India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 4, 2024
கால்நடைகளைப் பாதுகாக்க இதை செய்யுங்கள்!
வெப்ப அலை வீச்சு மனிதர்களுக்கு மட்டுமல்ல ஆடு, மாடு போன்ற கால்நடைகளுக்கும் வதையை அளிக்கிறது. எனவே, இந்த வெயிலில் இருந்து அவற்றை பாதுகாக்க *கால்நடைகளை அடிக்கடி குளிப்பாட்டுங்கள் & குடிப்பதற்கு நீர் காட்டுங்கள். *உயரமான கொட்டகை அமைப்பதோடு, அதனைச் சுற்றி சணல் சாக்குகள் கட்டி, நீர் தெளிக்கலாம். *மேய்ச்சல் நேரத்தை குறைக்கலாம். *பசுந்தீவனத்துடன் தாதுப்பு & வைட்டமின் சத்துக்களை சேர்த்து கொடுக்கலாம்.
News May 4, 2024
‘கூலி’ பட பாடல் சர்ச்சை குறித்து ரஜினி பதில்
தனது பாடலை அனுமதி பெறாமல் ‘கூலி’ படத்தில் பயன்படுத்தியதாகத் தயாரிப்பு நிறுவனத்திற்கு இளையராஜா நோட்டீஸ் அனுப்பியிருந்தார். இது குறித்து சென்னை விமான நிலையத்தில் செய்தியாளர்களின் கேள்விக்கு பதில் அளித்த ரஜினி, அது தயாரிப்பாளருக்கும், இசையமைப்பாளருக்குமான பிரச்னை எனத் தெரிவித்தார். ரஜினியின் ‘கூலி’ படத்தை சன் பிக்சர்ஸ் நிறுவனம் தயாரித்து வரும் நிலையில், அனிருத் இசையமைத்து வருவது குறிப்பிடத்தக்கது.
News May 4, 2024
இடி, மின்னலுடன் கூடிய மழை
தென் இந்திய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக இன்று முதல் 6ஆம் தேதி வரை இடி, மின்னலுடன் கூடிய மிதமான மழை பெய்யும் என சென்னை வானிலை மையம் தெரிவித்துள்ளது. அதே நேரம், அடுத்த 2 நாள்களுக்கு தமிழக உள் மாவட்டங்களில் வெப்பநிலை இயல்பை விட 5 டிகிரி செல்சியஸ் அளவுக்கு அதிகமாக இருக்கும். அதன்பின் மே 7, 8ஆம் தேதிகளில் வெப்பநிலை படிப்படியாகக் குறைய வாய்ப்புள்ளதாகவும் தெரிவித்துள்ளது.
News May 4, 2024
என்னிடம் சொந்தமாக சைக்கிள் கூட இல்லை: மோடி
கடந்த 25 ஆண்டுகளில் தன் மீது எந்த ஊழல் கறையும் இல்லை என்றும் தனக்கு சொந்தமாக வீடு, சைக்கிள் கூட இல்லை எனவும் பிரதமர் மோடி பெருமிதம் கூறியுள்ளார். ஜார்கண்டில் பரப்புரை மேற்கொண்ட அவர், ஜார்க்கண்ட் முக்தி மோர்ச்சா, காங்கிரஸ் தலைவர்கள் தங்கள் குழந்தைகளுக்காக பெரும் சொத்துகளை சேர்த்து வைத்துள்ளதாகவும் குற்றம்சாட்டினார். ஜார்கண்டில் மே 13 முதல் ஜூன் 1 வரை 4 கட்டமாக வாக்குப்பதிவு நடைபெற உள்ளது.
News May 4, 2024
அந்நியச் செலாவணி கையிருப்பு தொடர் சரிவு
இந்தியாவின் அந்நியச் செலாவணி கையிருப்பு தொடர்ந்து 2ஆவது வாரமாக சரிந்துள்ளது. ஏப்ரல் 26ஆம் தேதி கணக்கீட்டின்படி, $2.41 பில்லியன் சரிந்து, $637.92 பில்லியானாக குறைந்துள்ளது. அதற்கு முந்தைய வாரத்தில் $2.28 பில்லியன் சரிந்து, $640.33 பில்லியனாக இருந்தது. அதேபோல், தங்கத்தின் கையிருப்பு $1.27 பில்லியன் குறைந்து, $55.53 பில்லியனாக உள்ளது. SDRs, $15 மில்லியன் உயர்ந்து, $18.04 பில்லியனாக உள்ளது.
News May 4, 2024
4 மாவட்டங்களுக்கு ரெட் அலர்ட்
தென் தமிழக கடலோரங்களில் அதீத அலை ஏற்பட வாய்ப்புள்ளதாக இந்திய வானிலை மையம் எச்சரிக்கை விடுத்துள்ளது. நாளை இரவு வரை குமரி, நெல்லை, தூத்துக்குடி, ராமநாதபுரம் கடலோரப் பகுதிகளுக்கு ரெட் அலர்ட்டும், சென்னைக்கு ஆரஞ்சு அலர்ட்டும் விடுக்கப்பட்டுள்ளது. மீனவர்கள் படகுகளை தூரத்தில் தள்ளி நிறுத்தவும் அறிவுறுத்தப்பட்டுள்ளது. காற்றின் வேகத்தில் Swell surge எனப்படும் அதீத அலைகள் ஏற்படும் எனவும் கூறப்பட்டுள்ளது.
News May 4, 2024
தமிழகத்தை மிரட்ட வரும் ‘கள்ளக்கடல்’ நிகழ்வு
இந்தியப் பெருங்கடலின் தெற்குப் பகுதியில் எந்தவிதமான அறிகுறியும் இல்லாமல், திடீரென கடல் சீற்றம் அடையும் நிகழ்வு தான் ‘கள்ளக்கடல்’ என அழைக்கப்படுகிறது. தென் தமிழக கடற்கரையில் அத்தகைய கொந்தளிப்பு இன்றும், நாளையும் ஏற்பட வாய்ப்புள்ளதாக இந்திய கடல்சார் தகவல் மையம் எச்சரிக்கை விடுத்துள்ளது. இந்த கள்ளக்கடல் நிகழ்வுகள் இந்தியக் கடலோரப் பகுதிகளில் வளர்ந்து வரும் காலநிலை மாற்ற அபாயமாகக் கருதப்படுகின்றன.
News May 4, 2024
தீவிரவாதிகளை காங்கிரஸ் தடுக்கவில்லை: அமித்ஷா
புல்வாமா தாக்குதல் நடந்த 10 நாள்களில் பாகிஸ்தானுக்கு ராணுவ ரீதியில் பாஜக அரசு பதிலடி கொடுத்ததாக மத்திய அமைச்சர் அமித்ஷா கூறியுள்ளார். சங்லியில் நடந்த பிரசாரக் கூட்டத்தில் பேசிய அவர், “காங்கிரஸ் ஆட்சியில் ஒவ்வொரு நாளும் பாகிஸ்தானில் இருந்துவரும் தீவிரவாதிகள், தங்குத் தடையின்றி குண்டுவெடிப்புகளை நடத்தியபோது, அவர்களை யாரும் தடுக்கவில்லை. தீவிரவாதத்தை பாஜக அரசுதான் ஒழித்தது” எனக் கூறினார்.
News May 4, 2024
பிரஜ்வால் ரேவண்ணாவை பிடிக்க ரெட் கார்னர் நோட்டீஸ்?
பாலியல் புகாரில் சிக்கிய பிரஜ்வால் ரேவண்ணாவை கைது செய்வது தொடர்புடைய பல்வேறு இடங்களில் சிறப்புப் புலனாய்வுக் குழுவினர் நேற்று ஆய்வு நடத்தினர். ஆனால், அவர் வெளிநாட்டிற்குத் தப்பிச் சென்றதாகத் தகவல் வெளியான நிலையில், அவருக்கு எதிராக ரெட் கார்னர் நோட்டீஸ் பிறப்பிக்க சிறப்பு புலனாய்வுக்குழு தயாராகி வருகிறது. இதன் மூலம் அவரைப் பிடிக்கச் சர்வதேச காவல் உதவியை சிறப்புப் புலனாய்வுக்குழு நாடவுள்ளது.
News May 4, 2024
கங்கனா ரனாவத்தின் ட்விட்டர் அரசியல்
தொடர்ச்சியாக வெறுப்புணர்வை தூண்டும் கருத்துகளைப் பதிவிட்டதாக, நடிகை கங்கனா ரனாவத்தின் ட்விட்டர் கணக்கு 3 ஆண்டுகளுக்கு முன்னர் இதே நாளில் முடக்கப்பட்டது. பிறகு, கடந்த ஆண்டு அவரது கணக்கு பயன்பாட்டுக்கு வந்தது. தீவிர பாஜக ஆதரவாளராக இருந்த அவருக்கு, எம்பி சீட் வழங்கப்படலாம் என எதிர்பார்த்த நிலையில், அவர் மண்டி தொகுதியில் போட்டியிட பாஜக வாய்ப்பளித்திருப்பதால் தீவிர பிரசாரத்தில் ஈடுபட்டுள்ளார்.
Featured News
Sorry, no posts matched your criteria.