India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chengalpattu
News December 10, 2024
செவிலியர்கள் பிரசவம் பார்த்து குழந்தை உயிரிழந்ததாக கூறி போராட்டம்
செங்கல்பட்டு, சதுரங்கப்பட்டினம் அரசு மருத்துவமனையில் நேற்று முன்தினம் இரவு சென்ற நிறை மாத கர்ப்பிணிக்கு மருத்துவர்கள் இல்லாததால் செவிலியர்கள் பிரசவம் பார்த்ததாக கூறப்படுகிறது. அப்பெண்ணிற்கு அதிக மூச்சு திணறல் ஏற்பட்டதால் அதிகாலையில் செங்கல்பட்டு அரசு மருத்துவமனைக்கு அனுப்பினர். இதனால் குழந்தை உயிரிழந்ததாக தந்தை மற்றும் உறவினர்கள் மருத்துவமனையை முற்றுகையிட்டு போராட்டம் நடத்தினர்.
News December 10, 2024
OLX செயலி மூலம் மோசடி போலீசார் எச்சரிக்கை
OLX செயலியின் மூலமாக குறைந்த விலையில் பொருட்களை விற்பனை செய்வதாக பொய்யாக பதிவேற்றம் செய்து விளம்பரப்படுத்தி நம்ப வைத்து ஏமாற்றி பணம் பறிக்கும் சைபர் கிரைம் குற்றங்கள் அதிக அளவில் நடைபெறுகின்றன. எனவே, பொதுமக்கள் இதுபோன்ற செயல்களில் எச்சரிக்கையாக இருக்குமாறு செங்கல்பட்டு மாவட்ட சைபர் கிரைம் போலீசார் அறிவித்துள்ளனர். உங்களை ஏமாற்றுவது போல் தெரிந்தால் உடனே பாதுகாப்பு உதவி எண்ணை உடனே அழையுங்கள்.
News December 10, 2024
மின்சாரம் தாக்கி ஐடி ஊழியர் உயிரிழப்பு
திண்டுக்கல்லைச் சேர்ந்த வீரசக்தி (22), மேடவாக்கத்தில் தங்கி TCS தனியார் நிறுவனத்தில் பணியாற்றி வந்தார். நேற்று நள்ளிரவு வீட்டின் அருகே உள்ள ஒரு கடையில் உணவு வாங்கிக் கொண்டு வீட்டிற்கு சென்றுள்ளார். வீட்டில் உணவை சாப்பிட்டுவிட்டு, 4ஆவது மாடியில் இருந்து குப்பையை கீழே வீசியுள்ளார். அப்போது, உயிர் அழுத்த மின் கம்பியில் அது சிக்கிக் கொண்டது. அதனை அகற்ற முயன்றபோது மின்சாரம் தாக்கி உயிரிழந்தார்.
News December 10, 2024
தனியார் பேருந்து U -Turn எடுத்தபோது விபத்து
ஸ்ரீபெரும்புதூர் அருகே உள்ள சென்னை – பெங்களூர் தேசிய நெடுஞ்சாலையில், இன்று அதிகாலை தனியார் பேருந்து ஒன்று சென்று கொண்டிருந்தது. அப்போது, திடீரென பேருந்து U Turn எடுத்தபோது, பேருந்து மீது பின்னால் வந்த லாரி பலமாக மோதியது. இந்த விபத்தில் 10க்கும் மேற்பட்டோர் படுகாயம் அடைந்தனர். படுகாயம் அடைந்தவர்களை அங்கிருந்தந்தவர்கள் உடனடியாக மருத்துவமனைக்கு அழைத்துச் சென்றனர். இதனால் அங்கு பரபரப்பு ஏற்பட்டது.
News December 10, 2024
திருவண்ணாமலைக்கு 1982 சிறப்பு பேருந்துகள் இயக்கம்
கார்த்திகை தீபத்திருநாள் மற்றும் பௌர்ணமியை முன்னிட்டு கிளாம்பாக்கத்தில் இருந்து திருவண்ணாமலைக்கு வரும் டிசம்பர் 12 ஆம் தேதி 269 பேருந்துகள் இயக்கப்பட உள்ளது. அதேபோல் 13ஆம் தேதி 643 பேருந்துகளும், 14 ஆம் தேதி 801 பேருந்துகளும், 15ஆம் தேதி 269 பேருந்துகளும் என மொத்தம் 1982 சிறப்பு பேருந்துகள் இயக்கப்பட உள்ளதாக அரசு போக்குவரத்து கழகம் தெரிவித்துள்ளது.
News December 9, 2024
செங்கல்பட்டு மாவட்ட காவல்துறை சார்பில் விழிப்புணர்வு
சைபர் கிரைம் மோசடிகள் நாளுக்கு அதிகரித்து வரும் நிலையில், பொதுமக்கள் எச்சரிக்கையாக இருக்குமாறு செங்கல்பட்டு காவல்துறை அறிவுறுத்தியுள்ளது. லோன் செயலிகள், மின்சார கட்டணம் வசூல், வீடியோ கால் மோசடி, சமூக வலைத்தளம் மோசடி, வங்கி மேலாளர் பேசுவதாக மோசடி, வேலை வாங்கி தருவதாக மோசடி என பல்வேறு மோசடிகள் நடைபெறுகின்றன. எனவே பொதுமக்கள் எச்சரிக்கையாக இருக்குமாறு காவல்துறை கேட்டுக் கொண்டுள்ளது.
News December 9, 2024
அமைச்சர் தலைமையில் குறை கேட்பு கூட்டம்
செங்கல்பட்டு மாவட்டத்தில் நாளை 10ம் தேதி மாலை 3 மணி அளவில் செங்கல்பட்டு மாவட்ட ஆட்சியர் அலுவலகத்தில் அமைச்சர் அன்பரசன் தலைமையிலும், மாவட்ட ஆட்சியர் அருண் ராஜ் முன்னிலையிலும் குறை கேட்பு கூட்டம் நடைபெற உள்ளது. இந்த கூட்டத்தில் அனைத்து துறை உயர் அலுவலர்கள் பங்கேற்க இருக்கின்றனர். எனவே உள்ளாட்சி பிரதிநிதிகள், பொதுமக்கள் தங்கள் பகுதியில் உள்ள பிரச்சனைகளை மனுவாக அளிக்கலாம் என தெரிவிக்கப்பட்டுள்ளது.
News December 9, 2024
செங்கல்பட்டு அருகே கழிவுநீர் விவகாரம்; 12 பேர் டிஸ்சார்ஜ்
தாம்பரம் மாநகராட்சி காமராஜர் நகர், கன்டோன்மென்ட் பல்லாவரம் மலைமேடு பகுதிகளுக்கு, சமீபத்தில் குடிநீர் விநியோகிக்கப்பட்டது. இந்த குடிநீரில் கழிவுநீர் கலந்திருந்ததாகவும், அதை பருகியதால் உடல் உபாதை ஏற்பட்டு 60க்கும் மேற்பட்டோர் மருத்துவமனையில் அனுமதிக்கப்பட்டனர். இந்நிலையில் நேற்று 12 பேர் டிஸ்சார்ஜ் செய்யப்பட்டனர். நான்கு பேர், தொடர்ந்து சிகிச்சையில் உள்ளனர். புதிதாக யாரும் அனுமதிக்கப்படவில்லை.
News December 9, 2024
நிவாரண பொருட்கள் வழங்க த.வெ.க.வினருக்கு அனுமதி மறுப்பு
பல்லாவரத்தில் கழிவுநீர் கலந்த குடிநீரை பருகியதால் பாதிக்கப்பட்ட பலர், குரோம்பேட்டை அரசு மருத்துவமனையில் சிகிச்சை பெற்றுவருகின்றனர். அவர்களுக்கு பிரட், பிஸ்கட், ரஸ்க் உள்ளிட்ட நிவாரண பொருட்கள் வழங்க த.வெ.க., கட்சியினர், மருத்துவமனைக்கு நேற்று சென்றனர். அப்போது மருத்துவமனை நிர்வாகம் அவர்களுக்கு அனுமதி மறுத்தனர். இதனால், த.வெ.க.வினர் வெளியே வந்து நிவாரண பொருட்களை வழங்கினர்.
News December 8, 2024
முதல்வர் மருந்தகம் அமைக்க கால அவகாசம் நீட்டிப்பு
செங்கல்பட்டு மாவட்டத்தில் ‘முதல்வர் மருந்தகம்’ அமைக்க விருப்பமுள்ள, பி.பார்ம் மற்றும் டி.பார்ம் சான்று பெற்றவர்கள் அல்லது அவர்களின் ஒப்புதலுடன் www.mudhalvarmarundhagam.in.gov.in என்ற இணையதளத்தில் விண்ணப்பிக்கலாம். இதற்கு கடந்த 5ஆம் தேதி வரை விண்ணப்பிக்கலாம் என அறிவிக்கப்பட்டிருந்த நிலையில், தற்போது வரும் 10ஆம் தேதி வரை இணையதளம் மூலம் விண்ணப்பிக்க தேதி நீட்டிக்கப்பட்டுள்ளது. ஷேர் செய்யுங்க
Featured News
Sorry, no posts matched your criteria.