India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chennai
News November 6, 2024
அதிமுக மாவட்ட செயலாளர்கள் கூட்டம்
அதிமுக மாவட்ட செயலாளர்கள் கூட்டம், இன்று (புதன்கிழமை) காலை 10 மணிக்கு சென்னை ராயப்பேட்டையில் உள்ள கட்சியின் தலைமை அலுவலகத்தில் நடைபெற இருக்கிறது. கூட்டத்துக்கு பொதுச் செயலாளர் எடப்பாடி பழனிசாமி தலைமை தாங்குகிறார். இதில், மாவட்ட செயலாளர்கள் மற்றும் பிற மாநில செயலாளர்கள் கலந்து கொள்கின்றனர். நடிகர் விஜய் கூட்டணிக்கு அழைப்பு விடுத்திருப்பது குறித்தும் நிர்வாகிகளிடம் கருத்து கேட்கப்பட இருக்கிறது.
News November 6, 2024
சென்னையில் மழை பெய்ய வாய்ப்பு
சென்னையில் அடுத்த 3 மணி நேரத்திற்கு (காலை 10 மணி வரை) இடியுடன் கூடிய லேசானது முதல் மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. எனவே, பள்ளி, கல்லூரி, அலுவலகம் செல்வோர் முன்னெச்சரிக்கை நடவடிக்கையாக குடை கொண்டு செல்லவும். வங்கக்கடலில் வரும் 7ம் தேதி காற்றழுத்த தாழ்வு உருவாகிறது. இதனால் தமிழகத்தில் 9ம் தேதி வரை 5 நாட்களுக்கு இடியுடன் கூடிய மழைக்கு வாய்ப்புள்ளது.
News November 6, 2024
ஆவடி – சென்ட்ரலுக்கு இன்று முதல் புதிய மின்சார ரயில்
ஆவடியில் இருந்து சென்னை சென்ட்ரலுக்கு புதிய மின்சார ரயில் வரும் 6ஆம் தேதி அறிமுகப்படுத்தப்பட உள்ளது. இந்த ரயில், ஆவடியில் இருந்து (இன்று நவ.6) மாலை 6.10 மணிக்கு புறப்பட்டு, அன்று மாலை 6.55 மணிக்கு சென்னை சென்ட்ரலை வந்தடையும். சென்னையில் பொது போக்குவரத்து வசதிகளில் புறநகர் மின்சார ரயில் சேவை முக்கியமானதாக உள்ளது. இதில் தினசரி 10 லட்சத்துக்கும் மேற்பட்டோர் பயணிக்கின்றனர். ஷேர் பண்ணுங்க
News November 6, 2024
இம்மாத இறுதிக்குள் பயன்பாட்டுக்கு வரும் – அமைச்சர்
முடிச்சூர் ஆம்னி பேருந்து நிலையம் இந்த மாத இறுதிக்குள் மக்கள் பயன்பாட்டுக்கு வரும் என அமைச்சர் சேகர்பாபு தெரிவித்துள்ளார். சென்னையில் இன்று (நவ.5) செய்தியாளர்களை சந்தித்த அவர், “ரூ.42 கோடி செலவில் கட்டப்பட்டுள்ள புதிய ஆம்னி பேருந்து நிலையத்தில், 120 பேருந்துகள் ஒரே நேரத்தில் நின்று செல்லும் வகையில் வடிவமைக்கப்பட்டுள்ளது. இதனால் கிளாம்பாக்கத்தில் சற்று நெரிசல் குறையும்” என்று கூறினார்.
News November 6, 2024
சென்னையிலிருந்து புருனேவுக்கு நேரடி விமான சேவை
சென்னை – புருனே இடையே நேரடி விமான சேவையை, பிரபல ராயல் புருனே நிறுவனம் நேற்று தொடங்கியுள்ளது. வாரத்திற்கு 3 விமானங்கள் இயக்கப்படவுள்ளன. இதன்மூலம் புருனேவுக்கு நேரடி விமான சேவை வழங்கும் ஒரே இந்திய நகரம் என்ற சிறப்பை, சென்னை பெற்றுள்ளது. மேலும், சென்னை விமான நிலையத்தில் டிக்கெட் சேவைக்கும் ஏற்பாடு செய்யப்பட்டுள்ளது.
News November 5, 2024
சென்னையில் வாகன சோதனை செய்ய உத்தரவு
சென்னையில் பீக் ஹவர்ஸில் வாகன சோதனையைத் தீவிரப்படுத்த காவல் ஆணையர் உத்தரவிட்டுள்ளார். குற்றத்தடுப்பு நடவடிக்கையாக காலை 9 -11, மாலை 5 -9 ஆகிய நேரங்களில் வாகன சோதனையில் ஈடுபட உத்தரவிட்டுள்ளார். மேலும், உதவி ஆணையர், ஆய்வாளர் உள்ளிட்டோர் முக்கிய பகுதிகளில் வாகன சோதனை செய்ய ஆணையிட்டுள்ளார். போதைப்பொருள் கடத்தல், செல்போன் பறிப்பு, ரவுடிகளை கண்காணிக்க அறிவுறுத்தியுள்ளார்.
News November 5, 2024
கூடுதலாக 700 மகளிர் இலவச பேருந்துகள் இயக்க முடிவு
சென்னை மகளிர் இலவச பயணத்திற்கு வசதியாக, கூடுதலாக 700 டீலக்ஸ் பேருந்துகள் பிங்க் நிறத்திற்கு மாற்றப்பட உள்ளதாக மாநகர போக்குவரத்து கழகம் முடிவு செய்துள்ளது. சென்னை மாநகரப் போக்குவரத்து கழகம் சார்பில், பல்வேறு வழித்தடங்களில் 3,376 பேருந்துகள் இயக்கப்பட்டு வருகின்றன. இதன் மூலம் சராசரியாக ஒவ்வொரு நாளும் 50 லட்சத்திற்கும் மேற்பட்ட பயணிகள் பயணம் செய்கின்றனர். இதுகுறித்து உங்கள் கருத்து?
News November 5, 2024
புதிய மின்சார ரயில் வரும் 6ஆம் தேதி அறிமுகம்
ஆவடி – சென்ட்ரலுக்கு புதிய மின்சார ரயில் வரும் 6ஆம் தேதி அறிமுகப்படுத்தப்பட உள்ளது. இதுதவிர, சென்னை கடற்கரை – திருவண்ணாமலை இடையே இயக்கப்படும் மெமு ரயிலின் பெட்டிகள் அதிகரிக்கப்படவுள்ளது. சென்னையில் பொது போக்குவரத்து வசதிகளில் புறநகர் மின்சார ரயில் சேவை முக்கியமானதாக உள்ளது. இதில் தினசரி 10 லட்சத்துக்கும் மேற்பட்டோர் பயணிக்கின்றனர். இந்த சேவையை மேம்படுத்த ரயில்வே நிர்வாகம் தெரிவித்துள்ளது.
News November 5, 2024
சுவாச நோய்த் தொற்றுகளைத் தடுக்கும் வழிமுறைகள்
தும்மும்போது அல்லது இருக்கும்போது வாய் மற்றும் மூக்கை துண்டால் மூடிக்கொள்ள வேண்டும். மாஸ்க் கட்டாயம் அணிய வேண்டும். வெளியே சென்று வந்தவுடன் கைகளை சோப்பு போட்டு நன்றாகச் சுத்தம் செய்து சானிடைசர் வைத்து துடைக்க வேண்டும். இருக்கும் இடங்களில் சரியான காற்றோட்டத்தை பராமரிக்கவும். புரதச்சத்து நிறைந்த உணவுகளை உண்ண வேண்டும். புகைபிடிப்பதை கட்டாயம் தவிர்க்கவும். மது அருந்துவதை கட்டுப்படுத்த வேண்டும்.
News November 5, 2024
விபத்தில் தொலைக்காட்சி ஊழியர் பலி!
சென்னை அசோக் நகரில் பணிக்கு சென்று கொண்டிருந்த தனியார் தொலைக்காட்சி ஊழியர் விபத்தில் உயிரிழந்த சம்பவம் பெரும் சோகத்தை ஏற்படுத்தியுள்ளது. பைக்கில் சென்று கொண்டிருந்தபோது, திடிரென ஆட்டோ ஒன்று அவர் மீதுஉ மோதியது. இதில் படுகாயம் அடைந்த அவர் சம்பவ இடத்திலேயே உயிரிழந்தார். இதனால் அசோக் நகர் சாலையில் பெரும் பரபரப்பு ஏற்பட்டுள்ளது. அவர் பெயர் புருஷோத்தமன் (27), வண்ணாரப்பேட்டையில் வசித்து வந்தார்.
Featured News
Sorry, no posts matched your criteria.