India's largestHyperlocal short
news App
Get daily news updates that are tailored for you based on your preferred language & location.
download Way2News app now
Erode
News February 24, 2025
நம்பியூரில் தற்கொலைக்கு முயன்ற பெண் பலி
நம்பியூர் அடுத்துள்ள குருமந்தூரைச் சேர்ந்தவர் ரேவதி (37). இவரது கணவர் குணசேகரன் கூலித் தொழிலாளி. இவர்களுக்கு 2 ஆண் குழந்தைகள் உள்ளனர். குணசேகரன் மது குடிக்கும் பழக்கத்தால் கணவன், மனைவிக்கிடையே அடிக்கடி தகராறு ஏற்பட்டு வந்துள்ளது. இந்த நிலையில், நேற்று முன்தினம் ரேவதி, வீட்டில் வைத்திருந்த பிரசர் மாத்திரைகளை அதிக அளவில் சாப்பிட்டு தற்கொலைக்கு முயன்றார். இவர் சிகிச்சை பலனின்றி உயிரிழந்தார்.
News February 24, 2025
பைக் – லாரி மோதி ஒருவர் பலி
சத்தி, டி.ஜி புதூர் நால்ரோட்டை சேர்ந்த சஞ்சய் (23), என்பவர் புளியம்பட்டி உள்ள தனது நண்பரை பார்த்து விட்டு பைக்கில் வீட்டிற்கு திரும்பி வரும் பொழுது செண்பகப்புதூர் அருகே கோவை – சத்தி தேசிய நெடுஞ்சாலையில் எதிர்பாராத விதமாக லாரியும் – பைக்கும் மோதியதில் படுகாயமடைந்தார். ஆம்புலன்ஸ் மூலம் சத்தி அரசு மருத்துவமனைக்கு அனுப்பி வைத்தனர். அங்கு சஞ்சய் சிகிச்சை பலனின்றி உயிரிழந்தார். லாரி ஓட்டுனரிடம் விசாரணை.
News February 23, 2025
தாளவாடி அருகே குட்டையில் விழுந்து மூதாட்டி உயிரிழப்பு
தாளவாடி அருகே இக்கலூர் குட்டையில் அடையாளம் தெரியாத பெண் இறந்து கிடப்பதாக தாளவாடி காவல் துறையினருக்கு தகவல் கிடைத்தது. சம்பவ இடத்திற்கு சென்று உடலை கைப்பற்றிய காவல்துறையினர் உடலை சத்தி அரசு மருத்துவமனைக்கு அனுப்பி வைத்தனர். மேலும் விசாரணையில் அவர் தாளவாடி அக்ரஹாரம் பகுதியை சேர்ந்த நாகலட்சுமி(64) என்பது தெரியவந்தது. இது குறித்து ஆசனூர் காவல்துறையினர் வழக்கு பதிவு செய்து விசாரணை நடத்தி வருகின்றனர்.
News February 23, 2025
பச்சமலை முருகன் கோயில்!
ஈரோடு, கோபிச்செட்டிபாளையத்தில் உள்ள பச்சமலை என்ற சிறிய குன்றில், புகழ்பெற்ற சுப்பிரமணியசுவாமி கோயில் உள்ளது. வேண்டுவோருக்கு, வேண்டுவன தந்து, அருள்பாளிக்கும் இளம் குமரனை, துர்வாச முனிவர் பிரதிஷ்டை செய்தாராம். அனைத்து தடைகளையும் போக்கும் சர்வ வல்லமை கொண்ட, பச்சமலை முருகனை வழிபட்டால், திருமணமாகி, நீண்ட நாட்களாக குழந்தைப்பெறு கிட்டாமல் இருப்பவர்களுக்கு, நிச்சயம் குழந்தை வரம் கிடைக்குமாம்.
News February 23, 2025
ஆடுகளுக்கான இழப்பீட்டு தொகை: அமைச்சர் பதில்
தெருநாய் மற்றும் விலங்குகளிடம் இருந்து ஆடுகள் மற்றும் கால்நடைகள் பாதிக்கப்படுவதை தடுக்க, மாதிரி கால்நடை பட்டி, ஈரோடு பெரியார் நகரில் அமைக்கப்பட்டிருந்தது. அதன் பாதுகாப்பு அம்சம் குறித்தும், ஆடு வளர்ப்பாளர்களுக்கு இந்த பட்டி பயன் உள்ளதாக இருக்குமா? என்பது குறித்தும், அமைச்சர் சு.முத்துசாமி நேற்று நேரில் பார்வையிட்டு ஆய்வு செய்தார். பின் விரைவில் கால்நடைக்கான இழப்பீட்டு தொகை வழங்கப்படும் என்றார்.
News February 23, 2025
பெண்கள் ரயில் பெட்டியில் ஏறிய 47 பேர் கைது
ஈரோடு, தமிழகம் முழுவதும் அனைத்து ரயில்வே ஸ்டேஷன்களிலும், ரயில்கள் வந்து நின்றதும் பெண்கள் பெட்டியில் பாதுகாப்பை உறுதி செய்திடவும், பெண்களுக்கான பிரத்யேக பெட்டியில் பயணிக்கும் ஆண்களை கைது செய்திட, ரயில்வே டி.ஜி.பி., வன்னியபெருமாள் உத்தரவிட்டார். இதன்படி ஈரோடு ரயில்வே ஸ்டேஷனில், பெண்கள் பெட்டியில் ஏறி பயணித்த, 47 ஆண்களை கைது செய்துள்ளதாக, ஈரோடு ரயில்வே போலீசார் தெரிவித்தனர்.
News February 23, 2025
வண்டல் மண், களி மண் இலவசமாக எடுத்துச் செல்லலாம்
ஈரோடு மாவட்டத்தில் உள்ள 380 நீர்நிலைகளிலிருந்து வண்டல் மண்ணை விவசாய பணிகளுக்காக, இலவசமாக எடுத்துச் செல்ல அனுமதி வழங்குவது குறித்து, ஈரோடு மாவட்ட அரசிதழ்களில் பிரசுரம் வெளியிடப்பட்டுள்ளது. இந்த நீர்நிலைகளிலிருந்து விவசாய பயன்பாட்டிற்காக வண்டல் மண்ணை இலவசமாக எடுத்துச் செல்ல விவசாயிகள் விண்ணப்பிக்கலாம். வண்டல் மண் எடுக்க சம்பந்தப்பட்ட வட்டாட்சியர்களே இணைய வழியில் அனுமதி வழங்க ஆணை பிறப்பிக்கப்பட்டது.
News February 23, 2025
அந்தியூா் அருகே சிறுத்தை நடமாட்டம்
அந்தியூரை அடுத்த கோவிலூர், கிராமத்தைச் சேர்ந்தவர் தங்கராசு, இவா்,தனது கரும்புத் தோட்டத்துக்கு உரமிட சென்றபோது குட்டியுடன் சிறுத்தை படுத்திருந்தது. இதைக் கண்டு அதிர்ச்சியடைந்த தங்கராசு, அங்கிருந்து தப்பியோடி கிராம மக்களிடம் தெரிவித்துள்ளாா். இதனைத் தொடா்ந்து சிறுத்தை நடமாட்டம் உள்ள பகுதியில் இரு இடங்களில் கண்காணிப்பு கேமராக்கள் பொருத்த வனத்துறை நேற்று நடவடிக்கை மேற்கொண்டு கண்காணித்து வருகின்றனர்.
News February 22, 2025
மொடக்குறிச்சி அருகே பெண்ணிடம் தாலிக்கொடி பறிப்பு
மொடக்குறிச்சி அடுத்த சின்னியம்பாளையம் பகுதியை சேர்ந்த காஞ்சனா 58. இவர் மொடக்குறிச்சி சென்று விட்டு, நேற்று இரவு 9 மணி அளவில் பட்டறை பேருந்து நிறுத்தத்தில் இறங்கி, நடந்து சென்றுகொண்டிருந்தார். அப்போது பைக்கில் ஹெல்மெட் அணிந்து வந்த மர்ம நபர், தாலிக்கொடியை பறிக்க முயன்றார். காஞ்சனா விடாமல் போராடியதில் கொடி தப்பியது. ஒரு பவுன் உள்ள தாலியுடன் தப்பிய மர்ம நபரை, மொடக்குறிச்சி போலீசார் தேடி வருகின்றனர்.
News February 22, 2025
ஈரோடு ஜோலார்பேட்டை ரயில் திருப்பத்தூர் வரை இயக்கம்
ஈரோட்டில் இருந்து ஜோலார்பேட்டைக்கு தினமும் காலை 6 மணிக்கு முன்பதிவு இல்லாத ரயில் (56108) இயக்கப்பட்டு வருகிறது. இந்த ரயில் பிப்.23, 25, மார்ச்.1, 2 ஆகிய நாட்களில் திருப்பத்தூர் வரை இயக்கப்படும். இதேபோல் ஜோலார்பேட்டை – ஈரோடு ரயில் (56107) அதே நாட்களில் திருப்பத்தூரில் இருந்து புறப்படும் என்றும், திருப்பத்தூர் – ஜோலார்பேட்டை இடையே ரத்து செய்யப்படுகிறது என்றும், ரயில்வே அதிகாரிகள் தெரிவித்துள்ளனர்.
Featured News
Sorry, no posts matched your criteria.