India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karur
News September 4, 2024
கரூர்: 9 பேருக்கு டாக்டர் ராதாகிருஷ்ணன் விருது
2024ம் ஆண்டுக்கான டாக்டர் ராதாகிருஷ்ணன் விருதுக்கு கரூர் மாவட்டத்தில் தொடக்கக் கல்விப் பிரிவில் குளித்தலை ஒன்றியம் சிவாயம் (மேற்கு) ஊராட்சி ஒன்றிய நடுநிலைப் பள்ளி அறிவியல் பட்டதாரி ஆசிரியர் ம.ரமேஷ், தாந்தோணி ஒன்றியம் வெள்ளியணை ஊராட்சி ஒன்றியத் தொடக்கப் பள்ளி இடைநிலை ஆசிரியர் சு.மனோகர் உட்பட 9 பேர் தேர்வு செய்யப்பட்டுள்ளனர்.
News September 3, 2024
கரூர் மாவட்டத்தை சேர்ந்தவரா நீங்கள்?
கரூர் மாவட்டத்தில் Way2News நிருபராக மாற விருப்பமும், ஆர்வமும் உள்ளதா? உங்கள் பகுதிகளில் பகுதிகளில் நடக்கும் தினசரி நிகழ்வுகளை செய்திகளாக பதிவிட்டு கூடுதல் வருவாய் ஈட்டுங்கள். நீங்கள் அனுப்பும் ஒவ்வொரு செய்திக்கும் உரிய ரூபாய் வழங்கப்படும். உங்கள் ஊரின் நிருபராக மாறுங்கள் கூடுதல் வருவாய் ஈட்டுங்கள்! இப்போதே நிருபராக பதிவு செய்யவும். தொடர்புக்கு 91603 22122
News September 3, 2024
கரூர்: மூடப்பட்ட அரசு தொடக்கப் பள்ளி மீண்டும் திறப்பு
கரூர்: க.பரமத்தி ஊராட்சி ஒன்றியத்தில் நெடுங்கூர், தான்தோன்றிமலை ஊராட்சி ஒன்றியத்தில் வெங்கடாபுரம் ஆகிய 2 தொடக்கப் பள்ளிகளில், மாணவர்களே இல்லாததால் மூடப்பட்டதாக செய்திகள் வெளியானது. இதையடுத்து இந்த பிள்ளைகளை மீண்டும் திறக்க பள்ளிக்கல்வித்துறை உத்தரவிட்டது. அதன்படி, வெங்கடாபுரம் தொடக்கப்பள்ளி நேற்று மீண்டும் திறக்கப்பட்டது. அந்த பள்ளி 2 ஆசிரியர்கள், 3 மாணவர்களுடன் செயல்பட தொடங்கியுள்ளது.
News September 3, 2024
கரூரில் குண்டர் தடுப்பு சட்டத்தின் கீழ் கைது
கரூர் மாவட்ட காவல் கண்காணிப்பாளர் பெரோஸ் கான் அப்துல்லா பரிந்துரையின் பேரில் கந்துவட்டி கொடுமை வழக்கில் தொடர்புடைய எதிரியை இன்று குண்டர் தடுப்பு சட்டத்தின் கீழ் சிறையில் அடைக்கப்பட்டார். இதில் பொதுமக்களிடம் கந்து வட்டி, மீட்டர் வட்டி மற்றும் அதிகமான வட்டிக்கும் பணம் கொடுக்கும் நபர்கள் மீது கடுமையான நடவடிக்கை எடுத்து குண்டர் தடுப்பு சட்டத்தின் கீழ் தண்டிக்கப்படுவார்கள் என தெரிவித்தார்.
News September 2, 2024
எஸ்பி அபிஸில் காணாமல் போன செல்போன்கள் ஒப்படைப்பு
நாளை 03.09.2024, கரூர் மாவட்ட காவல் கண்காணிப்பாளர் உத்தரவின் பேரில் கரூர் மாவட்டத்தில் காணாமல் போன ரூபாய் 52,00,000 மதிப்புள்ள 211 செல் போன்கள் மற்றும் சைபர் குற்றங்களால் பொதுமக்கள் இழந்த ரூபாய் 67,00,000/- மீட்கப்பட்டு உரிய நபர்களிடம் காவல் கண்காணிப்பாளர் அலுவலகத்தில் வைத்து கொடுக்க உள்ளார். இது குறித்து மாவட்ட காவல்துறை சார்பில் இன்று அறிவிப்பை வெளியிட்டுள்ளனர்.
News September 2, 2024
கரூரில் மக்கள் குறைதீர்க்கும் நாள் கூட்டம்
கரூர் மாவட்ட ஆட்சியர் அலுவலகத்தில் இன்று நடைபெற்ற மக்கள் குறைதீர்க்கும் நாள் கூட்டத்தில் மாவட்ட ஆட்சியர் தங்கவேல் நீரில் மூழ்கி இறந்த நபர்களின் வாரிசு தாரர்களுக்கு முதலமைச்சரின் பொது நிவாரண நிதியிலிருந்து காசோலையை வழங்கினார். உடன் மாவட்ட வருவாய் அலுவலர் கண்ணன், தனித் துணை ஆட்சியர் பிரகாசம் ஆகியோர் கலந்து கொண்டனர்.
News September 2, 2024
எம்.ஆர்.விஜயபாஸ்கர் சகோதரர் கைது
100 கோடி ரூபாய் மதிப்பிலான நிலத்தை முறைகேடாக எழுதி வாங்கியதாக முன்னாள் அமைச்சர் விஜயபாஸ்கரரின் சகோதரர் சேகரை சிபிசிஐடி போலீசார் கைது செய்தனர். நில மோசாடி தொடர்பாக முன்னாள் அமைச்சர் எம்.ஆர்.விஜயபாஸ்கர், அவரது சகோதரர் சேகர் உள்பட ஏழு பேர் மீது பதியப்பட்ட வழக்கில் சிபிசிஐடி போலீஸார் விசாரித்து வருவது குறிப்பிடத்தக்கது.
News September 1, 2024
கரூரில் 2 சரக்கு லாரிகள் மோதி விபத்து
குளித்தலை – முசிறியை இணைக்கும் பெரியார் காவிரி பாலத்தில் இன்று 2 சரக்கு லாரிகள் ஓரப்பகுதியில் மோதியது. இதில் ஒரு லாரியின் முகப்பு முற்றிலும் சேதமானது. அதில் வந்த ஓட்டுனர் சிவநாராயணனுக்கு கை, காலில் ரத்தக்காயம் ஏற்பட்டது. இதையடுத்து அவரை மீட்டு குளித்தலை அரசு மருத்துவமனையில் சேர்த்தனர். மற்றொரு லாரியின் ஆக்ஸில் கட்டானது. இதில் அந்த லாரியின் டிரைவர்கள் அதிர்ஷ்டவசமாக உயிர் தப்பினர்.
News September 1, 2024
காரூர்: கஞ்சா வைத்திருந்த வாலிபர் கைது
கரூர் மதுவிலக்கு அமலாக்கப்பிரிவு போலீசார் வெங்கமேடு பகுதியில் நேற்று ரோந்து பணியில் ஈடுபட்டனர். அப்போது என்.எஸ்.கே. நகர் பகுதியில் சந்தேகப்படும்படி நின்றிருந்தவரை பிடித்து சோதனை செய்தனர். அப்போது அவர் 100 கிராம் கஞ்சா வைத்திருந்தது தெரியவந்தது. மேலும், அவர் கரூர் காந்திகிராமத்தை சேர்ந்த சஞ்ஜித் என்பது தெரியவந்தது. இதையடுத்து அவரை போலீசார் கைது செய்தனர்.
News September 1, 2024
கரூர்: சாதனை மாணவரை பாராட்டிய எம்எல்ஏ
தோகைமலை அடுத்த கள்ளை கிராமத்தை சேர்ந்த ஹரிஹரன் என்ற மாணவர், நீட் தேர்வில் தமிழ் வழி பாடத்திட்டத்தின் கீழ் 7.5 இட ஒதுக்கீட்டில் வெற்றி பெற்று, மாநிலத்தில் 15வது இடமும், மாவட்ட அளவில் 2ஆம் இடமும் பெற்று சாதனை படைத்தார். அவருக்கு சென்னை அரசு மருத்துவக் கல்லூரியில் இடம் கிடைத்துள்ளது. இந்நிலையில் குளித்தலை எம்எல்ஏ மாணிக்கம் நேற்று ஹரிஹரனை பாராட்டி வாழ்த்தினார்.
Featured News
Sorry, no posts matched your criteria.