India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 21, 2024
அருணாச்சலில் திடீர் நிலநடுக்கம்
அருணாச்சலில் நள்ளிரவில் ஏற்பட்ட நிலநடுக்கம் ரிக்டரில் 3.7 ஆக பதிவானது. நள்ளிரவு 1.49 மணியளவில் மேற்கு கெமெங் பகுதியை மையமாக கொண்டு 10 கி.மீ ஆழத்தில் பதிவான ஏற்பட்ட நிலநடுக்கத்தால் சில வினாடிகள் அதிர்வை உணர்ந்த மக்கள், உடனடியாக வீடுகளில் இருந்து வெளியேறினர். நிலநடுக்கத்தால் ஏற்பட்ட சேத விவரங்கள் குறித்து தகவல் வெளியாகவில்லை. கடந்த மாதம் இதேபோன்று லேசான நிலநடுக்கம் ஏற்பட்டது குறிப்பிடத்தக்கது.
News March 21, 2024
வரலாற்றில் இன்று!
➤1844 – பஹாய் காலண்டர் அறிமுகப்படுத்தப்பட்டது. ➤1917 – டானிஷ் மேற்கிந்தியத் தீவுகள், கன்னித் தீவுகள் எனப் பெயர் மாற்றப்பட்டது ➤1945 – பிரிட்டன் விமானங்கள் டென்மார்க்கின் கோபன்ஹேகன் நகரில் பாடசாலை ஒன்றின் மீது குண்டுகளை வீசியதில் 125 பேர் கொல்லப்பட்டனர். ➤1990 – 75 ஆண்டுகால தென்னாபிரிக்க ஆட்சியிலிருந்து நமீபியா விடுதலை பெற்றது. ➤2006 – டிவிட்டர் (தற்போது எக்ஸ்) சமூக ஊடகம் தொடங்கப்பட்டது.
News March 21, 2024
சம்பளத்தை விட்டு கொடுத்த பாகிஸ்தான் பிரதமர்!
பாகிஸ்தானில் பொருளாதார நெருக்கடி தொடரும் சூழலில், பிரதமர் மற்றும் அமைச்சர்கள் தங்களது சம்பளத்தை விட்டுக்கொடுக்க முன்வந்துள்ளனர். அரசின் தேவையற்ற செலவுகளை குறைக்கும் இந்த நடவடிக்கைக்கு பாகிஸ்தான் அமைச்சரவைக் கூட்டத்தில் ஒப்புதல் அளிக்கப்பட்டுள்ளது. ஏற்கெனவே, பாகிஸ்தான் அமைச்சர்கள், அதிகாரிகள் உள்ளிட்டோர் அரசு முறைப்பயணமாக வெளிநாடு செல்ல, அரசின் முன் அனுமதி பெறுவது அங்கு கட்டாயமாக உள்ளது.
News March 21, 2024
டி20 தரவரிசையில் சூர்யகுமார் யாதவ் முதலிடம்
ஐ.சி.சி., வெளியிட்டுள்ள ஆடவர் கிரிக்கெட் டி20 பேட்டிங் தரவரிசையில் இந்தியாவின் சூர்யகுமார் யாதவ் 861புள்ளிகளுடன் தொடர்ந்து முதலிடத்தில் நீடிக்கிறார். 2ஆவது இடத்தில் பில் சால்ட், 3ஆவது இடத்தில் முகமது ரிஸ்வான் ஆகியோர் உள்ளனர். பந்துவீச்சாளர் தரவரிசையில், அடில் ரஷீத் முதலிடத்தில் உள்ளார். இந்தியாவின் அக்ஷர் படேல் 4ஆவது இடத்திலும், ரவி பிஷ்னோய், மகேஷ் தீக்ஷனா 5ஆவது இடத்தை பகிர்ந்து கொண்டுள்ளனர்.
News March 21, 2024
இவரை நிறுத்தினால் பாஜக டெபாசிட் வாங்காது
திருச்சியில் தமிழக பாஜக பொதுச்செயலாளர் ராமஸ்ரீனிவாசனை வேட்பாளராகக் களமிறங்கினால் பாஜக டெபாசிட் இழக்குமென பாஜக பிரமுகர் திருச்சி சூர்யா தெரிவித்துள்ளார். இது தொடர்பாக அவர் தனது X பக்கத்தில், திருச்சிக்கு அறிமுகமில்லாத வெளி மாவட்டத்தைச் சேர்ந்த ராமஸ்ரீனிவாசனை இறக்கினால், வெற்றியை நினைத்துக் கூட பார்க்க முடியாது. மாறாக மண்ணின் மைந்தரை இறக்கினால் பாஜகவுக்கு வெற்றி வாய்ப்பு பிரகாசமாக உள்ளது என்றார்.
News March 21, 2024
தினம் ஒரு திருக்குறள்
◾பால்: அறத்துப்பால்
◾ இயல் : இல்லறவியல்
◾அதிகாரம்: பிறனில் விழையாமை
◾குறள்: 148
பிறன்மனை நோக்காத பேராண்மை சான்றோர்க்கு
அறனொன்றோ ஆன்ற வொழுக்கு.
◾விளக்கம்: அடுத்தவரின் மனைவியை மனத்துள் எண்ணாத பேராண்மை அறம் மட்டும் அன்று; சான்றோர்க்கு நிறைவான ஒழுக்கமும் ஆகும்.
News March 21, 2024
தாவூத் இப்ராஹிமை புகழ்ந்த கிரிக்கெட் வீரர்
260 பேரின் உயிரை பலி கொண்ட மும்பை தொடர் குண்டுவெடிப்புக்கு காரணமான தாவூத் இப்ராஹிமை பாக். முன்னாள் கிரிக்கெட் வீரர் மியான்டட் புகழ்ந்து பேசியிருப்பது அதிர்ச்சியை ஏற்படுத்தியுள்ளது. அவர் அளித்துள்ள பேட்டியில், “முஸ்லிம்களுக்காக தாவூத் செய்துள்ள பணிகள் ஏராளம். இந்தப் பணிகள் நீண்டகாலம் நினைவு கூரப்படும். அவரின் மகளை எனது மகன் திருமணம் செய்ததை எண்ணி பெருமை கொள்கிறேன்” எனக் கூறியுள்ளார்.
News March 21, 2024
பிரேமலு படக்குழுவினருக்கு சிவகார்த்திகேயன் வாழ்த்து
கிரிஷ் ஏ.டி இயக்கத்தில் நஸ்லேன், மமிதா பைஜூ நடிப்பில் மலையாளத்தில் வெளியான படம் ‘பிரேமலு’. விமர்சன ரீதியாகவும், பாக்ஸ் ஆபிஸில் நல்ல வசூலைக் குவித்த இப்படம், தமிழிலும் அதே பெயரில் டப்பிங் செய்யப்பட்டு வெளியாகியுள்ளது. இந்நிலையில், நடிகர் சிவகார்த்திகேயன் தனது இன்ஸ்டா பக்கத்தில், ‘நல்ல பொழுதுபோக்கு அம்சங்கள் நிறைந்த காதல் படத்தை அளித்த பிரேமலு படக்குழுவினருக்கு வாழ்த்துகள்’ எனப் பதிவிட்டுள்ளார்.
News March 21, 2024
அமெரிக்க வட்டி விகிதத்தில் மாற்றமில்லை
வங்கிகளுக்கு வழங்கும் வட்டி விகிதத்தில் எந்த மாற்றமின்றி தொடர்வதாக அமெரிக்க மத்திய வங்கி அறிவித்துள்ளது. இரண்டு நாட்கள் நடைபெற்ற அமெரிக்க பெடரல் ரிசர்வ் வங்கியின் நிதிக்கொள்கை கூட்டத்திற்கு பின் பேசிய அதன் தலைவர் ஜெரோம் பாவெல், ‘மார்ச் மாதத்திற்கான வட்டி விகிதம் 5.25% -5.5%ஆக மாற்றமின்றி தொடரும்’ என்றார். 5ஆவது முறையாக வட்டி விகிதத்தில் மாற்றம் செய்யாததால், அமெரிக்க பங்குச்சந்தைகள் உயர்வு கண்டன.
News March 21, 2024
பிறந்தநாள் வாழ்த்து போட்டோ அனுப்புங்க
இன்று (மார்ச் 21) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
Featured News
Sorry, no posts matched your criteria.