India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nagapattinam
News June 26, 2024
நாகை: நீச்சல் போட்டியில் வென்றவர்களுக்கு பாராட்டு
மாநில அளவிலான நீச்சல் போட்டிகளில் பங்கேற்று பல்வேறு பதக்கங்களை குவித்த நாகப்பட்டினம் மாவட்டத்தை சேர்ந்த நீச்சல் வீரர்கள் மற்றும் வீராங்கனைகள் நேற்றிரவு நாகை மாவட்ட ஆட்சியர் அலுவலகத்தில் மாவட்ட ஆட்சியர் ஜானிடாம் வர்கிஸை சந்தித்து வாழ்த்து பெற்றனர். அப்போது மாவட்ட விளையாட்டு அலுவலர் மற்றும் பயிற்சியாளர்கள் உடனிருந்தனர்.
News June 25, 2024
நாகை நாடாளுமன்ற உறுப்பினர் பதவி ஏற்பு
நாகப்பட்டினம் மக்களவைத் தொகுதியில் போட்டியிட்டு வெற்றி பெற்ற சிபிஐ வேட்பாளர் செல்வராஜ் இன்று நாடாளுமன்ற எம்.பி-யாக பதவி ஏற்றுக்கொண்டார். நடைபெற்று வரும் நாடாளுமன்ற கூட்டத் தொடரில், தற்காலிக மக்களவைத் தலைவர் மஹதாப் அவருக்கு பதவிப் பிரமாணம் செய்து வைத்தார். செல்வராஜ் நாகை மக்களவைத் தொகுதிக்கு முதல்முறையாக எம்.பி-யாக பதிவியேற்றுள்ளார்.
News June 25, 2024
நாகை மீனவர்கள் 10 பேர் கைது
நாகப்பட்டினம் அக்கரைப்பேட்டை மீனவ கிராமத்தைச் சேர்ந்த ஆனந்த் என்பவருக்கு சொந்தமான விசைப்படகில் கடலுக்குள் மீன் பிடிக்க சென்ற 10 மீனவர்கள், நெடுந்தீவு அருகே மீன்பிடித்துக் கொண்டிருந்த போது எல்லை தாண்டி மீன்பிடித்ததாக கூறி இலங்கை கடற்படையினர் இன்று அதிகாலை கைது செய்து இலங்கை காங்கேசன் துறைமுகத்திற்கு கொண்டு சென்று விசாரித்து வருகின்றனர்.
News June 25, 2024
தூய்மை பணியாளருக்கு நிதி உதவி வழங்கிய மாவட்ட ஆட்சியர்…
நாகப்பட்டினம் மாவட்ட ஆட்சியர் அலுவலகத்தில் நடைபெற்ற மக்கள் குறைதீர்க்கும் நாள் கூட்டம் இன்று நடைபெற்றது. இந்நிகழ்வில் தாட்கோ மூலம் தூய்மை பணியாளர் திருமதி. செல்வி அவர்கள் இயற்கை மரணம் அடைந்ததையடுத்து ஈமச்சடங்கு உதவி தொகைக்கான காசோலையினை மாவட்ட ஆட்சித்தலைவர்,திரு. ஜானி டாம் வர்கீஸ், அவர்கள் வழங்கினார்.
News June 24, 2024
நாகையில் 21 சாராய வியாபாரிகள் கைது
நாகை மாவட்டத்தில் மாவட்ட காவல் கண்காணிப்பாளர் ஹர்ஷ் சிங் உத்தரவின் பேரில் சாராய விற்பனை மற்றும் கடத்தலை தடுக்க போலிசார் அதிரடி சோதனையில் ஈடுப்பட்டு வருகின்றனர். கீழ்வேளூர், வெளிப்பாளையம், கீழையூர், வேதாரண்யம் பகுதிகளில் நடத்தப்பட்ட சோதனையில் சாராயம் விற்ற 21 பேரை அதிரடியாக கைது செய்தனர். அவர்களிடம் இருந்து 1,500 லிட்டர் பாண்டி சாராயம் 3 இருச்சக்கர வாகனங்களை பறிமுதல் செய்தனர்.
News June 24, 2024
மலேசியா செல்லும் கராத்தே வீரர்கள்
நாகை மாவட்டம் வேதாரண்யம் தாலுகா வாட்டாக்குடி ஊராட்சியில் இருந்து சத்தியசீலன் , குழல்கவி , தரனேஷ் ஆகிய 3 மாணவர்கள் தமிழகத்தில் இருந்து இந்தியா சார்பாக மலேசியாவில், நடைபெறும் சர்வதேச கராத்தே போட்டிக்கு செல்கின்றனர். இவர்களை நாடாளுமன்ற உறுப்பினர் செல்வராஜ், திமுக ஒன்றிய செயலாளர் மகாகுமார், சிபிஐ மாவட்ட செயலாளர் சிவகுரு பாண்டியன் ஊராட்சி மன்ற தலைவர் கற்பகம் நீலமேகம் உள்ளிட்ட பலர் வாழ்த்தினார்.
News June 24, 2024
தொழில் தொடங்க மானியத்தில் கடனுதவி – ஆட்சியா் தகவல்
நாகை மாவட்டத்தில், வணிகம் மற்றும் தொழில் தொடங்குவதற்கான திட்டங்களுக்கு மானியம் பெறலாம் என ஆட்சியா் ஜானி டாம் வா்கீஸ் தெரிவித்துள்ளாா். தமிழக அரசின் படித்த வேலைவாய்ப்பற்ற இளைஞா்களுக்கான வியாபாரம், தொழில் செய்வதற்கு மானியம் வழங்கப்படுகிறது. மேலும், விவரங்களுக்கு நாகை ஆட்சியா் அலுவலக வளாகத்தில் உள்ள மாவட்ட தொழில் மையத்தை அணுகலாம்.
News June 24, 2024
நாகை: 82 மாணவா்களுக்கு பணி ஆணை
நாகை மாவட்ட திறன் மேம்பாட்டுக் கழகம் மற்றும் வேலைவாய்ப்பு பயிற்சி துறை இணைந்து, நான் முதல்வன் திட்டத்தின் கீழ் ஏடிஎம் மகளிா் கல்லூரியில் வேலைவாய்ப்பு முகாம் நடத்தியது. இம்முகாமில் 22 தனியாா் நிறுவனங்களின் பிரதிநிதிகள் பங்கேற்று, தகுதியானவா்களை தோ்வு செய்தனா். இதற்காக, 450 மாணவா்கள் பதிவு செய்தனா். நோ்முகத் தோ்வில் 82 மாணவா்கள் தோ்வு செய்யப்பட்டு, அவா்களுக்கு பணி ஆணை வழங்கப்பட்டது.
News June 23, 2024
நாட்டுக்கோழி வளர்ப்பு குறித்த பயிற்சி
நாகை கால்நடை மருத்துவ பல்கலைகழக பயிற்சி, ஆராய்ச்சி நிறுவனத்தில் நாட்டுக்கோழி வளர்ப்பு குறித்த இலவச பயிற்சி ஜூன்.26ஆம் தேதி அளிக்கப்படுகின்றது. இதில், நாட்டுக்கோழிகளின் இனங்கள் வளர்ப்பு முறைகள், கொட்டகை அமைப்பு, குஞ்சுகள் பராமரிப்பு, நோய் தடுப்பு முறைகள் குறித்து பயிற்சி அளிக்கப்படுகிறது. ஆர்வமுள்ளவர்கள் 04365 247123 என்ற எண்ணில் தொடர்பு கொள்ளலாம் என பல்கலை கழக உதவி பேராசிரியர் தெரிவித்துள்ளார்.
News June 23, 2024
நாகை ஆட்சியர் கடும் எச்சரிக்கை
18 வயது நிறைவடையாத பெண்ணுக்கு குழந்தை திருமணம் நடத்தி வைப்பவர்களுக்கு 2 ஆண்டு கடும் சிறை தண்டனை மற்றும் ரூ.1 லட்சம் அபராதம் விதிக்கப்படும். மேலும் 18 வயது நிரம்பாத பெண்ணை திருமணம் செய்து கொள்ளும் ஆணுக்கு அதிகபட்சமாக 2 ஆண்டு கடும் சிறை தண்டனை அல்லது ரூ.1 லட்சம் அபராதம் அல்லது இரண்டு சேர்த்து விதிக்கப்படும் என நாகை மாவட்ட ஆட்சியர் ஜானிடா வர்கீஸ் தெரிவித்துள்ளார்.
Featured News
Sorry, no posts matched your criteria.