• Download our app

Cuddalore

News April 13, 2024

பாஜக மீது கடும் தாக்கு – திருமாவளவன்

image

சிதம்பரம் நாடாளுமன்ற தேர்தலில் விடுதலை சிறுத்தைகள் கட்சியின் வேட்பாளர் தொல். திருமாவளவன், அம்பேத்கர் இயற்றி தந்த அரசியலமைப்புச் சட்டத்தை ஒழிப்பது தான் மோடி அரசும் இலக்காக உள்ளது. இதனை வெளிப்படையாகவே பாஜகவை சேர்ந்த தலைவர்கள் தேர்தல் பிரச்சாரத்தின் பல இடங்களில் தெரிவித்து வருகின்றனர். இதை முறியடித்து சமூக நீதி காக்க வேண்டும் என்று பேசியுள்ளார்.

News April 13, 2024

4 நாட்கள் டாஸ்மாக் மூடல்

image

கடலூர் மாவட்ட ஆட்சியர் அருண் தம்புராஜ் வெளியிட்டுள்ள செய்திக்குறிப்பில் லோக்சபா தேர்தலை முன்னிட்டு தமிழ்நாடு அரசு மதுபான சில்லறை விற்பனை கடைகள் மற்றும் மதுபானக் கூடங்கள் அனைத்தும் வரும் 17 ஆம் தேதி முதல் வாக்குப்பதிவு நாள் 19 ஆம் தேதி மற்றும் வாக்கு எண்ணும் நாளான ஜூன் 4 ஆம் தேதி ஆகிய 4 நாட்கள் மூடப்படுகிறது. இதனை மீறி மதுபானம் விற்கும் கடைகள் மீது கடும் நடவடிக்கை எடுக்கப்படுமென கூறப்பட்டுள்ளது.

News April 12, 2024

கடலூர் மாவட்டத்தில் இன்று இரவு ரோந்து பணி

image

கடலூர் மாவட்டத்தில் தினமும் இரவு ரோந்து பணி மேற்கொள்ளப்பட்டு வருகிறது. அந்த வகையில் இன்று (12/04/2024) இரவு கடலூர் உதவி ஆய்வாளர் கதிரவன், சிதம்பரம் உதவி ஆய்வாளர் பரணிதரன், விருத்தாச்சலம் உதவி ஆய்வாளர் சிவராமன், நெய்வேலி காவல் ஆய்வாளர் சந்திரன் மற்றும் பண்ருட்டியில் காவல் ஆய்வாளர் கண்ணன் ஆகியோர் ரோந்து பணி மேற்கொள்ள உள்ளதாக கடலூர் மாவட்ட காவல்துறை சார்பில் தெரிவிக்கப்பட்டுள்ளது.

News April 12, 2024

கடலூரில் உறுதிமொழி

image

கடலூர் மாவட்ட காவல் அலுவலகத்தில் மாவட்ட காவல் கண்காணிப்பாளர் இராஜாராம் தலைமையில் சமத்துவ நாள் உறுதிமொழி மேற்கொள்ளப்பட்டது. சாதி வேறுபாடுகள் கலைந்து சட்டத்தை வகுத்து தந்த அண்ணல் அம்பேத்கர் பிறந்த நாளில் சாதி வேறுபாடுகள் ஏதுமில்லாத சமத்துவ சமுதாயத்தை அமைக்க அனைவரும் பாடுபடுவோம் என உறுதிமொழி ஏற்றனர். இந்நிகழ்ச்சியில் கூடுதல் காவல் கண்காணிப்பாளர்கள் அசோக்குமார், பிரபாகரன் ஆகியோர் கலந்து கொண்டனர்

News April 12, 2024

கடலூரில் காவல்துறையினர் தபால் வாக்கு

image

நாடாளுமன்ற தேர்தலையொட்டி தேர்தல் பணியில் ஈடுபட உள்ள காவல்துறையினருக்கு இன்று தபால் வாக்கு பதிவு நடத்தப்பட்டது.இதில் கடலூர் தாலுகா அலுவலகத்தில் மாவட்ட போலீஸ் சூப்பிரண்டு ராஜாராம் தபால் வாக்கினை செலுத்தினார்.அப்பொழுது, கலெக்டர் அருண் தம்புராஜ் வருவாய் கோட்டாட்சியர் அபிநயா ஆகியோர் உடன் இருந்தனர்.அது மட்டும் இன்றி கடலூர் சட்டமன்றத் தொகுதிக்குட்பட்ட 810 காவல்துறையினர் தபால் வாக்கு செலுத்த உள்ளனர்.

News April 12, 2024

கடலூர் அருகே பேருந்து மோதி விபத்து

image

விருத்தாசலம் அடுத்த கொளஞ்சியப்பர் கோவில் அருகே உள்ள நெடுஞ்சாலையில் இன்று அதிகாலை 4 மணியளவில் கோயம்புத்தூரில் இருந்து பாண்டிச்சேரி நோக்கி தனியார் பேருந்து சென்று கொண்டிருந்தது. அப்போது கொளஞ்சியப்பர் கோவில் அருகே சாலையின் நடுவே உள்ள தடுப்பு கட்டையில் மோதி பேருந்து விபத்துக்குள்ளானது. இந்த விபத்தில் அதிர்ஷ்ட வசமாக யாருக்கும் சிறு காயம் கூட ஏற்படவில்லை. இதுகுறித்து போலீசார் விசாரிக்கின்றனர்.

News April 12, 2024

அண்ணாமலை பல்கலை பணியாளர் பதவி குறைப்பு ரத்து

image

சிதம்பரம் அண்ணாமலை பல்கலைக்கழக நிர்வாகம் கடந்த 2013 இல் பணியாளர்களை அரசின் வெவ்வேறு துறைக்கு மாற்றி அமைத்தது. அதில் கூடுதல் பணியாளர்கள் நியமிக்கப்பட்டதாக கூறி அவர்களுக்கு பதவி குறைப்பு, சம்பள குறைப்பு செய்து அரசு பிறப்பித்த உத்தரவுகளை சென்னை உயர்நீதிமன்றம் ரத்து செய்தது. இதனை பல்கலைக்கழக ஊழியர்கள் வரவேற்றுள்ளனர்.

News April 12, 2024

அடுத்த 3 மணி நேரத்திற்கு எச்சரிக்கை

image

கடலூர் உள்ளிட்ட 13 மாவட்டங்களுக்கு அடுத்த 3 மணி நேரத்திற்கு மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதன்படி, கடலூர் மாவட்டத்தில்10 மணிக்குள் மழை பெய்ய வாய்ப்புள்ளதாக தெரிவித்துள்ளது. மேலும் மஞ்சள் அலர்ட்டும் விடுக்கப்பட்டுள்ளது. கடந்த சில நாட்களாக வெயில் வாட்டி வந்த நிலையில், தற்போது மழை பெய்ய வாய்ப்புள்ளதால் மக்கள் மகிழ்ச்சி அடைந்துள்ளனர்.

News April 12, 2024

விருத்தாசலம் சாய்பாபா கோவிலில் சிறப்பு வழிபாடு

image

விருத்தாசலம் வடக்கு பெரியார் நகரில் அமைந்துள்ள சீரடி சாயிபாபா ஆலயத்தில் நேற்று பங்குனி மாத வியாழக்கிழமையை முன்னிட்டு சாய் பாபாவிற்கு சிறப்பு அலங்காரம், அபிஷேகம் மற்றும் ஆராதனைகள் நடைபெற்றது. இதில் ஏராளமான பக்தர்கள் கலந்து கொண்டு சாய் பாபாவை வழிபட்டனர். தொடர்ந்து பக்தர்களுக்கு பிரசாதமாக வழங்கப்பட்டது.

News April 11, 2024

சேத்தியாத்தோப்பில் நடிகை விந்தியா பிரச்சாரம்

image

கடலூர் மாவட்டம் சிதம்பரம் பாராளுமன்ற தொகுதி அதிமுக வேட்பாளர் சந்திரகாசனை ஆதரித்து திரைப்பட நடிகை விந்தியா இன்று மாலை சேத்தியாத்தோப்பு நகரில் இரட்டை இலை சின்னத்திற்கு வாக்கு கேட்டு பரப்புரை மேற்கொண்டார். அவருடன் புவனகிரி தொகுதி எம் எல் ஏ அருண்மொழிதேவன் மற்றும் நிர்வாகிகள் கூட்டணி கட்சியினர் கலந்து கொண்டனர்.

Featured News

Sorry, no posts matched your criteria.

↑