Dharmapuri

News January 4, 2025

வாணியாறு அணைக்கு சிறந்த அணை பராமரிப்பு விருது

தமிழ்நாடு நீர்வளத்துறையின் மூலம் சிறந்த முறையில் பராமரிக்கப்பட்ட 6 அணைகளுக்கான “சிறந்த அணை பராமரிப்பு” விருது வழங்கும் நிகழ்ச்சி நேற்று(ஜன 3) நடைபெற்றது. இந்த விழாவில் நீர்வளத்துறை அமைச்சர் துரைமுருகன் கலந்து கொண்டு சிறந்த 6 அணைகளுக்கு விருதுகளை வழங்கினார். இதில், பாப்பிரெட்டிப்பட்டி அடுத்த வாணியாறு அணைக்கு 2019-2020 ஆம் ஆண்டிற்கான சிறந்த அணை பராமரிப்பு விருது வழங்கப்பட்டது.

News January 4, 2025

புகையிலைப் பொருட்கள் விற்ற 150 கடைகளுக்கு சீல்

தருமபுரி மாவட்டத்தில் புகையிலை பொருட்கள் விற்பனை செய்வதை தடுக்க பல்வேறு முயற்சிகளை மாவட்ட நிர்வாகம் செய்து வருகிறது. அதன்படி 2024ஆம் ஆண்டில் எடுத்த நடவடிக்கையால் மாவட்டம் முழுவதும் 150 கடைகளுக்கு சீல் வைக்கப்பட்டுள்ளது. மேலும், அந்த கடைகளுக்கு ரூ 25 ஆயிரம் முதல் ரூ.50 ஆயிரம் வரை அபராததும் விதிக்கப்பட்டுள்ளதாக மாவட்ட உணவு பாதுகாப்பு துறை நியமன அலுவலர் பானு சுஜாதா தெரிவித்துள்ளார்.

News January 3, 2025

தருமபுரி மாவட்ட காவல்துறை முக்கிய அறிவிப்பு

தருமபுரி மாவட்ட காவல்துறை சார்பில் இன்று (ஜன.3) சமூக வலைதள பதிவில், பண பரிவர்தனைகளுக்கு public Wi-Fi பயன்படுத்துவதை தவிர்க்கவும், இரு அடுக்கு பாதுகாப்பு (two factor authentication) முறையை enable செய்யவும், auto connection முறையை off செய்யவும் எனவும் அறிவுறுத்தப்பட்டுள்ளது. சைபர் குற்றங்களுக்கு www.cybercrime.gov in அல்லது 1930 என்ற எண்ணிற்கு புகைரளிக்கலாம் என தெரிவிக்கப்பட்டுள்ளது.

News January 3, 2025

தருமபுரி இளைஞர்களுக்கு மாவட்ட ஆட்சியர் அறிவிப்பு

விமானப்படையில் GB’Y’ (Med asst including pharmacist) பணிக்கு விண்ணப்பிக்க தகுதியான நபர்களுக்கு ராணுவ ஆட்சேர்ப்பு மையம் கொச்சியில் open recruitment rally நடைபெறவுள்ளது. இது 28.1.25 முதல் 06.2.25 வரை மகாராஜா காலேஜ் ஸ்டேடியம், கொச்சியில் நடைபெற உள்ளது. இதில்10, +2, டிப்ளமோ/BSC Phamacy படித்தவர்கள் medical assistant பணிக்கான முகாமில் கலந்து கொள்ளுமாறு ஆட்சியர் தெரிவித்துள்ளார்.

News January 3, 2025

வாக்காளர் பட்டியல் வெளியிடுவது தொடர்பான ஆய்வுக் கூட்டம்

தருமபுரி மாவட்ட ஆட்சியர் அலுவலக கூட்டரங்கில் வாக்காளார் பட்டியல் பார்வையாளர் ஆனந்தகுமார் தலைமையில், மாவட்ட தேர்தல் அலுவலர் மற்றும் மாவட்ட ஆட்சியர்.சாந்தி முன்னிலையில் இறுதி வாக்காளர் பட்டியல்-2025 வெளியிடுவது தொடர்பான ஆய்வுக் கூட்டம் இன்று (03.01.2025) நடைபெற்றது. உடன் கூடுதல் ஆட்சியர் கௌரவ்குமார், மாவட்ட வருவாய் அலுவலர் கவிதா மற்றும் அரசு அலுவலர்கள் கலந்து கொண்டனர்.

News January 3, 2025

பொங்கல் பரிசு தொகுப்பு குறித்து புகார் அளிக்கலாம்

தருமபுரி மாவட்டத்தில் இன்று முதல் ஜனவரி 9ஆம் தேதி வரை பொங்கல் பரிசுத்தொகுக்கு டோக்கன் வினியோகம் செய்யும் பணி தொடங்கப்பட்டுள்ளது. இந்நிலையில் பொங்கல் பரிசு குறித்து குடும்ப அட்டைதாரர்கள் புகார் தெரிவிக்க மாவட்ட ஆட்சியர் அலுவலகத்தில் செயல்படும் மாவட்ட கட்டுப்பாட்டு அறை கட்டணமில்லா தொலைபேசி எண்களான 1967,1800 425 5901,1077, 04342 233299-ஐ தொடர்பு கொள்ளலாம் என ஆட்சியர் அறிவித்துள்ளார். ஷேர் பண்ணுங்க.

News January 3, 2025

தருமபுரி மாவட்டத்தில் பொங்கல் பரிசு வழங்கல்

தமிழ்நாடு முதலமைச்சர் ஆணையின்படி, தமிழர் திருநாள் தைப்பொங்கல் 2025- ஐ தமிழர்கள் சிறப்பாக கொண்டாடும் விதமாக தருமபுரி மாவட்டத்தில் உள்ள 4,70,297 அரிசி பெறும் குடும்ப அட்டைதாரர்களுக்கும் மற்றும் 761 இலங்கை தமிழர் மறுவாழ்வு முகாம்களில் வசிக்கும் குடும்பங்களுக்கும் பொங்கல் பரிசாக தலா 1 கிலோ பச்சரிசி, 1கிலோ சர்க்கரை மற்றும் ஒரு முழு கரும்பு வழங்கப்பட உள்ளதாக தருமபுரி மாவட்ட ஆட்சியர் சாந்தி தெரிவித்தார்.

News January 3, 2025

நெல் பயிருக்கு காப்பீடு செய்ய 31ம் தேதி கடைசி நாள்

தர்மபுரி வேளாண் இணை இயக்குனர் மரிய ரவி ஜெயக்குமார் நேற்று (ஜன 02)வெளியிட்டுள்ள செய்தி குறிப்பில், நடப்பாண்டு ராபி பருவத்தில் நெல் – 3 நவரை சாகுபடி செய்துள்ள அனைத்து விவசாயிகள் தர்மபுரி, கிருஷ்ணாபுரம், நல்லம்பள்ளி, இண்டூர், காரிமங்கலம், வெள்ளிச்சந்தை உள்ளிட்ட பகுதிகளில் 1 ஏக்கருக்கு 556.26 ரூபாயை ஜனவரி 31ஆம் தேதிக்குள் செலுத்தி காப்பீடு செய்து பயன்பெறலாம் என தெரிவித்துள்ளார்.

News January 3, 2025

பாலக்கோடு அடுத்த சின்னாறு அணையிலிருந்து நீர் திறப்பு

தருமபுரி மாவட்டம், பாலக்கோடு வட்டம், பஞ்சப்பள்ளி கிராமம் சின்னாறு நீர்த்தேக்கத்திலிருந்து 2024-25 ஆம் (பசலி 1434) ஆண்டிற்கு விவசாய நிலம் பாசனத்திற்காக மாவட்ட ஆட்சித்தலைவர் கி.சாந்தி மற்றும் பாலக்கோடு சட்டமன்ற உறுப்பினர் கே.பி.அன்பழகன் இன்று (ஜன 3) விவசாயிகள் பாசனம் பெறும் வகையில் காலை 9.30 மணி தண்ணீர் திறந்து வைக்க உள்ளனர்.

News January 3, 2025

தருமபுரி மாவட்ட அளவிலான மிதிவண்டி போட்டி

தமிழ்நாடு விளையாட்டு மேம்பாட்டு ஆணையம் சார்பில் தருமபுரி மாவட்ட அளவிலான விளையாட்டுப் போட்டிகள் அறிவிக்கப்பட்டுள்ளது. எனவே, நாளை(ஜன 4) காலை 7 மணிக்கு ஸ்ரீ விஜய் வித்யாலயா ஆண்கள் மெட்ரிக் பள்ளி பேருந்து நிறுத்தம் அருகில் இருந்து 15 கிலோமீட்டர், 20 கிலோ மீட்டர் சைக்கிள் பந்தயம் நடைபெறுகிறது. வெற்றி பெருபவர்களுக்கு முதல் பரிசு ரூ 5000, 2ஆம் பரிசு ரூ 3000, 3ஆம் பரிசு ரூ.2000 என அறிவிக்கப்பட்டுள்ளது.

…

102

…

Featured News

Sorry, no posts matched your criteria.

error: Content is protected !!

↑