India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kallakurichi
News August 1, 2024
வட்டார வள பயிற்றுநர்கள் விண்ணப்பிக்க அழைப்பு
கள்ளக்குறிச்சி மாவட்டத்தில் வட்டார வள பயிற்றுநர்கள் தேர்வு செய்திட விண்ணப்பங்கள் வரவேற்பதாக கள்ளக்குறிச்சி மாவட்ட ஆட்சித்தலைவர் பிரசாந்த் தகவல் அளித்துள்ளார். மாவட்டத்திலுள்ள 9 வட்டாரங்களுக்கும் ஒரு வட்டாரத்திற்கு ஒரு வட்டார வள பயிற்றுனர் வீதம் 9 வட்டாரங்களுக்கும் கூடுகை மற்றும் கூட்டாண்மை பிரிவின் கீழ் 9 வட்டார வள பயிற்றுநர்கள் தேர்வு செய்திட விண்ணப்பங்கள் வரவேற்பதாக தெரிவித்துள்ளார்.
News August 1, 2024
பொதுமக்களிடம் மனுக்களை பெற்ற எம்.எல்.ஏ.
சின்னசேலம் ஊராட்சி ஒன்றியம், குதிரைச்சந்தல் ஊராட்சியில் ஊரகப்பகுதியில் மக்களுடன் முதல்வர் எனும் திட்டம் தொடக்க விழா இன்று (ஆகஸ்ட் 1) நடைபெற்றது. இதில் ரிஷிவந்தியம் சட்டமன்ற உறுப்பினர், கள்ளக்குறிச்சி திமுக தெற்கு மாவட்ட செயலாளர் வசந்தம் கார்த்திகேயன் கலந்து கொண்டு பொதுமக்களிடமிருந்து மனுக்களைப் பெற்றார். உடன் அரசு அதிகாரிகள் உள்ளிட்டோர் இருந்தனர்.
News August 1, 2024
கள்ளக்குறிச்சி பள்ளிகளில் திடீர் ஆய்வு
கள்ளக்குறிச்சி மாவட்டம் கச்சிராயபாளையம் அடுத்த கல்வராயன்மலையில், மாவட்ட ஆட்சியர் எம்.எஸ.பிரசாந்த் உத்தரவின் பெயரில், மாவட்ட முதன்மை கல்வி அலுவலர் முருகன் தலைமையில், இன்று அனைத்து பள்ளிகளிலும் (74) ஆய்வு மேற்கொள்ள உள்ளனர். இதில் மாவட்ட முதன்மை அலுவலர்கள், மாவட்ட ஒருங்கிணைப்பாளர்கள், வட்டார வளமைய அலுவலர்கள், பயிற்சி ஆசிரியர்கள் மலையில் முகாமிட்டுள்ளனர்.
News August 1, 2024
மாவட்ட ஊரக வளர்ச்சி முகமை திட்ட இயக்குநர் மாற்றம்
கள்ளக்குறிச்சி மாவட்ட ஊரக வளர்ச்சி முகமை திட்ட இயக்குநராக பணிபுரிந்து வந்த கணபதி, திருப்பத்தூருக்கு பணியிட மாற்றம் செய்யப்பட்டுள்ளார். அவருக்கு பதிலாக, திருச்சியில் தமிழ்நாடு மாநில ஊரக வாழ்வாதார இயக்க திட்ட இயக்குநராக பணிபுரிந்து வந்த ரமேஷ்குமார், கள்ளக்குறிச்சி மாவட்ட ஊரக வளர்ச்சி முகமை திட்ட இயக்குநராக நியமனம் செய்யப்பட்டுள்ளார். இதற்கான உத்தரவு நேற்று பிறப்பிக்கப்பட்டுள்ளது.
News August 1, 2024
கள்ளக்குறிச்சிக்கு கண்காணிப்பு அலுவலர் நியமனம்
11 மாவட்டங்களுக்கு கண்காணிப்பு அலுவலர்களை நியமித்து, தமிழக அரசு உத்தரவு பிறப்பித்துள்ளது. அதன்படி, கள்ளக்குறிச்சிக்கு தர்மேந்திர பிரதாப் யாதவ் ஐ.ஏ.எஸ். அதிகாரி நியமிக்கப்பட்டுள்ளார். வளர்ச்சிப் பணிகளை துரிதப்படுத்தவும், பொதுமக்களுக்கு நலத்திட்ட உதவிகள் சென்றடைவதை கண்காணிக்கவும், இயற்கை பேரிடர் காலங்களில் ஆட்சியர்களுடன் இணைந்து பணியாற்றவும் இந்த கண்காணிப்பு அதிகாரிகள் நியமிக்கப்பட்டுள்ளனர்.
News August 1, 2024
‘SEED’ திட்டத்தில் பயன்பெற விண்ணப்பிக்கலாம்
மத்திய சமூக நீதி மற்றும் அதிகாரமளித்தல் துறை மூலம் சீர்மரபினர் இனத்தைச் சேர்ந்தவர்களுக்கு ‘SEED’ (Scheme for Economic Empowerment DNT’S) திட்டம், மைய அரசால் செயல்படுத்தப்பட்டு வருகிறது. இந்நிலையில், இத்திட்டத்தின் கீழ் விண்ணப்பிக்க விரும்பும் தகுதியுள்ளவர்கள், மைய அரசின் இணையதளமான www.dwbdnc.dosje.gov.in என்ற முகவரியில் விண்ணப்பிக்கலாம் என மாவட்ட ஆட்சியர் எம்.எஸ்.பிரசாந்த் தெரிவித்துள்ளார்.
News August 1, 2024
சீர்மரபினர் நல வாரிய உறுப்பினராக சேரலாம்
கள்ளக்குறிச்சி மாவட்டத்தில் தமிழ்நாடு சீர்மரபினர் நல வாரியம் உறுப்பினராக சேர விண்ணப்பங்கள் வரவேற்கப்படுகின்றன. அதேபோல், உறுப்பினராக பதிவு செய்தவர்கள் தங்கள் உறுப்பினர் பதிவினை விரைவில் புதுப்பித்துக்கொள்ள மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை தொடர்பு கொள்ளுமாறு ஆட்சியர் பிரசாந்த் கேட்டுக்கொண்டுள்ளார்.
News July 31, 2024
காங்கிரஸ் மாநில தலைவர் வருகை
சின்னசேலம் பகுதியில் உள்ள தனியார் மகாலில் வரும் ஆகஸ்ட் 9-ஆம் தேதி அன்று கள்ளக்குறிச்சி மாவட்ட காங்கிரஸ் கமிட்டி செயல்வீரர்கள் கலந்தாய்வு கூட்டம் நடைபெற உள்ளது. இந்த கலந்தாய்வு கூட்டத்தில் தமிழ்நாடு காங்கிரஸ் கமிட்டி தலைவர் செல்வ பெருந்தகை கலந்து கொண்டு சிறப்புரையாற்ற உள்ளதாக தமிழ்நாடு காங்கிரஸ் கமிட்டி சார்பில் இன்று அறிவிக்கப்பட்டுள்ளது.
News July 31, 2024
இரவு 10 மணி வரை மழைக்கு வாய்ப்பு
மேற்கு திசை காற்றின் வேகமாறுபாடு காரணமாக தமிழகத்தில் இன்று 18 மாவட்டங்களில் இடி மற்றும் மின்னலுடன் லேசானது முதல் மிதமானது வரை மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, கள்ளக்குறிச்சி மாவட்டத்தில் இரவு 10 மணி வரை இடி, மின்னலுடன் மழை பெய்யக்கூடும் என தெரிவித்துள்ளது.
News July 31, 2024
2 பேர் கட்சியிலிருந்து நீக்கி உத்தரவு
கள்ளக்குறிச்சி சட்டமன்ற தொகுதி விசிக துணை அமைப்பாளர் பொன்னுசாமி (எ) தமிழ்பொன்னி, மாவட்ட மகளிர் விடுதலை இயக்கத் துணை அமைப்பாளர் பவளக்கொடி ஆகிய இருவரும் தொடர்ந்து கட்சிக்கு எதிராக செயல்பட்டு முகநூல் மற்றும் சமூக வலைத்தளங்களில் தவறான தகவல்களை பரப்பி வந்தனர். இவர்கள் மீது கட்சி ஒழுங்கு நடவடிக்கை எடுத்து இருவரையும் கட்சியிலிருந்து நீக்கி மாவட்ட செயலாளர் மதியழகன் இன்று உத்தரவிட்டுள்ளார்.
Featured News
Sorry, no posts matched your criteria.