India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karur
News July 13, 2024
தேர்வு மையத்தில் கலெக்டர் ஆய்வு
கரூர் தாந்தோணி அரசு கலைக்கல்லூரி மற்றும் சி.எஸ்.ஐ ஆண்கள் மேல்நிலைப்பள்ளி ஆகிய இடங்களில் தமிழ்நாடு அரசுப் பணியாளர் தேர்வாணையத்தால் நடத்தப்பட்ட ஒருங்கிணைந்த குடிமைப் பணிகள் தேர்வு-1 (தொகுதி – I) தேர்வு மையங்களை கலெக்டர் மீ.தங்கவேல் இன்று (13.07.2024) நேரில் பார்வையிட்டு ஆய்வு செய்தார். இதுகுறித்து மாவட்ட ஆட்சித்தலைவர் மீ.தங்கவேல் தெரிவித்துள்ளார்.
News July 13, 2024
கரூர் மாவட்ட எஸ்பி அதிரடி
கரூர் மாவட்டத்தில் குற்ற செயல்களை தடுக்கவும், குற்றவாளிகளின் நடமாட்டத்தை கட்டுப்படுத்தவும், தேசிய நெடுஞ்சாலைகளில் எஸ்பி தலைமையில் போலீசார் தீவிர வாகன சோதனையில் ஈடுபட்டனர். அதன்படி நேற்று கரூர் டவுன், கரூர் ரூரல், குளித்தலை உட்கோட்ட காவல் துறை சார்பில், 10 க்கும் மேற்பட்ட இடங்களில் வாகன சோதனை நடந்தது. அதில் 100க்கும் மேற்பட்ட போலீசார் கார், வேன் உள்ளிட்ட வாகனங்களில் சோதனை நடத்தினர்.
News July 13, 2024
பிரபல யுடியூபர் சவுக்கு சங்கர் இன்று நீதிமன்றத்தில் ஆஜர்
கரூர் பிரியாணி கடை அதிபரிடம் பண மோசடியில் ஈடுபட்டதாக விக்னேஷ் என்பவர் கடந்த வாரம் கைது செய்யப்பட்டார்.இவருடைய வாக்குமூலத்தின் அடிப்படையில் சவுக்கு சங்கரை கைது செய்த போலீசார் கரூர் கோர்ட்டில் ஆஜர்படுத்தினர்.மேலும் 4 நாள் காவலில் வைத்து விசாரிக்க கோர்ட் உத்தரவிட்டது. இந்நிலையில் சவுக்கு சங்கர் மீதான 4 நாள் விசாரணை இன்றுடன் முடிவடைகிறது. இதன் காரணமாக அவரை போலீசார் இன்று கோர்ட்டில் ஆஜர்படுத்த உள்ளனர்.
News July 13, 2024
மரக்கன்றுகள் பராமரிப்பு பணிகளை ஆய்வு
கரூர் மாவட்டம் அரசு காலணி வாங்கல் சாலையில் அமைந்துள்ள குப்பை உரக்கிடங்கு மையத்தில், மரக்கன்றுகளை நட்டு வைத்து தண்ணீர் விட்டு, அதனை பராமரிக்கும் பணிகளை மாநகராட்சி மேயர் கவிதா கணேஷ் நேற்று நேரில் சென்று ஆய்வு மேற்கொண்டார். இதில் நகராட்சி நல அலுவலர், செயற் பொறியாளர், நிர்வாகிகள் மற்றும் தூய்மை பணியாளர்கள் கலந்து கொண்டு சிறப்பித்தனர்.
News July 12, 2024
உலக மக்கள் தொகை தின விழிப்புணர்வு பேரணி
கரூர் மாவட்ட ஆட்சியர் அலுவலக வளாகத்தில், உலக மக்கள் தொகை தினத்தை முன்னிட்டு இன்று விழிப்புணர்வு பேரணி நடைபெற்றது. இதனை மாவட்ட ஆட்சியர் தங்கவேல் கொடியசைத்து துவக்கி வைத்தார். இந்நிகழ்வில் பல்வேறு கல்லூரிகளை சேர்ந்த 300-க்கும் மேற்பட்ட மாணவ- மாணவிகள் கலந்துகொண்டு விழிப்புணர்வு பதாகைகளை கையில் ஏந்தி சென்றனர்.
News July 12, 2024
கரூரில் மழைக்கு வாய்ப்பு
மேற்கு திசை காற்றின் வேக மாறுபாடு காரணமாக, தமிழகத்தில் இன்று ஒரு சில இடங்களில் லேசான முதல் மிதமான மழை பெய்யக்கூடும் என சென்னை வானிலை ஆய்வு மையம் அறிவித்துள்ளது. அதன்படி கரூர் மாவட்டத்தில் இன்று அடுத்த மூன்று மணி நேரத்திற்கு இடி மின்னலுடன் கூடிய லேசான முதல் மிதமான மழை பெய்ய வாய்ப்பு இருப்பதாக தெரிவிக்கப்பட்டுள்ளது.
News July 12, 2024
கரூர் மாவட்டத்திற்கு மழைக்கு வாய்ப்பு
மேற்கு திசை காற்றின் வேக மாறுபாடு காரணமாக தமிழகத்தில் மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி அடுத்த 3 மணி நேரத்தில் (மாலை 5 மணி வரை ) கரூர் மாவட்டத்தில் ஒரு சில இடங்களில் இடியுடன் கூடிய மிதமான மழைக்கு வாய்ப்புள்ளதாக தெரிவிக்கப்பட்டுள்ளது.
News July 12, 2024
கூட்டுறவுத்துறை பணியாளர் நாள் கூட்டம்
கரூர் மண்டலத்தில் கூட்டுறவு சங்கங்களின் பதிவாளர் அறிவுரைப்படி இரு மாதங்களுக்கு ஒருமுறை கூட்டுறவு துறையின் கீழ் செயல்படும் பணியாளர்கள் அனைவருக்கும் பணியாளர் குறைதீர்க்கும் கூட்டம் நடத்தப்படும். அந்த வகையில் கரூர் மாவட்ட அலுவலக கூட்டரங்கில் குறைதீர்க்கும் கூட்டம் இன்று நடைபெறுகிறது. இதில் கூட்டுறவு பணியாளர்கள் கலந்து கொண்டு தங்களது குறைகளை தெரிவிக்குமாறு மாவட்ட நிர்வாகம் தெரிவித்துள்ளது.
News July 11, 2024
கரூர் மாவட்டத்தில் வெப்ப நிலை நிலவரம்
தமிழ்நாட்டில் கோடை காலம் முடிந்து சில இடங்களில் மழை பெய்து குளிர்ச்சியான சூழ்நிலை நிலவினாலும் சில இடங்களில் வெயில் சுட்டெரித்து வருகிறது.அந்த வகையில் இன்று சென்னை வானிலை ஆய்வு மையம் வெளியிட்ட அறிக்கையில்,கரூர் மாவட்டத்தில் உள்ள பரமத்தியில் 100 டிகிரி பாரன்ஹீட் வெயில் பதிவாகியுள்ளது.மேலும் கரூர் மாவட்டத்தில் உள்ள மற்ற பகுதியிலும் கடும் வெயிலால் மக்கள் அவதியுற்றனர்.
News July 11, 2024
முன்னாள் அமைச்சரின் ஆதரவாளர் வீட்டில் சிபிசிஐடி ரெய்டு
கரூா் ஆண்டாங்கோவில் பகுதியில் முன்னாள் அமைச்சர் விஜயபாஸ்கரின் ஆதரவாளரான கவின் என்பவர் வீட்டில் இன்று காலை முதல் சிபிசிஐடி போலீசார் தீவிர விசாரணையில் ஈடுபட்டுள்ளனர். மேலும் கரூா் பிரகாஷ் என்பவருக்கு சொந்தமான நிலத்தை மிரட்டி எழுதி வாங்கியதாக முன்னாள் அமைச்சர் உட்பட 3 பேர் மீது வழக்குப்பதிவு செய்தது குறிப்பிடத்தக்கது. இந்த நிலையில் சிபிசிஐடி விசாரணை அப்பகுதியில் பெரும் பரபரப்பை ஏற்படுத்தியுள்ளது.
Featured News
Sorry, no posts matched your criteria.