India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 27, 2024
கனிமொழியின் சொத்து பட்டியல்
தூத்துக்குடி மக்களவைத் தொகுதியில் போட்டியிடும் திமுக வேட்பாளர் கனிமொழிக்கு ரூ.57.32 கோடி மதிப்பிலான சொத்துக்கள் இருப்பதாக தேர்தல் பிரமாணப்பத்திரத்தில் தெரிவித்துள்ளார். ரொக்க பணம், வங்கி கையிருப்பு, பங்குகள், பத்திரங்கள், நகைகள், கார்கள் என அசையும் சொத்து ரூ.38,77,79,177, நிலங்கள், கட்டிடங்கள், வீடுகள் என அசையா சொத்து ரூ.18,54,42,000 என மொத்தம் ரூ.57,32,21,177 சொத்துகள் இருக்கிறது.
News March 27, 2024
லாட்டரியில் அமெரிக்கருக்கு ரூ.9,166 கோடி பரிசு
அமெரிக்காவில் லாட்டரியில் நியூ ஜெர்சியை சேர்ந்தவருக்கு ரூ.9,166 கோடி பரிசுத் தொகை கிடைத்துள்ளது. “மெகா மில்லியன் ஜாக்பாட்” லாட்டரி பரிசுத் தொகை வியப்படைய செய்யும் ஒன்றாகும். கடந்த ஆண்டு ஜனவரியில் மைனே மாகாணத்தை சேர்ந்தவருக்கு ரூ.11,124 கோடி, ஜூலையில் புளோரிடாவை சேர்ந்தவருக்கு ரூ.13,347 கோடி பரிசு கிடைத்தது. இந்நிலையில், தற்போது நியூ ஜெர்சியை சேர்ந்தவருக்கு ரூ.9,166 கோடி கிடைத்துள்ளது.
News March 27, 2024
6 நக்சலைட்டுகள் சுட்டுக் கொலை
சத்தீஸ்கரில் பாதுகாப்புப் படையினருடன் நடைபெற்ற துப்பாக்கி சண்டையில் 6 நக்சலைட்டுகள் சுட்டுக் கொல்லப்பட்டனர். பிஜப்பூர் மாவட்டம் சிகுர்பாட்டி, புஸ்பகா கிராமங்களுக்கு இடையேயான வனப்பகுதியில் பாதுகாப்புப் படையினர் தேடுதல் வேட்டையில் ஈடுபட்டிருந்தனர். அப்போது அங்கு பதுங்கியிருந்த நக்சலைட்டுகளுக்கும் அவர்களுக்கும் இடையே சண்டை மூண்டது. இதில் பெண் உள்ளிட்ட 6 நக்சலைட்டுகள் கொல்லப்பட்டனர்.
News March 27, 2024
ஐபிஎல்லில் இதுவரை நடக்காத நிகழ்வுகள்
▶டெல்லி, பஞ்சாப், பெங்களூரு, லக்னோ – ஒருமுறை கூட சாம்பியன் பட்டம் வென்றதில்லை. ▶டெல்லி, லக்னோ – அதிக ரன் குவித்தவருக்கான ஆரஞ்சு கேப் பெற்றதில்லை. ▶கொல்கத்தா, லக்னோ – அதிக விக்கெட் வீழ்த்தியவருக்கான பர்பிள் கேப் பெற்றதில்லை. ▶குஜராத், லக்னோ – வளர்ந்து வரும் வீரருக்கான விருது பெற்றதில்லை. ▶கொல்கத்தா, பெங்களூரு, குஜராத், லக்னோ – நியாயமாக விளையாடியதற்கான Fair Play விருது பெற்றதில்லை.
News March 27, 2024
மைக் சின்னத்தில் நாம் தமிழர் போட்டி
நாம் தமிழர் கட்சி மைக் சின்னத்தில் போட்டியிடும் என சீமான் அறிவித்துள்ளார். பாஜகவுடன் கூட்டணி வைத்திருந்தால் எந்த சின்னம் கேட்டிருந்தாலும் கிடைத்திருக்கும். வாசன், தினகரனுக்கு பாஜக கூட்டணி காரணமாகவே அவர்கள் கேட்ட சின்னம் கிடைத்தது. என் வாழ்நாளில் சமரசம் என்ற பேச்சுக்கே இடமில்லை. சின்னத்தை காட்டி என்னை முடக்க முடியாது. எந்த சின்னத்தில் நின்றாலும் நாதக வேட்பாளர்கள் வெல்வார்கள் என சீமான் கூறினார்.
News March 27, 2024
ஆயுதப்படை சிறப்பு சட்டத்தை வாபஸ் பெற ஆலோசனை
ஜம்மு-காஷ்மீரில் ஆயுதப்படை சிறப்பு அதிகார சட்டத்தை திரும்ப பெற மத்திய அரசு ஆலோசித்து வருவதாக அமித் ஷா தெரிவித்துள்ளார். அவர் அளித்துள்ள பேட்டியில், “ஜம்மு-காஷ்மீரில் உள்ள பாதுகாப்புப் படையினரை திரும்ப பெறவும், சட்டம் ஒழுங்கு பணியை போலீசாரிடம் திரும்ப ஒப்படைக்கவும் திட்டமிடப்பட்டுள்ளது. அதே போல் ஆயுதப்படை சிறப்பு அதிகாரச் சட்டத்தை திரும்ப பெறவும் அரசு ஆலோசித்து வருகிறது” என்றார்.
News March 27, 2024
சற்றுமுன்: இரட்டை இலை சின்னம் ஒதுக்கப்பட்டது
மக்களவைத் தேர்தலில் இபிஎஸ் தலைமையிலான அதிமுகவிற்கு இரட்டை இலை சின்னத்தை தேர்தல் ஆணையம் ஒதுக்கியுள்ளது. இபிஎஸ் தரப்புக்கு இரட்டை இலை சின்னத்தை ஒதுக்க கூடாது என ஓபிஎஸ் மனு அளித்திருந்தார். ஆனால், அவரின் கோரிக்கையை நிராகரித்த தேர்தல் ஆணையம், சின்னத்தை ஒதுக்கீடு செய்துள்ளது. முன்னதாக, ஓபிஎஸ் அதிமுக கொடி, சின்னத்தை பயன்படுத்தக்கூடாது என்று நீதிமன்றம் தீர்ப்பளித்திருந்தது குறிப்பிடத்தக்கது.
News March 27, 2024
Fyling Kiss கொடுத்து கிண்டலடித்த ரோஹித் ஷர்மா
Fliying kiss கொடுத்து கிண்டலடித்த ரோஹித் ஷர்மாவின் புகைப்படம் இணையத்தில் வைரலாகி வருகிறது. மார்ச் 24ஆம் தேதி நடந்த ஐபிஎல் போட்டியில், SRH வீரர் மாயங் அகர்வாலை வீழ்த்திய மகிழ்ச்சியில் KKR வீரர் ஹர்ஷித் ராணா அவருக்கு Flying Kiss கொடுத்து கிண்டலடித்தார். இந்நிலையில், அதனை நினைவூட்டும் விதமாக நேற்று பயிற்சியின் போது ரோஹித் ஷர்மாவும் அதே போல் Flying Kiss கொடுத்து மாயங் அகர்வாலை கிண்டலடித்துள்ளார்.
News March 27, 2024
‘அரண்மனை 4’ ஏப்ரலில் வெளியீடு
சுந்தர் சி இயக்கியுள்ள ‘அரண்மனை 4’ திரைப்படம், வரும் ஏப்ரல் மாதம் வெளியாகும் என படக்குழு அறிவித்துள்ளது. 3 பாகங்களின் வெற்றியைத் தொடர்ந்து, ஹாரர் + காமெடி கதைக்களத்தில் உருவாகியுள்ள 4ஆம் பாகத்தை, நடிகை குஷ்பூ தயாரித்துள்ளார். இதில், தமன்னா, ராஷி கண்ணா, யோகி பாபு கோவை சரளா, சிங்கம் புலி, VTV கணேஷ், டெல்லி கணேஷ் உள்ளிட்ட பலர் நடித்துள்ளனர். ஹிப்ஹாப் ஆதி இப்படத்துக்கு இசையமைத்துள்ளார்.
News March 27, 2024
பாமக தேர்தல் அறிக்கை வெளியீடு
பாமக தேர்தல் அறிக்கையை ராமதாசு வெளியிட்டுள்ளார். அதில், மத்திய அரசின் கல்வி, வேலைவாய்ப்பில் ஓபிசி இடஒதுக்கீட்டில் கிரீமிலேயர் முறையை நீக்கவும், சாதிவாரி மக்கள் தொகை கணக்கெடுப்பு நடத்தவும் நடவடிக்கை எடுக்கப்படும். மத்திய அரசு பணிகளில் இடைநிலை பணிகளில் 50%, கடைநிலை பணிகளில் 100% தமிழர்களுக்கு இடஒதுக்கீடு வழங்கப்படும்; 10 லட்சம் வரை வரி விலக்கு அளிக்கப்படும் எனக் குறிப்பிடப்பட்டுள்ளது.
Featured News
Sorry, no posts matched your criteria.