India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 13, 2026
மீன்பிடி தடைக்காலம் – கலெக்டர் அறிவிப்பு
நாகை மாவட்டத்தில் ஏப்.15 முதல் ஜூன் 14 வரை 61 நாட்கள் மீன்பிடி தடைக்காலம் அமல்படுத்தப்படுகிறது. இந்நாட்களில் விசைப்படகுகள், இழுவலைப்படகுகள் மூலம் மீன்பிடிக்க தடை விதிக்கப்பட்டுள்ளது. மேலும் ஏப்.14 நள்ளிரவுக்குள் அனைத்து படகுகளும் கரைக்கு திரும்ப வேண்டும் என கலெக்டர் ஆகாஷ் அறிவுறுத்தியுள்ளார்.
மேலும் விதிகளை மீறிவோர் மீது கடும் நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.
News April 13, 2026
சென்னை: நடிகை திரிஷா வீட்டிற்கு வெடிகுண்டு மிரட்டல்
சென்னை, ஆழ்வார்பேட்டையில் உள்ள நடிகை திரிஷா வீட்டிற்கு இன்று (ஏப்ரல்.13) டி. ஜி. பி அலுவலகத்திற்கு வந்த இ-மெயில் மூலம் வெடிகுண்டு மிரட்டல் விடுக்கப்பட்டுள்ளது. இதனைத் தொடர்ந்து, திரிஷா வீட்டில் போலீசார் குவிக்கப்பட்டனர். வெடிகுண்டு நிபுணர்கள் நடிகை திரிஷா வீட்டில் சோதனை நடத்தியதில், அது புரளி என தெரியவந்துள்ளது.
News April 13, 2026
திருச்சி – காரைக்கால் டெமு ரயில் ரத்து
பொறியியல் பணிகள் காரணமாக திருச்சி – காரைக்கால் டெமு ரயில், இன்று (ஏப்.13) முதல் வரும் 18-ம் தேதி வரை திருவாரூர் – காரைக்கால் இடையே பகுதியாக ரத்து செய்யப்படுகிறது. இந்த ரயிலானது திருச்சி ஜங்ஷன் ரயில் நிலையத்தில் இருந்து காலை 8:40 மணிக்கு புறப்பட்டு திருவாரூர் வரை மட்டுமே இயக்கப்படும் என ரயில்வே நிர்வாகம் வெளியிட்டுள்ள அறிக்கையில் தெரிவித்துள்ளது.
News April 13, 2026
வேலூர் ஆட்சியர் தலைமையில் ஆலோசனை கூட்டம்
தமிழ்நாடு சட்டமன்ற தேர்தல் முன்னிட்டு வேலூர் மாவட்டத்தில் ஒருங்கிணைந்த பண பரிவர்த்தனை பொதுமுகப்பு (UPI) மூலம் நடைபெறும் பண பரிவர்த்தனைகளை கண்காணித்தல் குறித்து தேர்தல் பொது பார்வையாளர்கள் மற்றும் செலவீன பார்வையாளர்களுடன் ஆலோசனை கூட்டம் இன்று (ஏப்.13) ஆட்சியர் சுப்புலட்சுமி தலைமையில் நடந்தது. இதில், மாவட்ட காவல் கண்காணிப்பு அலுவலர் சிவராமன் உள்ளிட்ட பலர் கலந்து கொண்டனர்.
News April 13, 2026
வேலூர் சமத்துவ நாள் உறுதிமொழி ஏற்பு
அண்ணல் அம்பேத்கர் பிறந்தநாளை சமத்துவ நாளாக அனுசரிப்பதை முன்னிட்டு வேலூர் ஆட்சியர் சுப்புலட்சுமி தலைமையில் இன்று (ஏப்.13) அனைவரும் சமத்துவ நாள் உறுதிமொழியை ஆட்சியர் அலுவலக கூட்டரங்கில் ஏற்றுக்கொண்டனர். இதில் மாவட்ட ஆட்சியரின் நேர்முக உதவியாளர் குணசேகரன், தனித்துணை ஆட்சியர் (முத்திரைத்தாள்) ரமேஷ் குமார் உட்பட பலர் உடனிருந்தனர்.
News April 13, 2026
கடலூர்: 6 மாத குழந்தை திடீர் உயிரிழப்பு
காடாம்புலியூர் அடுத்த மேல்மாம்பட்டை சேர்ந்தவர் சூர்யா. இவருக்கு கடந்த 6 மாதங்களுக்கு முன்பு பெண் குழந்தை பிறந்தது. இந்த குழந்தைக்கு சளி மற்றும் இருமல் காரணமாக கடலூர் அரசு மருத்துவமனையின் தீவிர சிகிச்சை பிரிவில் சேர்த்தனர். இந்நிலையில் இன்று (13.4.2026) காலை குழந்தைக்கு மூச்சுத் திணறல் ஏற்பட்டு, திடீரென உயிரிழந்தது. இது தொடர்பாக கடலூர் புதுநகர் போலீசார் வழக்கு பதிந்து விசாரணை நடத்தி வருகின்றனர்.
News April 13, 2026
கடலூர்: பேச்சுக் குறைபாடு நீக்கும் பர்வதவர்த்தினி அம்மன்
கடலூர் மாவட்டம் சிதம்பரம் அருகே பிச்சாவரம் சாலையில் உள்ள பின்னத்தூரில் ராமநாதீஸ்வரர் கோயில் அமைந்துள்ளது. இங்கு உள்ள பர்வதவர்த்தினி அம்மன் சன்னதியில் வழிபாடு செய்து பிரார்த்தனை செய்தால் பேச்சு குறைபாடு நீங்கும் என்பது நம்பிக்கை. இலங்கை இளவரசியின் பேச்சு குறைபாட்டை மாணிக்கவாசகர் இங்கு போக்கியதால் இத்தலம் பேச்சு குறைபாடு நீக்கும் சிறப்பு தலமாக விளங்குகிறது. இதனை பிறருக்கு SHARE பண்ணுங்க.
News April 13, 2026
நாகை மாவட்டத்தின் சிறப்பு அம்சங்கள்
நாகை மாவட்டத்தின் சிறப்பம்சங்கள் பற்றி உங்களுக்கு தெரியுமா… ?
1. 141 கி.மீ தூரம் கடற்கரையை கொண்ட மாவட்டம்
2. சிலப்பதிகாரத்தில் இடம்பெற்ற மாவட்டம்
3. நாகூர் தர்கா
4. வேளாங்கண்ணி மாதா பேராலயம்
5. சிக்கல் சிங்காரவேலர் கோவில்
6. கோடியக்கரை பறவைகள் சரணாலயம்
7. 2000 ஆண்டுகளுக்கு முற்பட்ட தொன்மை வாய்ந்த மாவட்டம்.
இந்த தகவலை மற்றவர்களுக்கும் SHARE பண்ணுங்க!
News April 13, 2026
திருச்சிக்கும், மலைக்கோட்டைக்கும் உள்ள தொடர்பு!
திருச்சி மலைக்கோட்டை பாறை ஏறத்தாழ 3400 மில்லியன் வருடங்கள் பழமையான மலைகளில் ஒன்றாக இருக்கலாம் என கூறப்படுகிறது. மேலும் திருச்சிக்கு பெயர் காரணமாகவும் விளங்குகிறது. அதாவது “சிரா” துறவியின் பள்ளி, சிராப்பள்ளி என்றாகி அதுவே இவ்வூருக்குப் பெயராகி உள்ளது . 16 ஆம் நூற்றாண்டைச் சேர்ந்த கல்வெட்டு ஒன்றில் திருச்சிராப்பள்ளி, திரு-சிலா-பள்ளி (பொருள்: “புனித-பாறை-ஊர்”) எனக் கூறப்படுகிறது. SHARE IT.!
News April 13, 2026
சென்னை மெட்ரோ ரயில் சேவையில் மாற்றம்!
சென்னை: தமிழ் புத்தாண்டை முன்னிட்டு வரும் ஏப்.14ஆம் தேதி சென்னை – மெட்ரோ ரயில்கள் ஞாயிறு கால அட்டவணை பின்பற்றப்படும் என அறிவிக்கப்பட்டுள்ளது. மெட்ரோ ரயில்கள் காலை 5 மணி முதல் இரவு 11 மணி வரை இயக்கப்படும். பகல் 12 மணி முதல் இரவு 8 மணி வரை 7 நிமிடங்களுக்கு ஒருமுறை ரயில் இயக்கப்படும். மற்ற நேரங்களில் 10 நிமிடங்களுக்கு ஒருமுறை, இரவு 10 முதல் 11 மணி வரை 15 நிமிடங்களுக்கு ஒருமுறை சேவை இருக்கும்.
Featured News
Sorry, no posts matched your criteria.