயகக் கூட்டணியில், அதிமுக சார்பில் போட்டியிடும் வேட்பாளர் இரா.தமிழ்ச்செல்வன் அவர்களை ஆதரித்து, IJK கட்சியின் நிறுவனர் பாரிவேந்தர், நேற்று வேப்பந்தட்டை பகுதியில் தேர்தல் பரப்புரை மேற்கொண்டார். அப்போது பேசிய அவர், “குடும்ப ஆட்சியை அகற்ற வேண்டும் என தெரிவித்து தேர்தல் பரப்புரை மேற்கொண்டார்.
News April 9, 2026
மயிலாடுதுறையில் மாரத்தான் போட்டி
மயிலாடுதுறை மாவட்ட ஆட்சியர் அலுவலக வளாகத்தில் சட்டமன்ற தேர்தலை ஒட்டி 100 சதவீதம் வாக்குப்பதிவை வலியுறுத்தி வாக்காளர் விழிப்புணர்வு மாரத்தான் போட்டி இன்று நடைபெற்றது. இதனை மாவட்ட வருவாய் அலுவலர் பூங்கொடி கொடி அசைத்து தொடங்கி வைத்தார். இந்நிகழ்வில், முதன்மை கல்வி அலுவலர் பாலசுப்ரமணியன் உள்ளிட்ட அரசு அதிகாரிகள், மாணவர்கள் என பலர் கலந்து கொண்டனர்.
News April 9, 2026
நாகை: ரூ.1 லட்சத்து 65 ஆயிரம் பறிமுதல்..!
வேதாரண்யம், கீழ்வேளூர் அருகே உரிய ஆவணமின்றி கொண்டு சென்ற ரூ.1 லட்சத்து 65 ஆயிரம் பறிமுதல் செய்யப்பட்டது. வடமழையில் ரூ.52 ஆயிரம், அருந்தவப்புலத்தில் ரூ.52,400, ஆந்தக்குடி பாண்டவையாற்று பாலம் அருகே 60,650 ரூபாயை பறக்கும் படையினர் பறிமுதல் செய்தனர். இதனை தொடர்ந்து, பறிமுதல் செய்யப்பட்ட பணம் அந்தந்த பகுதி தாசில்தாரிடம் ஒப்படைக்கப்பட்டது.
News April 9, 2026
புதுச்சேரி: வாக்காளர்களுக்கு டோக்கன் விநியோகம்
பாகூர் தொகுதியில் வாக்காளர்களுக்குப் பணம் மற்றும் பரிசுகள் வழங்க முயன்றதாக சர்ச்சை எழுந்துள்ளது. காங்கிரஸ் வேட்பாளரின் ஆதரவாளர்கள், பணம் மற்றும் மளிகைப் பொருட்கள் பெற டோக்கன்கள் விநியோகித்ததாக குற்றச்சாட்டு முன்வைக்கப்பட்டுள்ளது. இதனால் அப்பகுதியில் வாக்குவாதம் ஏற்பட்டது. மேலும், என்.ஆர்.காங்கிரஸ் கட்சியினர் டோக்கன்களைச் சாலையில் வீசி தப்பியதாக எதிர்க்கட்சிகள் புகார் தெரிவித்துள்ளனர்.
News April 9, 2026
கடலூர்: இன்று டாஸ்மாக் கடைகளை மூட உத்தரவு..!
புதுச்சேரியில் இன்று சட்டப்பேரவை தேர்தல் நடைபெற்று வருகிறது. இதனை ஒட்டி புதுவை எல்லையில் இருந்து 5 கிலோ மீட்டர் சுற்றளவில் இயங்கும் தமிழக பகுதி டாஸ்மாக் கடைகளை இன்று காலை 10 மணி முதல் இரவு 12 மணி வரை மூட கலெக்டர் சிபி ஆதித்யா செந்தில்குமார் உத்தரவிடுள்ளார். மேலும், தேர்தல் வாக்கு எண்ணிக்கை நாளான அடுத்த மாதம் மே 4-ந்தேதி அன்றும் மதுபான விற்பனையை நிறுத்தம் செய்ய வேண்டும் என தெரிவித்துள்ளார்.
News April 9, 2026
திண்டுக்கல்: கேன் தண்ணீர் வாங்குவோர் கவனத்திற்கு!
திண்டுக்கல்லில் கேன் தண்ணீர் குறித்துப் புகார்கள் எழுந்துள்ள நிலையில், பொதுமக்கள் விழிப்புணர்வுடன் இருக்க அறிவுறுத்தப்படுகிறார்கள். தண்ணீர் வாங்கும்போது கேன்களின் தரம், சுத்தம், காலாவதி தேதி, மற்றும் BIS, FSSAI முத்திரைகளைச் சரிபார்க்க வேண்டும். ஒரு கேனை 30 முறை மட்டுமே பயன்படுத்த வேண்டும்; நிறம் மாறிய கேன்களைத் தவிர்க்க வேண்டும். மக்களின் ஆரோக்கியம் கருதி இந்தத் தகவலைப் பகிருங்கள்.
News April 9, 2026
சிவகாசியில் இளைஞருக்கு அரிவாள் வெட்டு
சிவகாசி பள்ளப்பட்டி ரோட்டில் உள்ள முத்துமாரியம்மன் காலனியை சேர்ந்தவர் விக்னேஷ் (25). சுமை தூக்கும் தொழிலாளியான இவருக்கும் தவமுருகன் என்பவருக்கும் முன்விரோதம் இருந்துள்ளது. இந்நிலையில் விக்னேஷ் அதே பகுதியில் நின்று கொண்டிருந்த போது அங்கு வந்த தவமுருகன், அரிவாளால் விக்னேசை வெட்டியதாக கூறப்படுகிறது. இதில் அவருக்கு தலையில் காயம் ஏற்பட்டது. போலீசார் வழக்குப்பதிவு செய்து விசாரணை நடத்தி வருகின்றனர்.
News April 9, 2026
பரமத்தி அருகே விபத்து: காவலர் பலி!
பரமத்தி அருகே தேர்தல் பறக்கும் படையில் பணியாற்றிய தலைமை காவலர் பிரவீன், இருசக்கர வாகனத்தில் சென்றபோது நாய் குறுக்கே வந்ததால் நிலைதடுமாறி புளியமரத்தில் மோதி உயிரிழந்தார். ஹெல்மெட் கழன்றதால் தலையில் பலத்த காயம் ஏற்பட்டு அவர் பலியானார். திருமண நாள் கொண்டாட்டத்திற்குத் தயாராக இருந்த நிலையில், இச்சோக சம்பவம் நிகழ்ந்தது போலீசாரிடையே பெரும் சோகத்தை ஏற்படுத்தியுள்ளது.
News April 9, 2026
தருமபுரியில் சட்டவிரோத கருக்கலைப்பு – 2 பெண்கள் கைது
தருமபுரி மாவட்டம் ரங்காபுரத்தில் சட்டவிரோதமாகக் கருவின் பாலினம் கண்டறிந்து கருக்கலைப்பில் ஈடுபட்ட பரிமளா மற்றும் சாந்தி ஆகிய இருவரைப் போலீசார் கைது செய்தனர். அவர்களிடமிருந்து மருத்துவ உபகரணங்கள் மற்றும் மாத்திரைகள் பறிமுதல் செய்யப்பட்டன. ஏற்கனவே இவ்வழக்கில் ஜாமீனில் வந்த இவர்கள், மீண்டும் அதே குற்றத்தில் ஈடுபட்டது விசாரணையில் தெரியவந்தது.
News April 9, 2026
புதுக்கோட்டை: தேர்தல் குறித்த புகார் எண் அறிவிப்பு
தமிழக சட்டப்பேரவை தேர்தலை முன்னிட்டு ஆலங்குடி, அறந்தாங்கி சட்டமன்ற தொகுதி தேர்தல் பார்வையாளர் நயன அர்ஜுன் குண்டே-யிடம் 9361527823 என்ற எண்ணில் தொடர்பு கொண்டு தேர்தல் குறித்தான புகார்களை அளிக்கலாம். மேலும், கந்தர்வகோட்டை, விராலிமலை தொகுதிகளுக்கு ஆயிஷா ராணி (9345290738) மற்றும் புதுகை, திருமயம் தொகுதிகளுக்கு சோட்டே சிங் (9361373527) ஆகியோருடன் புகார் அளிக்கலாம் என ஆட்சியர் அருணா தெரிவித்துள்ளார்.
Featured News
Sorry, no posts matched your criteria.