India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 26, 2024
மகளிர் ஹாக்கி அணியின் புதிய பயிற்சியாளர் யார்?
இந்திய மகளிர் ஹாக்கி அணியின் தலைமைப் பயிற்சியாளராக முன்னாள் வீரர் ஹரேந்திர சிங் நியமிக்கப்படலாம் என தகவல் வெளியாகியுள்ளது. அணிக்கு புத்துயிர் அளிக்க அவர் மிகவும் பொருத்தமான நபராக இருப்பார் என்று தேசிய கூட்டமைப்பின் நிர்வாகக் குழு கருதுகிறது. சம்பள நிறுத்தம் போன்ற காரணங்களால் தலைமைப் பயிற்சியாளர் பொறுப்பில் இருந்து நெதர்லாந்தின் ஜான்னேக் கடந்த மாதம் விலகிய குறிப்பிடத்தக்கது.
News March 26, 2024
கல்லீரலை காக்கும் அகத்திப்பூ கசாயம்
உடலிலுள்ள நச்சுக்களை வெளியேற்றி, கல்லீரலை தூய்மைப்படுத்த (Detox) அகத்திப்பூ கசாயம் பருகலாம் என்று மருத்துவர் கௌதமன் பரிந்துரைக்கிறார். கைப்பிடி அகத்திப்பூவை சுத்தப்படுத்தி, மஞ்சள், இஞ்சி சேர்த்து கொதிக்க வைத்து, வடிகட்டி எடுத்துகொள்ள வேண்டும். எலுமிச்சைச் சாறு கலந்து, இந்த கசாயத்தை வெறும் வயிற்றில் 15 நாள்களுக்கு ஒருமுறை குடித்து வந்தால் போதும், கல்லீரலில் உள்ள நச்சு அனைத்தும் வெளியேறிவிடுமாம்.
News March 26, 2024
கெஜ்ரிவாலுக்கு ஆதரவாக சமூக வலைத்தள பிரசாரம்
டெல்லி முதல்வர் அரவிந்த் கெஜ்ரிவாலுக்கு ஆதரவாக சமூக வலைத்தள பிரசாரத்தை ஆம் ஆத்மி தொடங்கியுள்ளது. மதுபான கொள்கை முறைகேடு வழக்கில், அவர் கடந்த 21ஆம் தேதி கைது செய்யப்பட்டார். இந்நிலையில், அவருக்கு ஆதரவாக ‘மோடியின் மிகப்பெரிய பயம் கெஜ்ரிவால்’ என்ற தலைப்புடன், கெஜ்ரிவால் சிறைக்கு பின்னால் இருக்கும் படத்தை முகப்பு படமாக வைத்து பலரும் பிரசாரத்திற்கு ஆதரவு தெரிவித்து வருகின்றனர்.
News March 26, 2024
நடிகை நேகா ஷர்மாவை களமிறக்க காங்கிரஸ் திட்டம்
பீகார் மக்களவைத் தேர்தலில் பாலிவுட் நடிகை நேகா ஷர்மாவை களமிறக்க அம்மாநில காங்கிரஸ் திட்டமிட்டுள்ளதாக தகவல் வெளியாகியுள்ளது. பாகல்பூர் மக்களவைத் தொகுதி காங்கிரஸுக்கு ஒதுக்கப்பட்டால், நேகா போட்டியிட வாய்ப்புள்ளதாக அவரது தந்தையும் பீகார் மாநில காங்கிரஸ் மூத்த தலைவருமான எம்.எல்.ஏ அஜித் ஷர்மா கூறியுள்ளார். இந்தி, தெலுங்கு உட்பட பல மொழிகளில் 17 திரைப்படங்களில் நேகா ஷர்மா நடித்துள்ளார்.
News March 26, 2024
ரச்சினுக்கு பவுலிங் வாய்ப்பு வழங்கப்படுமா ?
குஜராத் அணியில் தமிழக வீரர்கள் அதிகளவில் உள்ளதால் சி.எஸ்.கே அணிக்கு சற்று அழுத்தம் ஏற்படும் என அணியின் பயிற்சியாளர் ஸ்டீபன் ஃபிளெமிங் கூறியுள்ளார். தொடர்ந்து பேசிய அவர், “தொடக்க பேட்டிங் வரிசையில் அனைத்து வீரர்களையும் களமிறக்கி சோதனை செய்ய தயாராக உள்ளோம். ஆல்ரவுண்டர் ரச்சின் ரவீந்திராவுக்கு பவுலிங் வாய்ப்பும் தரப்படும். கேப்டன் ருதுராஜ் கெய்க்வாட்டுக்கு கூடுதல் பொறுப்பு ஏற்பட்டுள்ளது” என்றார்.
News March 26, 2024
பதவி விலகுவதாக அறிவித்த போயிங் நிறுவன சி.இ.ஓ
அமெரிக்காவை தலைமையிடமாக கொண்டு செயல்பட்டு வரும் போயிங் நிறுவனத்தின் சி.இ.ஓ பதவியை டேவ் கால்ஹவுன் ராஜினாமா செய்யவுள்ளதாக அறிவித்துள்ளார். அலாஸ்கா ஏர்லைன்ஸ் விமானம் விபத்துக்குள்ளானதை அடுத்து போயிங் தயாரிக்கும் விமானங்களில் தரம் & பாதுகாப்பு குறைபாடு இருப்பதாகக் குற்றச்சாட்டு எழுந்தது. இதன் காரணமாக கால்ஹவுன் தனது பொறுப்பிலிருந்து விலக முடிவெடுத்துள்ளதாகக் கூறப்படுகிறது.
News March 26, 2024
மார்ச் 26 வரலாற்றில் இன்று!
*1552 – குரு அமர்தாஸ் சீக்கியரின் 3ஆவது குருவானார். *1892 – அமெரிக்கக் கவிஞர் வால்ட் விட்மன் மறைந்த நாள். *1934 – பிரிட்டனில் வாகன ஓட்டுனர்களுக்கான சோதனை அறிமுகப்படுத்தப்பட்டது. *1971 – வங்காளதேச விடுதலைப் போர் மூண்டது. *2000 – புதின் ரஷ்யாவின் அரசுத்தலைவராகத் தேர்ந்தெடுக்கப்பட்டார். *2005 – கிளிநொச்சியில் தமிழீழத் தேசிய தொலைக்காட்சி தொடங்கப்பட்டது. *2006 – அறிவியல் தமிழ் மாநாடு நடந்தது.
News March 26, 2024
பாலியல் தொழிலாளிகளின் வலியை பேசிய மிருணாள்
சீதா ராமம் படம் மூலம் தமிழ் ரசிகர்களின் கவனத்தை ஈர்த்தவர் நடிகை மிருணாள் தாக்கூர். பாலியல் தொழிலாளியை மையப்படுத்திய இந்திப் படமொன்றில் அவர் நடிக்கவுள்ளார். அவர்களைப் பற்றி அறிந்துகொள்ள ரெட் லைட் பகுதி ஒன்றுக்கு நேரடியாக சென்ற அவர், அவர்கள் படுகிற கஷ்டங்களைக் கேட்டறிந்துள்ளார். இதன் பின்னர் தான் அவர் தனது பேட்டியில், அவர்களின் வலியும் வேதனையும் கொடுமையானது எனப் பதிவு செய்திருக்கிறார்.
News March 26, 2024
வெளிநாட்டில் இருந்த ராகுல்
2019 இல் குடியுரிமை திருத்த சட்டத்துக்கு எதிராக டெல்லியில் நடந்த போராட்டத்தில் காங்கிரஸ் தலைவர்கள் யாரும் பங்கேற்கவில்லை என்று கேரள முதல்வர் பினராயி விஜயன் கூறியுள்ளார். கண்ணூரில் பேசிய அவர், “இடதுசாரி தலைவர்கள் மட்டுமே டெல்லி போலீசாரால் கைது செய்யப்பட்டபோது, ராகுல் காந்தி வெளிநாடு சென்றிருந்தார். அப்போது ஆலப்புழா எம்.பி. ஆரிப் மட்டுமே குடியுரிமை திருத்த சட்டத்துக்கு எதிராக பேசினார்” என்றார்.
News March 26, 2024
CSK Vs GT: வெல்லப்போவது யார்?
ஐபிஎல் தொடரில் சென்னை சூப்பர் கிங்ஸ் & குஜராத் டைட்டன்ஸ் அணிகள் இதுவரை 5 முறை நேருக்கு நேர் மோதியுள்ளன. இதில் CSK 2 முறையும், GT 3 முறையும் வென்றுள்ளன. இந்தாண்டு ஐபிஎல் தொடரில் CSK, GT அணிகளுக்கு இடையேயான முதல் போட்டி சேப்பாக்கம் மைதானத்தில் இன்று இரவு 7.30 மணிக்கு தொடங்குகிறது. இன்றைய போட்டியில் எந்த அணி வெற்றி பெறும் என நீங்கள் நினைக்கிறீர்கள்? என்று இங்கே குறிப்பிடவும்.
Featured News
Sorry, no posts matched your criteria.