India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nagapattinam
News October 19, 2024
நாகை தொழில் முனைவோர் கவனத்திற்கு
நாகூரில் உள்ள தமிழ்நாடு சிட்கோ தொழில் நிறுவனத்திற்கு சொந்தமான தொழிற்பேட்டையில் காலியாக உள்ள தொழில் மனைகள் தொழில் முனைவோருக்கு ஒதுக்கீடு செய்யப்பட உள்ளது. அதன்படி காலியாக உள்ள 13 தொழில் மனைகளில் விருப்பமுள்ள தொழில்முனைவோர் புதிய தொழில் தொடங்க சிட்கோ மேலாளர் செல்வகுமார் 9445006574 என்ற எண்ணில் தொடர்பு கொள்ள ஆட்சியர் ஆகாஷ் கேட்டு கொண்டுள்ளார்
News October 19, 2024
ரவுடிகளை ஒழிக்க நாகை எஸ்.பி. உத்தரவு
நாகை மாவட்ட எஸ்.பி. அலுவலகத்தில் மாவட்டத்தில் உள்ள அனைத்து காவல் அதிகாரிகள் மற்றும் போலீசாருக்கான மாதாந்திர ஆய்வு கூட்டம் இன்று நடைப்பெற்றது. கூட்டத்திற்கு எஸ்.பி. அருண் கபிலன் தலைமை ஏற்று பேசினார். அப்போது, மாவட்டத்தில் கஞ்சா, சாராயம், புகையிலை போன்ற போதை பொருட்கள் விற்பவர்கள் மீதும் பொது அமைதிக்கு பங்கம் விளைவிக்கும் ரவுடிகளை ஒழிக்க நடவடிக்கை எடுக்க போலீசாருக்கு உத்தரவிட்டார்.
News October 19, 2024
ரூ.24 லட்சம் மதிப்பிலான கோயில் நிலம் மீட்பு
சிக்கலில் நவநீதேஸ்வரர் கோயிலுக்கு சொந்தமான பணியாளர் குடியிருப்பில் கடந்த சில ஆண்டுகளாக தனி நபர் ஆக்கிரமிப்பு செய்யப்பட்டு இருந்தது. இந்த நிலையில் ஆக்கிரமித்து கட்டப்பட்ட ஒரு வீட்டை கோர்ட்டு உத்தரவுப்படி.நாகை உதவி ஆணையர் (கூடுதல் பொறுப்பு) ராணி தலைமையில் ஆக்கிரமிப்பு அகற்றும் பணி நடந்தது. அதன்படி ஆக்கிரமிப்பில் இருந்த இடம் ரூ. 24 லட்சம் என அதிகாரிகள் தெரிவித்தனர்.
News October 19, 2024
வன்கொடுமை குறித்த புகார்களை கூற தொலைபேசி எண்கள்
நாகை மாவட்டத்தை சேர்ந்த ஆதிதிராவிடர் மற்றும் பழங்குடி இனத்தை சேர்ந்தவர்கள் வன்கொடுமைகளால் பாதிக்கப்பட்டால் அது குறித்த புகார்களை 1800 2021 989 மற்றும் 14566 ஆகிய கட்டணமில்லா தொலைபேசி எண்களில் அனைத்து வேலை நாட்களிலும் தொடர்பு கொண்டு தகவல் தெரிவிக்கலாம் என நாகை மாவட்ட ஆட்சியர் ப.ஆகாஷ் இன்று வெளியிட்டுள்ள செய்தி குறிப்பில் தெரிவித்துள்ளார்.
News October 18, 2024
கர்ப்பணிகளை பாதுகாக்கும் வம்சம் மையம்
நாகை மாவட்ட சுகாதார அலுவலகத்தில் வம்சம் என்ற உதவி மையத்தின் மூலம் கர்ப்பிணி தாய்மார்கள் தொடர்ந்து கண்காணிக்கப்பட்டு வருகின்றனர். இதன் மூலம் அவர்களுக்கு வேண்டிய அனைத்து வசதிகளும் உடனுக்குடன் செய்து தரப்படும். வடகிழக்கு பருவமழையை எதிர்கொள்ள 6 துரித நடவடிக்கை குழு அமைக்கப்பட்டுள்ளது என நாகை மாவட்ட சுகாதார அலுவலர் பிரதீப் வாசுதேவ கிருஷ்ணகுமார் தெரிவித்துள்ளார்.
News October 18, 2024
காரைக்கால் – மதுரை தடத்தில் ரயில் சேவை
நாகூரில் இருந்து மதுரை வழியாக இயங்கி வந்த கொல்லம் ரயில் சேவை நிறுத்தப்பட்டுள்ளது. நாகை மாவட்டத்தில் இருந்து மதுரை செல்லும் பயணிகள் பெரிதும் அவதி அடைந்து வருகின்றனர். எனவே வேளாங்கண்ணி அல்லது காரைக்காலில் இருந்து மதுரைக்கு தினசரி இயங்கும் வகையில் புதிய வழித்தடத்தில் ரயில் சேவையை தொடங்க வேண்டும் என நாகை ரயில் உபயோகிப்பாளர்கள் நல சங்கத்தினர் கோரிக்கை விடுத்துள்ளனர்.
News October 18, 2024
நாகையில் நாளை மாபெரும் வேலைவாய்ப்பு முகாம்
நாகை மாவட்ட நிர்வாகம் சார்பில் மாபெரும் தனியார்துறை வேலைவாய்ப்பு முகாம் நாளை (அக்.19) நடக்கிறது. காலை 9 மணி முதல் மதியம் 3 மணி வரை நடைபெறும் இந்த முகாமில் நாகை மாவட்டத்தை சேர்ந்த 18 வயதில் இருந்து 35 வயதுக்குட்பட்ட ஆண், பெண் இருபலாரும் கலந்துகொள்ளலாம். விருப்பமுள்ள வேலைவாய்ப்பற்ற இளைஞர்கள் www.tnprivatejobs.tn.gov.in என்ற இணையதளத்தில் பதிவு செய்யலாம் என ஆட்சியர் ஆகாஷ் அறிவித்துள்ளார்.
News October 17, 2024
தேவூரில் புகையிலை பொருட்கள் விற்பனை செய்த இளைஞர் கைது
இரட்டைமதகடியில் உள்ள கடையில் தமிழக அரசால் தடை செய்யப்பட்ட புகையிலை பொருட்கள் விற்பனை செய்யப்பட்டுள்ளதாக வந்த தகவலின் படி கீழ்வேளூர் போலீசார் அந்த கடையில் சோதனை செய்ததில் ரூ. 6ஆயிரம் மதிப்பிலான புகையிலை பொருட்களை பறிமுதல் செய்தனர். மேலும் கீழ்வேளூர் போலீசார் இது தொடர்பாக வழக்கு பதிவு செய்து தேவூர்- இருக்கை சாலையை சேர்ந்த விஜய் (வயது 26) என்பவரை கைது செய்தனர்.
News October 17, 2024
நாகையில் துண்டு பிரசுரங்களை வழங்கிய ஆட்சியர்
நாகை மாவட்ட நிர்வாகம், மாவட்ட வேலைவாய்ப்பு மற்றும் தொழில் நெறி வழிகாட்டு மையம் மற்றும் தமிழ்நாடு மாநில ஊரக / நகர்புற வாழ்வாதார இயக்கம் இணைந்து 19.10.2024 அன்று நடத்தும் தனியார் துறை வேலைவாய்ப்பு முகாம் குறித்த விழிப்புணர்வு துண்டு பிரசுரங்களை ஆட்சியர் அலுவலகத்தில், நாகை ஆட்சியர் ப.ஆகாஷ் இன்று வழங்கினார். அவருடன் மாவட்ட மாற்றுத்திறனாளிகள் நல அலுவலர் கார்த்திக்கேயன் உடனிருந்தார்.
News October 17, 2024
நாகையில் மனநலம் பாதிக்கபட்ட 24 பேர் மீட்பு
நாகை மாவட்ட மாற்றுத்திறனாளிகள் நலத்துறை, சாலை ஓரங்களில் மனநலம் பாதிக்கப்பட்டு சுற்றி திரிபவர்களை மீட்கும் பணியில் தீவிரமாக ஈடுபட்டு வருகிறது. அதன்படி இந்த ஆண்டில் இதுவரை மாவட்டத்தில் 24 பேர் மீட்கப்பட்டுள்ளனர். இவர்கள் அனைவரும் திருவாரூர் மனநல காப்பகத்தில் அனுமதிக்கப்பட்டு உரிய சிகிச்சை அளிக்கப்பட்டு வருகிறது. மனநலம் தேறியவர்கள் அவர்களது உறவினர்களிடம் அனுப்பி வைக்கப்பட உள்ளனர்.
Featured News
Sorry, no posts matched your criteria.