India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kanchipuram
News May 3, 2024
வணிகர் சங்க தினத்தை முன்னிட்டு விடுமுறை
தமிழகத்தில் வரும் மே 5ஆம் தேதி வணிகர் சங்க மாநாடு நடைபெறவுள்ளது. இதனை முன்னிட்டு அன்றைய தினம் மாநிலம் முழுவதும் கடைகளுக்கு விடுமுறை அறிவிக்கப்பட்டுள்ளது. இந்நிலையில், காஞ்சிபுரம் மாவட்டத்தில் உள்ள பல்வேறு கடைகளில் பதாகைகள் வைக்கப்பட்டுள்ளது. இந்த மாநாட்டில் தமிழ்நாடு வணிகர் சங்க பேரமைப்பு நிர்வாகிகள், தலைவர், சிறப்பு அழைப்பாளர்கள் உள்ளிட்ட பலர் பங்கேற்க உள்ளனர்.
News May 3, 2024
ஸ்ரீபெரும்புதூர் அருகே விபத்தில் ஒருவர் பலி
காஞ்சிபுரம் மாவட்டம் ஸ்ரீபெரும்புதூர் அடுத்த மேவளுர்குப்பம் பகுதியை சேர்ந்தவர்கள் ஜஸ்டின்(20), மோசஸ்(17). இவர்கள் இருவரும் நேற்று(மே 2) மாலை சென்னை – பெங்களூர் தேசிய நெடுஞ்சாலையில் இருங்காட்டுக்கோட்டை அருகே சென்று கொண்டிருந்தனர். அப்போது முன்னாள் சென்ற கண்டெயினர் லாரி மீது மோதி ஜஸ்டின் சம்பவ இடத்திலேயே உயிரிழந்தார். மோசஸ் என்பவருக்கு கை கால் முறிவு ஏற்பட்டது.
News May 3, 2024
காஞ்சிபுரம்: இலவச கண் பரிசோதனை முகாம்
காஞ்சிபுரம் மாவட்டம் காஞ்சிபுரம் மாநகராட்சிக்கு உட்பட்ட காந்தி சாலையில் அமைந்துள்ள மூங்கில் மண்டபம் அருகே பொதுமக்களுக்கு இலவச கண் பரிசோதனை முகாம் இன்று (03.05.2024) நடைபெறுகிறது. காலை 10 மணி முதல் 1 மணி வரை நடைபெற உள்ள முகாமில் பொதுமக்கள் கலந்துகொண்டு பயனடையுமாறு அறிவுறுத்தப்பட்டுள்ளது.
News May 2, 2024
பொது மக்களுக்கு முக்கிய அறிவிப்பு
காஞ்சிபுரம் மாவட்டம் காஞ்சிபுரம் மாநகராட்சிக்கு உட்பட்ட காந்தி சாலையில் அமைந்துள்ள மூங்கில் மண்டபம் அருகே பொதுமக்களுக்கு இலவச கண் பரிசோதனை முகாம் நாளை (03.05.2024) காலை 10 மணி முதல் 1 மணி வரை நடைபெற உள்ளது. இதில் பொதுமக்கள் கலந்துகொண்டு பயனடையுமாறு அறிவித்துள்ளனர்.
News May 2, 2024
ஒரே ஆழ்துளை கிணறுக்கு இருமுறை நிதி ஒதுக்கீடு
காஞ்சிபுரம், வாலாஜாபாத் அருகே நாயக்கன்பேட்டை பகுதியில் ஆற்றங்கரை அருகாமையில் ஆழ்துளை கிணற்றில் ஊராட்சி நிதியிலிருந்து ரூ.5.80 லட்சம் மதிப்பில் ஆழ்துளை கிணறு போடப்பட்டுள்ளதாக ஒரு புறம் எழுதப்பட்டுள்ள நிலையில் மற்றொருபுறம் 15-ஆவது நிதி குழு ரூ.3.60 லட்சம் மதிப்பில் ஆழ்துளை கிணறு போடப்பட்டுள்ளதாக இருவிதமாக எழுதப்பட்டுள்ளதால் பரபரப்பு ஏற்பட்டுள்ளது.
News May 2, 2024
மின்னணு வாக்குப்பதிவு இயந்திரங்கள் கலெக்டர் ஆய்வு
காஞ்சிபுரம், பொன்னேரிக்கரை, அண்ணா பொறியியல் கல்லூரியில் இன்று பாராளுமன்ற தொகுதி தேர்தல் வாக்குகள் பதிவான மின்னணு வாக்குப்பதிவு இயந்திரங்கள் வைக்கப்பட்டுள்ள பாதுகாப்பு அறையினை மாவட்ட தேர்தல் அலுவலர், மாவட்ட ஆட்சித்தலைவர் கலைச்செல்வி மோகன் அவர்கள் பார்வையிட்டு ஆய்வு மேற்கொண்டார்கள்.
News May 1, 2024
குரு பகவானை வழிபாடு செய்த அதிமுக முன்னாள் எம்எல்ஏ
வாலாஜாபாத் ஒன்றியத்துக்கு உட்பட்ட கோவிந்தவாடி அகரம் பகுதியில் உள்ள குரு பகவான் கோவிலில் மேஷ ராசியிலிருந்து ரிஷப ராசிக்கு மாறும் குரு பகவானே வணங்க பல்வேறு அரசியல் கட்சிகள் வருகை புரிந்து குரு பகவானை வணங்கி சென்றனர். அந்த வகையில் அதிமுகவை சேர்ந்த உத்திரமேரூர் முன்னாள் சட்டமன்ற உறுப்பினரும், கழக அமைப்பு செயலாளர் வாலாஜாபாத் பா.கணேசன் தனது தொண்டர்களுடன் குரு பகவானை வணங்கி வழிபாடு செய்தார்.
News April 30, 2024
போக்குவரத்து காவலர்களுக்கு கூலிங் கிளாஸ்
கோடைகாலத்தை ஒட்டி காஞ்சிபுரம் போக்குவரத்து காவல்துறை சார்பில் உதவி ஆய்வாளர் ராஜிவ் ஏற்பாட்டில், வெப்பத்தை தணிக்கும் வகையில் பொதுமக்களுக்கு இன்று மோர் வழங்கப்பட்டது. பொதுமக்கள் அதிகம் பயணிக்கும் பகுதியான மூங்கில் மண்டபம் பகுதியில் இந்நிகழ்வு நடைபெற்றது. இந்நிலையில் போக்குவரத்து காவல்துறையின் சேவையை பாராட்டி, அவர்களுக்கு சமூக ஆர்வலர் ஒருவர் கூலிங் கிளாஸ் வழங்கினார்.
News April 30, 2024
காஞ்சிபுரம் மாவட்டத்திற்கு மஞ்சள் எச்சரிக்கை
காஞ்சிபுரம் மாவட்டத்திற்கு மஞ்சள் எச்சரிக்கையை விடுத்துள்ளது சென்னை வானிலை ஆய்வு மையம். மே 2, 3, 4 ஆகிய தேதிகளில் வெப்ப அலை வீசக்கூடும் என எதிர்ப்பார்க்கப்படுகிறது. இந்த வெப்ப அலையால், இயல்பைவிட 3 முதல் 5 டிகிரி செல்சியஸ் வெப்பநிலை கூடுதலாக இருக்கும் எனவும் தெரிவித்துள்ளது. இதனால் மக்கள் தங்களை வெயிலிலிருந்து பாதுகாத்துக் கொள்ளுமாறு அறிவுறுத்தப்படுகிறது.
News April 30, 2024
மின்னணு வாக்குப்பதிவு இயந்திரங்கள் ஆட்சியர் ஆய்வு
காஞ்சிபுரம் மாவட்டத்தில்
இன்று (30.04.2024) காஞ்சிபுரம், பொன்னேரிக்கரை, அண்ணா பொறியியல் கல்லூரியில் 2024 பாராளுமன்ற தொகுதி தேர்தல் வாக்குகள் பதிவான மின்னணு வாக்குப்பதிவு இயந்திரங்கள் வைக்கப்பட்டுள்ள பாதுகாப்பு அறையினை மாவட்ட தேர்தல் அலுவலர், மாவட்ட ஆட்சித்தலைவர் கலைச்செல்வி மோகன் ஆய்வு செய்து வருகின்றனர்.
Featured News
Sorry, no posts matched your criteria.