• Download our app

Dindigul

News April 10, 2024

வேளாண்பணி அனுபவ திட்ட மாணவர்கள் வாக்காளர் விழிப்புணர்வு

image

நத்தம் அருகேயுள்ள ஆவிச்சிபட்டியில் பெரியகுளம் தோட்டக்கலை மற்றும் ஆராய்ச்சி நிலைய மாணவர்களின் கிராமப்புற வேளாண் பணி அனுபவத்திட்டத்தின் கீழ் வாக்காளர் விழிப்புணர்வு கூட்டம் நேற்று நடைபெற்றது. இதில் 100 சதவீதம் வாக்களிக்க வலியுறுத்தியும் ஜனநாயகக் கடமையை வாக்களித்து நிலைநாட்டிடவும் விவசாயிகளிடம் விழிப்புணர்வு ஏற்படுத்தப்பட்டது. இதில் அப்பகுதியைச் சேர்ந்த விவசாயிகள் கலந்து கொண்டு பயனடைந்தனர்.

News April 9, 2024

திண்டுக்கல் மறை மாவட்ட ஆயருடன் சந்திப்பு

image

திண்டுக்கல் மறைமாவட்ட ஆயர் தாமஸ் பால்சாமியை முன்னாள் அமைச்சர்கள் திண்டுக்கல் சீனிவாசன், நத்தம் விசுவநாதன் உள்ளிட்டோர் இன்று மரியாதை நிமித்தமாக சந்தித்து வாக்கு சேகரித்தனர். எஸ்டிபிஐ கட்சி வேட்பாளர் முகம்மது முபாரக்கிற்கு , தங்களுடைய முழு ஆதரவையும் இரட்டை இலை சின்னத்துக்கு தருமாறு கேட்டுக்கொண்டனர்.

News April 9, 2024

வாக்கு எண்ணிக்கை மையத்தில் ஆய்வு

image

 திண்டுக்கல் முத்தனம்பட்டியில் உள்ள அண்ணா பல்கலைக்கழக பொறியியல் கல்லூரியில் மேற்கொள்ளப்பட்டு வரும் முன்னேற்பாடு பணிகள் மற்றும் பாதுகாப்பு ஏற்பாடுகளை மாவட்ட தேர்தல் அலுவலரும் ஆட்சியருமான  பூங்கொடி, இன்றுநேரில் பார்வையிட்டு ஆய்வு மேற்கொண்டார்.

News April 9, 2024

திண்டுக்கல்: பிரச்சார மேடையால் பாதிப்பு

image

திண்டுக்கல்லில் உள்ள மணிக்கூண்டில் எடப்பாடி பழனிச்சாமி இன்று எஸ்டிபி கட்சி வேட்பாளர் முகமது முபாரக்கை ஆதரித்து பிரச்சாரம் மேற்கொள்கிறார். இந்நிலையில், அதிமுக சார்பில் போடப்பட்ட மேடையால் போக்குவரத்து கடும் பாதிப்பு ஏற்பட்டுள்ளது. இதனால், வாகன ஓட்டிகள் கடும் சிரமத்திற்கு ஆளாகி வருகின்றனர். 

News April 9, 2024

திண்டுக்கல்: 6 கால்களுடன் பிறந்த கன்று குட்டி

image

பழனி தும்மலப்பட்டி கிராமத்தைச் சேர்ந்தவர்  சக்திவேல். இவர் வளர்த்து வந்த பசுமாடு ஒன்று கன்று ஈன்றது. கன்று ஈனுவதற்கு பசுமாடு சிரமப்பட்ட நிலையில், விரைந்து வந்த கால்நடை மருத்துவர் அளித்த சிகிச்சையால் இன்று பசுமாடு சிரமம் இன்றி கன்றை ஈன்றது. ஆனால், கன்று 6 கால்களுடன் பிறந்ததை பார்த்த அப்பகுதி மக்கள் ஆச்சர்யமடைந்தனர் . இந்த அதிசய கன்று குட்டி மக்கள் பார்வையிட்டு வருகின்றனர். 

News April 9, 2024

கொடை வன சுற்றுலா தலத்தில் செல்பி பாயின்ட்

image

கொடைக்கானலில் சில ஆண்டாக சுற்றுலாப் பயணிகளை ஈர்க்கும் விதமாக தூண் பாறை பகுதியில் 3டி யானை, மோயர் சதுக்கத்தில் காட்டுமாடு உருவங்கள் அமைக்கப்பட்டுள்ளன. இது சுற்றுலா பயணிகளிடையே வரவேற்பை பெற்றது. தற்போது தூண் பாறையில் மேலும் மெருகேற்றும் விதமாக ஐ லவ் பாரஸ்ட் கொடைக்கானல் என்ற வாசகத்துடன் செல்பி பாயின்ட் அமைக்கும் பணியை வனத்துறையினர் மேற்கொண்டு வருகின்றனர்.

News April 9, 2024

கொடைக்கானல் மேல்மலை வனப்பகுதியில் காட்டுத்தீ

image

கொடைக்கானல் மேல்மலை வனப்பகுதியில் காட்டடுத்தீ பற்றி எரிந்து வருகிறது. பூப்பாறை, மன்னவனூர் வனச்சரக எல்லையான பாரிக்கோம்பை வனப்பகுதியில் திடீர் காட்டுத்தீ ஏற்பட்டது. வெம்பாடி பகுதிக்கு காட்டுத்தீ பரவாமல் தடுக்கும் முயற்சியில் வனத்துறையினர் ஈடுபட்டு வருகின்றனர். காட்டுத்தீ காரணமாக நூற்றுக்கணக்கான ஏக்கர் பரப்பளவில் மூலிகைச்செடிகள், மரங்கள் எரிந்து நாசமாகியது.

News April 9, 2024

ரூ.3,31 கோடி பறிமுதல்

image

திண்டுக்கல் மாவட்டத்தில் தேர்தல் பறக்கும் படையினரால் ரொக்கப்பணம் , தங்கம் மற்றும் வெள்ளி ஆபரணங்கள், மதுபானங்கள் என மொத்தம் ரூ.3,31 கோடி பணம் மற்றும் பொருட்கள் கைப்பற்றப்பட்டுள்ளன. அதில் உரிய ஆவணங்கள் ஒப்படைக்கப்பட்டதையடுத்து ரூ.8.77 லட்சம் மதிப்பிலான பணம் விடுவிக்கப்பட்டது என  மாவட்ட ஆட்சியர் பூங்கொடி தெரிவித்துள்ளார்.

News April 8, 2024

கொடைக்கானலில் துணை ராணுவப்படை  அணிவகுப்பு

image

கொடைக்கானலில் துணை ராணுவப் படையினர் மற்றும் தமிழ்நாடு காவல்துறையினர் இணைந்து ஒத்திகை மற்றும் கொடி அணிவகுப்பு இன்று நடத்தினர். நாயுடுபுரம் பகுதியில் தொடங்கிய அணிவகுப்பு ஏரிச்சாலை , கலையரங்கம் பகுதி , பேருந்து நிலையம் அண்ணா சாலை உள்ளிட்ட முக்கிய சாலைகள் வழியாக சென்று மூஞ்சிக்கல் பகுதியில் நிறைவடைந்தது. இந்த ஊர்வலத்தில் 100% வாக்களிக்க வேண்டும் எனவும் விழிப்புணர்வு ஏற்படுத்தினர்.

News April 8, 2024

ஒட்டன்சத்திரம்: ரமலான் நோன்பு திறப்பு

image

திண்டுக்கல் மாவட்டம் ஒட்டன்சத்திரத்தில் ரமலான் நோன்பு திறக்கும் நிகழ்ச்சி இன்று நடைபெற்றது. நிகழ்ச்சியில் சிறப்பு விருந்தினராக ஊரக வளர்ச்சி அமைச்சர் ஐ.பெரியசாமி மற்றும் உணவுத்துறை அமைச்சர் சக்கரபாணி உள்ளிட்டோர் கலந்து கொண்டு சிறப்புரையாற்றினர். உடன் ஜமாத்தார்கள் மற்றும் திமுக கட்சி நிர்வாகிகள் கலந்து கொண்டனர்.

Featured News

Sorry, no posts matched your criteria.

↑