India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News June 8, 2024
தென்மேற்கு பருவமழை முன்னேற்பாடுகள்
கிருஷ்ணகிரி மாவட்ட ஆட்சியர் அலுவலக கூட்டரங்கில் தென்மேற்கு பருவமழை முன்னேற்பாடுகள் மற்றும் தயார்நிலை ஆய்வுக் கூட்டம் மாவட்ட ஆட்சித்தலைவர் கே. எம். சரயு, அவர்கள் தலைமையில் நேற்று (ஜூன் 7) நடைபெற்றது. உடன் கூடுதல் ஆட்சியர் / ஊரக வளர்ச்சி முகமை திட்ட இயக்குநர் வந்தனா கர்க், ஓசூர் சார் ஆட்சியர் செல்வி. பிரியங்கா உள்ளிட்டோர் பங்கேற்றனர்.
News June 7, 2024
கிருஷ்ணகிரி: கால்நடைகளுக்கு தடுப்பூசி முகாம்
கிருஷ்ணகிரி மாவட்டத்தில் உள்ள அனைத்து கிராமங்களில் அறிவிக்கப்படும் தேதிகளில் கால் மற்றும் வாய் நோய் தடுப்பூசி முகாம் ஜூன் 10ம் தேதி முதல் ஒரு மாதம் நடைபெற உள்ளது. கால்நடைகளின் உரிமையாளர்கள் தங்களின் ஆதார் எண் மற்றும் செல்போன் எண் ஆகியவற்றை கொடுத்து தடுப்பூசியை தங்களின் கால்நடைகளுக்கு போட்டு பயன் பெற வேண்டுமாறு கலெக்டர் சரயு தெரிவித்தார்.
News June 7, 2024
உற்பத்தி காளான் பயிற்சியை தொடங்கி வைத்த ஆட்சியர்.
தோட்டக்கலைக் கல்லூரி மற்றும் ஆராய்ச்சி நிலையம் மற்றும் மண்டல ஆராய்ச்சி நிலையம் பையூரில் மாவட்ட ஆட்சியர் கே.எம்.சரயு நேற்று சுற்றுச் சூழல் மையம், மரக்கன்று நடவு மற்றும் உற்பத்தி காளான் வளர்ப்புப் பயிற்சியை தொடங்கி வைத்து வளர்ப்புக் குடிலை பார்வையிட்டார். இந்த விழாவில் கல்லூரி முதன்மை அலுவலர் முனைவர். அனீசா ராணிஅவர்கள் இத்திட்டத்தின் முக்கியத்துவம் மற்றும் நோக்கத்தை எடுத்துரைத்தார்.
News June 7, 2024
கிருஷ்ணகிரியில் கனமழை மக்கள் மகிழ்ச்சி
கிருஷ்ணகிரியில் இன்று(ஜூன் 7) இடி மின்னலுடன் கூடிய பலத்த மழை பெய்து வருகிறது. சுமார் ஒரு மணி நேரமாக மழை வருவதால் சாலை வழியாக மழை நீர் பெருக்கெடுத்து ஓடுவதால் வாகனங்கள் மெதுவாக செல்கின்றன. மழையினால் மக்கள் பெரும் மகிழ்ச்சியில் உள்ளனர். நீண்ட நாட்களுக்கு பிறகு கனமழை பெய்வதால் குளிர்ச்சியான சூழ்நிலை நிலவுகிறது.
News June 7, 2024
தார்ச்சாலை தரம்: கிருஷ்ணகிரி கலெக்டர் ஆய்வு
கிருஷ்ணகிரி ஊராட்சி ஒன்றியம், கல்லுக்குறுக்கி ஊராட்சியில் முதல்வரின் கிராம சாலைகள் மேம்பாட்டு திட்டத்தின்கீழ் பி.ஜி.புதுார் முதல் கல்லுகுறுக்கி வரை சுமார் 350 மீட்டர் தூரத்திற்கு ரூ. 11 லட்சத்து 24 ஆயிரம் மதிப்பில் தார்ச்சாலை அமைக்கப்பட்டுள்ளது. இதன் தரம் குறித்து மாவட்ட ஆட்சியர் கே.எம்.சரயு நேற்று (ஜூன் 6) நேரில் பார்வையிட்டு ஆய்வு மேற்கொண்டார்.
News June 7, 2024
கிருஷ்ணகிரி: மழைக்கு வாய்ப்பு
கிருஷ்ணகிரி மாவட்டத்தில் இன்று (07.06.24) மதியம் 1 மணி வரை மழைபெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி கிருஷ்ணகிரியில் இன்று இடி மற்றும் மின்னலுடன் கூடிய மழை பெய்யக்கூடும் எனத் தெரிவிக்கப்பட்டுள்ளது. தமிழகத்தில் கோடையில் பெய்து வந்த மழை சமீபமாக குறைந்து வெப்பம் அதிகரித்து வருகிறது ஓரிரு இடங்களில் மட்டுமே மழைப்பொழிவு பதிவாகி வருவது குறிப்பிடத்தக்கது.
News June 7, 2024
அதிமுகவிற்கு பாஜக முன்னாள் எம்.பி அழைப்பு
கிருஷ்ணகிரி பாஜக அலுவலகத்தில் நேற்று பேட்டியளித்த முன்னாள் எம்.பி நரசிம்மன் பாஜக மாநில தலைவரின் தலைமையை ஏற்று அதிமுக கூட்டணிக்கு வரலாம் என தெரிவித்தார். மேலும்,
வாக்கு எண்ணும் மையத்தில் அதிமுகவினர் பலர் தன்னை சந்தித்து, வரும் உள்ளாட்சி தேர்தலில் அதிமுக பாஜக கூட்டணி இல்லையென்றால் தோற்கடிக்கப்படுவோம் என்று தெரிவித்ததாக கூறினார். எனவே பாஜக அதிமுக கூட்டணி அவசியம் என்று தெரிவித்தார்.
News June 7, 2024
அமைச்சருக்கு கிருஷ்ணகிரி திமுக மாவட்ட செயலாளர்கள் நன்றி
மக்களவைத் தேர்தலில் கிருஷ்ணகிரி காங் வேட்பாளர் கே. கோபிநாத் அவர்கள் வெற்றி பெற்றார். அவரது வெற்றிக்காக பரப்புரை மேற்கொண்ட மாவட்ட பொறுப்பு அமைச்சர் சக்கரபாணியை கிருஷ்ணகிரி கிழக்கு மாவட்ட செயலாளர் மதியழகன், மேற்கு மாவட்ட செயலாளர் ஓய். பிரகாஷ் ஆகியோர் நேற்று சந்தித்து நன்றி கூறினர். இந்த சந்திப்பில் கிருஷ்ணகிரி நகர செயலாளர் நவாப் மற்றும் ஒசூர் மேயர் சத்யா ஆகியோர் உடன் இருந்தனர்.
News June 7, 2024
கிருஷ்ணகிரி: நேற்றைய மழை பதிவு விவரம்
அஞ்செட்டி- 6.40 மிமீ,
பாரூர்- 17.40 மிமீ, தேன்கனிக்கோட்டை – 35.00 மிமீ, ஓசூர்-33.10 மிமீ, கிருஷ்ணகிரி -23.40 மிமீ, நெடுங்கல்-6.00 மிமீ, பெனுகொண்டாபுரம் – 22.20 மிமீ, போச்சம்பள்ளி -17.70 மிமீ, ராயக்கோட்டை-33.00 மிமீ, சூளகிரி-20.00 மிமீ, தாலி-5.00 மிமீ, ஊத்தங்கரை-11.00 மிமீ,
சின்னார் அணை-18.00 மிமீ,கெலவரப்பள்ளி அணை-54.20 மிமீ, கே.ஆர்.பி அணை-67.60 மிமீ,பாம்பார் அணை- 37.00 மிமீ மழை பதிவாகியுள்ளது.
News June 7, 2024
கிருஷ்ணகிரி: நள்ளிரவில் குவிந்த பக்தர்கள்
காவேரிப்பட்டிணம் அடுத்த மலையாண்டஹள்ளி பகுதியில் எழுந்தருளியுள்ள பழமைவாய்ந்த ஸ்ரீ பூங்காவனத்தம்மன் ஆலயத்தில் நேற்று (ஜூன் 6) மாலை 7 மணி அளவில் வைகாசி அமாவாசையை முன்னிட்டு சிறப்பு வழிபாடு துவங்கியது. இந்த வழிபாடு அதிகாலை ஒரு மணி வரை நடைபெற்றது. மேலும் ஒரு மணி அளவில் பூங்காவனத்தம்மன் திருவீதிவுலா நடைபெற்றது. சுற்றுவட்டார பகுதிகளிலிருந்து பக்தர்கள் குவிந்தனர்.
Featured News
Sorry, no posts matched your criteria.