India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News April 15, 2024
திண்டுக்கல் மாவட்டத்தில் 2679 தபால் வாக்குகள்
திண்டுக்கல் மாவட்டத்தைச் சோ்ந்த காவல் துறையினா், ஊா்க் காவல் படையினா் உள்பட 2,679 பேருக்கு தபால் வாக்குரிமை அளிக்கப்பட்டது. இந்த 2,679 போ் வாக்குப் பதிவு நாளன்று வெவ்வேறு சட்டப் பேரவைத் தொகுதிகளில் பணியமா்த்தப்படுவார்கள் என்பதால் தபால் வாக்கு செலுத்த ஏற்பாடு செய்யப்பட்டது. நுண்பாா்வையாளா்களும் தங்களது தபால் வாக்குகளை நேற்று பதிவு செய்தனா். இந்தப் பணியினை மாவட்ட ஆட்சியர் ஆய்வு செய்தார்.
News April 14, 2024
திண்டுக்கல் மாவட்டத்தில் மழை
தென் இந்தியப்பகுதிகளின் மேல் வளிமண்டல கீழடுக்குகளில், காற்றின் திசை மாறுபடும். இதன் காரணமாக தமிழகத்தில் சில இடங்களில் மிதமான மழை பெய்ய வாய்ப்புள்ளதாக தெரிவிக்கப்பட்டது. இந்நிலையில் அடுத்த 3மணி நேரத்தில் (மாலை 7மணி வரை) திண்டுக்கல் மாவட்டத்தில் மழை பெய்ய வாய்புள்ளதாக சென்னை வானிலை ஆய்வு மையம் தகவல் தெரிவித்துள்ளது.
News April 14, 2024
திண்டுக்கல் அருகே விபத்து: ஒருவர் பலி
திண்டுக்கல் அடுத்த தாடிக்கொம்பு மல்வாா்பட்டி சிக்கையகவுண்டனூரைச் சோ்ந்தவா் வெ. வடிவேல் (33). இவர் வேடசந்தூா் பகுதியிலுள்ள தனியாா் நூற்பாலையில் பணிபுரிந்து வருகிறாா். இவர் தனது இருசக்கர வாகனத்தில் வேடசந்தூரிலிருந்து தாடிக்கொம்பு நோக்கி சனிக்கிழமை சென்று கொண்டிருந்தாா். அப்போது இரு சக்கர வாகனத்தின் மீது அவ்வழியாக வந்த வேன் மோதியது.இதில் வேனில் பயணித்த தேவராஜ் சம்பவ இடத்திலேயே உயிரிழந்தாா்.
News April 14, 2024
தபால் வாக்கு செலுத்திய ஆசிரியா்கள்
திண்டுக்கல் மக்களவைத் தொகுதியில் உள்ள ஒட்டன்சத்திரம் சட்டப்பேரவைத் தொகுதியில் தோ்தல் பணியாற்ற உள்ள வெளி மாவட்டங்களைச் சோ்ந்த தோ்தல் அதிகாரிகள், ஆசிரியா்கள் தங்களது தபால் வாக்குகளை பதிவு செய்ய ஒட்டன்சத்திரம் தனியாா் பொறியியல் கல்லூரியில் வாக்குச்சாவடி மையம் அமைக்கப்பட்டது. இதில் தோ்தல் அதிகாரிகள்,ஆசிரியா்கள் தங்களது தபால் வாக்குகளை நேற்று பதிவு செய்தனர்.
News April 13, 2024
திண்டுக்கல் மாவட்டத்தில் மழைக்கு வாய்ப்பு
தமிழகத்தில் கடந்த சில நாட்களாகவே வெயிலின் தாக்கம் அதிகரித்து காணப்பட்டது. இந்த நிலையில், திண்டுக்கல், சிவகங்கை, ராம்நாடு, நாமக்கல், நீலகிரி, திருச்சி, பெரம்பலூர், சேலம், கரூர், மதுரை, தேனி, விருதுநகர், தென்காசி, புதுக்கோட்டை மற்றும் நெல்லை ஆகிய 15 மாவட்டங்களில் இன்று மாலை 7 மணி வரை இடி, மின்னலுடன் கூடிய லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
News April 13, 2024
திண்டுக்கல் அருகே விபத்து: இருவர் பலி
திண்டுக்கல் மாவட்டம் நிலக்கோட்டை, மல்லனம்பட்டி அருகே பூ விவசாயிகள் ராசு, காசிராஜன் ஆகிய இருவரும் இன்று இருசக்கர வாகனத்தில் நிலக்கோட்டை பூ மார்க்கெட்டிற்கு பூ கொண்டு சென்றனர். அப்போது மதுரையை சேர்ந்த முகமது பைசல் என்பவர் ஓட்டி வந்த கார் இருசக்கரம் மீது மோதியதில் பூ விவசாயிகள் ராசு, காசிராஜன் ஆகிய இருவரும் உயிரிழந்தனர். இது குறித்து நிலக்கோட்டை போலீஸார் விசாரணை நடத்தி வருகின்றனர்.
News April 13, 2024
3 நாட்கள் விடுமுறை அறிவிப்பு
திண்டுக்கல் மாவட்டத்தில் தமிழ்நாடு மதுபானம் உரிமம் மற்றும் அனுமதி சட்டம் 1981 இன் கீழ் உரிமம் பெற்று இயங்கி வரும் எப்.எல்.1 உரிமம் பெற்ற டாஸ்மாக் சில்லரை விற்பனை மதுக்கடைகள் மற்றும் அதனுடன் இணைந்த மதுக்கூடங்கள், ஏப்.21 ஆம் தேதி மகாவீர் ஜெயந்தி மற்றும் மே. 1ஆம் தேதி மூடப்படும் என திண்டுக்கல் கலெக்டர் அறிவித்துள்ளார்.
News April 13, 2024
திண்டுக்கல்: ஆட்சியர் கடும் எச்சரிக்கை
மகாவீர் ஜெயந்தி தினம் (21.04.2024) மற்றும் மே தினம் (1.05.2024) ஆகிய நாட்களில் டாஸ்மாக் சில்லரை விற்பனை மதுக்கடைகள் மற்றும் அதனுடன் இணைந்த மதுக்கூடங்கள் மூடப்பட்டு, மதுபானங்கள் விற்பனை செய்யப்படமாட்டாது. மேலும், அன்றைய தினத்தில் விதிகளுக்கு மாறாக மது விற்பனை செய்வது ஏதும் கண்டறியப்பட்டால் கடுமையான நடவடிக்கை மேற்கொள்ளப்படும் என மாவட்ட ஆட்சியர் பூங்கொடி எச்சரிக்கை விடுத்துள்ளார்.
News April 12, 2024
இந்தியா கூட்டணி சார்பில் பொதுக்கூட்டம்
திண்டுக்கல் மணிக்கூண்டு அருகே சிபிஎம் வேட்பாளர் சச்சிதானந்தத்தை ஆதரித்து சிபிஎம்-இன் அகில இந்திய பொதுச்செயலாளர் சீதாராம் யெச்சூரி தலைமையில் பிரச்சார பொதுக்கூட்டம் இன்று நடைபெற்றது. இந்த நிகழ்ச்சியில் திமுக துணை பொதுச்செயலாளர் பெரியசாமி மற்றும் கூட்டணி கட்சியினர் கலந்து கொண்டனர்.
News April 12, 2024
பழனி: கோயில் உண்டியலில் 5.29 கோடி ரூபாய்
பழனி முருகன் கோயிலில் ஒரு மாதமாக பக்தர்கள் செலுத்திய உண்டியல் காணிக்கை இன்று எண்ணப்பட்டது. மலை மீது உள்ள மண்டபத்தில் ஏப்ரல் 8ஆம் தேதி மற்றும் இன்று என இரண்டு கட்டமாக உண்டியலில் எண்ணிக்கை நடந்தது. ரொக்கம் ரூ.5,29 கோடி, தங்கம் 1196 கிராம், வெள்ளி 21,783 கிராம் , சிங்கப்பூர் மலேசியா போன்ற வெளிநாட்டு கரன்சிகள் 717 கிடைத்துள்ளது.
Featured News
Sorry, no posts matched your criteria.