India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mayiladuthurai
News October 13, 2024
மயிலாடுதுறை ஆட்சியர் அறிவிப்பு
தமிழ்நாடு அரசுப் பணியாளர் தேர்வாணையம் நடத்தும் ஒருங்கிணைந்த தொழில் நுட்ப பணிகளுக்கான கணினி வகையிலான தேர்வானது மயிலாடுதுறை ஏ.வி.சி. பொறியியல் கல்லூரியில் நடைபெற உள்ளது. இத்தேர்வு 14ஆம் தேதி முதல் 23ஆம் தேதி வரை நடைபெறவுள்ளது. மேலும் இத்தேர்வினை 915 பேர் எழுத்தவுள்ளனர். தேர்விற்கு குறிப்பிட்ட நேரத்திற்குள் வராதவர்கள் தேர்வெழுத அனுமதிக்க மாட்டார்கள் என ஆட்சியர் அறிவித்துள்ளார்.
News October 13, 2024
மயிலாடுதுறையில் வாசகர்களை கவர்ந்துள்ள புத்தக கண்காட்சி
மயிலாடுதுறை மகாதான தெருவில் தனியார் திருமண மண்டபத்தில் புத்தக கண்காட்சி நேற்று முதல் துவங்கி நடைபெற்று வருகிறது. 24 ஆம் தேதி வரை நடைபெறும் இந்த புத்தக கண்காட்சியில் சிறுகதைகள், வரலாறு, ஜோதிடம், சமையல் குறிப்புகள், வாழ்க்கை வரலாறு, பிரபல நாவல்கள், ஆசிரியர்களின் வரலாறு, கவிதை தொகுப்புகள் என பத்தாயிரத்துக்கும் மேற்பட்ட புத்தகங்கள் பார்வையாளர்களை வெகுவாக கவர்ந்து வருகிறது.
News October 12, 2024
தேசிய அளவில் முதலிடம் பிடித்த மாணவிகளுக்கு வாழ்த்து
மயிலாடுதுறை மாவட்டம், ஆர்எச்வி ஸ்போர்ட்ஸ் பவுண்டேஷனை சேர்ந்த மாணவி வைதேகி குத்துச்சண்டை போட்டியில் தேசிய அளவில் முதலிடம் பிடித்து அசத்தியுள்ளார். மேலும் தடகளப் போட்டியில் அபிநயா என்ற மாணவி முதலிடம் பிடித்து வெற்றி பெற்றுள்ளார். தொடர்ந்து வெற்றி பெற்ற மாணவிகளுக்கு பலரும் இன்று வாழ்த்துக்களை தெரிவித்து வருகின்றனர்.
News October 12, 2024
சீர்காழி அருகே சிறுமி உட்பட இருவர் தூக்கிட்டு தற்கொலை
சீர்காழி அருகே வருஷபத்து கிராமத்தை சேர்ந்தவர் கேசவன்(40). இவருக்கு திருமணமாகி குழந்தைகள் உள்ளனர். மேலும் இவர் 14 வயது சிறுமியுடன் பழகி வந்ததாக கூறப்படுகிறது. இந்நிலையில் இன்று கேசவன் மற்றும் சிறுமி இருவரும் மரத்தில் தூக்கில் தொங்கியபடி இறந்த நிலையில் இருப்பதை கண்டு கிராமமக்கள் அதிர்ச்சியடைந்து காவல் நிலையத்திற்கு தகவல் அளித்தனர். இதுகுறித்து சீர்காழி போலீசார் விசாரணை மேற்கொண்டு வருகின்றனர்.
News October 12, 2024
தரங்கம்பாடி டேனிஷ் கோட்டையின் வரலாறு
தரங்கம்பாடியில் வரலாறு சிறப்பு மிக்க டேனிஷ் கோட்டை அமைந்துள்ளது. இக்கோட்டை தஞ்சை அரசரான ரகுநாத நாயக்கருடன் டேனிஷ் அதிகாரியான ஓவ் கிட் என்பவரால் ஒப்பந்தம் செய்ய்யப்பட்டு 1620ல் கட்டப்பட்டது. இக்கோட்டை தரங்கம்பாடியோடு 1845ஆம் ஆண்டு பிரித்தானியருக்கு விற்கப்பட்டது. இந்தியா விடுதலையான பின்னர் இக்கோட்டை தமிழக அரசால் ஆய்வு மாளிகையாக 1978ஆம் ஆண்டு வரை பயன்படுத்தப்பட்டது.
News October 12, 2024
சரஸ்வதி அலங்காரத்தில் காட்சியளித்த மாரியம்மன்
சீர்காழியில் உள்ள பல்வேறு கோயில்கள் மற்றும் வழிபாட்டு தலங்களில் நவராத்திரி உற்சவம் விமர்சையாக நடைபெற்று வருகிறது. பிரசித்தி பெற்ற சக்தி ஸ்தலமான புற்றடி மாரியம்மன் கோவிலில் நவராத்திரி உற்சவத்தின் ஒன்பதாம் நாளான நேற்று அம்மனுக்கு அபிஷேகம் செய்யப்பட்டது. தொடர்ந்து சரஸ்வதி அலங்காரத்தில் சிறப்பு பூஜை மற்றும் வழிபாடு நடைபெற்றது. திரளான பக்தர்கள் பங்கேற்று தரிசனம் செய்தனர்.
News October 11, 2024
மயிலாடுதுறை காவல் கண்காணிப்பாளர் எச்சரிக்கை
மயிலாடுதுறை மாவட்டத்தில் இந்த ஆண்டில் 37 நபர்கள் குண்டர் சட்டத்தில் கைது செய்யப்பட்டு சிறையில் அடைக்கப்பட்டுள்ளனர். தொடர்ந்து பொதுமக்களை அச்சுறுத்தும் வகையில் ரௌடிசத்தில் ஈடுபடும் நபர்கள் , தடை செய்யப்பட்ட புகையிலை பொருட்களை விற்பனை செய்பவர்கள் , மது குற்றங்களில் ஈடுபடுபவர்கள் மீது குண்டர் தடுப்பு சட்டத்தின் கீழ் நடவடிக்கை எடுக்கப்படும் என மாவட்ட எஸ்பி ஸ்டாலின் கடுமையாக எச்சரிக்கை விடுத்துள்ளார்.
News October 11, 2024
பிரபல ரவுடி குண்டர் சட்டத்தில் சிறையில் அடைப்பு
மயிலாடுதுறையில் குடிபோதையில் பிரபல ரவுடி இமானுவேல் தகராறில் ஈடுபட்டு பாலு என்பவரை பீர் பாட்டிலால் தலையில் தாக்கியுள்ளார். இது தொடர்பாக மயிலாடுதுறை காவல் நிலையத்தில் வழக்கு பதிவு செய்யப்பட்டு குற்றவாளியை போலீசார் சிறையில் அடைத்தனர். தொடர்ந்து மாவட்ட எஸ்பி ஜி.ஸ்டாலின் பரிந்துரையின் பெயரில் மாவட்ட ஆட்சியர் மகாபாரதி உத்தரவை அடுத்து குண்டர் சட்டத்தின் கீழ் குற்றவாளி சிறையில் இன்று அடைக்கப்பட்டார்.
News October 11, 2024
மயிலாடுதுறை எம்பி ஆயுதபூஜை வாழ்த்து
மயிலாடுதுறை மாவட்டத்தில் ஆயுத பூஜை விழா இன்று சிறப்பாக கொண்டாடப்பட்டு வருகிறது. தொடர்ந்து மயிலாடுதுறை பாராளுமன்ற உறுப்பினர் வழக்கறிஞர் சுதா மயிலாடுதுறை மக்களுக்கு ஆயுத பூஜை நல்வாழ்த்துக்களை தெரிவித்துள்ளார். தொடர்ந்து நமது இலக்கு மகிழ்வான மயிலாடுதுறை என அவர் வெளியிட்டுள்ள வாழ்த்து குறிப்பில் தெரிவித்துள்ளார்.
News October 11, 2024
மயிலாடுதுறையில் மிக கனமழைக்கு வாய்ப்பு
மயிலாடுதுறை மாவட்டங்களில் அக்.14 ஆம் தேதி மிக கனமழை பெய்யும் என வானிலை ஆய்வு மையம் தெரிவித்துள்ளது. வடகிழக்கு பருவமழை தொடங்கவுள்ள நிலையில் இந்த அறிவிப்பு வெளியாகியுள்ளது. மேலும் தமிழ்நாட்டில் இன்று முதல் 6 நாட்களுக்கு கனமழை பெய்யும் எனவும் தெரிவிக்கப்பட்டுள்ளது. இதனால் வெளியே செல்லும் மக்கள் முன் பாதுகாப்புடன் செல்வது நல்லது. SHARE IT.
Featured News
Sorry, no posts matched your criteria.