India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 24, 2024
திருப்பதி தரிசன டிக்கெட் நாளை வெளியீடு
ஜூன் மாதத்துக்கான திருப்பதி ஏழுமலையான் கோயிலின் ரூ.300 தரிசன டிக்கெட்டுக்கான ஆன்லைன் முன்பதிவு நாளை (மார்ச் 25) வெளியிடப்பட உள்ளன. பக்தர்கள் கூட்டத்தினால் சாமி தரிசனத்துக்கு பல மணி நேரம் காத்திருப்பதைத் தவிர்க்க 3 மாதத்துக்கு முன்பே, டிக்கெட்டுகள் வெளியிடப்படுகின்றன. அதன்படி, ஜூன் மாதத்துக்கான ரூ.300 தரிசன டிக்கெட்டுகள், தேவஸ்தான இணையதளத்தில் நாளை காலை 10 மணிக்கு துவங்குகிறது.
News March 24, 2024
BREAKING: பாஜக கூட்டணியில் மோதல்
மகாராஷ்டிராவில் பாராமதி தொகுதியில் போட்டியிடுவது தொடர்பாக ஆளும் பாஜக கூட்டணியில் மோதல் வெடித்துள்ளது. அக்கூட்டணியில் இடம்பெற்றிருக்கும் தேசியவாத காங்கிரஸ் (அஜித் பவார்) கட்சிக்கு பாராமதி தொகுதி ஒதுக்கப்பட்டுள்ளது. அதே தொகுதியில் போட்டியிட பாஜக கூட்டணியைச் சேர்ந்த சிவசேனா (ஏக்நாத் ஷிண்டே) கட்சியும் முயல்கிறது. இதனால், கூட்டணியில் இருந்து வெளியேறுவோம் என்று அஜித் பவார் எச்சரித்துள்ளார்.
News March 24, 2024
அரைசதம் கடந்தார் சஞ்சு சாம்சன்
ஐபிஎல்லில் இன்று நடைபெற்று வரும் லக்னோ அணிக்கு எதிரான போட்டியில் நிதானமாக ஆடிவரும் ராஜஸ்தான் வீரர் சஞ்சு சாம்சன் அரைசதம் கடந்துள்ளார். தற்போது வரை ராஜஸ்தான் அணி 14 ஓவர்கள் முடிவில் 128/2 ரன்கள் எடுத்துள்ளது. தொடக்க ஆட்டக்காரர்களாக ஜெய்ஷ்வால் 24, பட்லர் 11 ரன்களில் ஆட்டமிழந்தனர். சஞ்சு 58, ரியான் பராக் 32 ரன்களுடன் களத்தில் உள்ளனர். ராஜஸ்தான் எவ்வளவு ரன்கள் அடிக்கும் என நினைக்கிறீர்கள்?
News March 24, 2024
மீண்டும் செங்கல்லை கையில் எடுத்த உதயநிதி
2019ஆம் ஆண்டு செங்கல்லை வைத்து பிரசாரம் செய்தார் உதயநிதி ஸ்டாலின். அந்த தேர்தலில் திமுக 38 தொகுதிகளில் பெருவெற்றி பெற்றது. அதன்பின், 2021ஆம் ஆண்டிலும் உதயநிதி செங்கல் பிரசாரம் செய்தார். திமுக ஆட்சிக் கட்டிலில் அமர்ந்தது. இந்த வெற்றிகளுக்கு உதயநிதியின் பிரசாரம் கை கொடுத்ததாக திமுகவினர் சொல்வதுண்டு. அந்த வரிசையில் இன்று பெரியகுளத்தில் செங்கலுடன் பிரசாரம் செய்தார் உதயநிதி ஸ்டாலின்.
News March 24, 2024
மூன்று நாள்கள் தொடர் விடுமுறை
இந்த வார இறுதியான 29ஆம் தேதி கிறிஸ்தவர்களின் முக்கிய நாளான ‘புனித வெள்ளி’ வருகிறது. அன்றைய தினம் தமிழக அரசின் பொது விடுமுறை என்பதால், அதனுடன் சனி, ஞாயிறு சேர்ந்து 3 நாள்கள் தொடர் விடுமுறை கிடைக்க இருக்கிறது. இந்த நாள்களில் ஊட்டி, கொடைக்கானல் போன்ற சுற்றுலா தலங்கள் மக்கள் நெருக்கடியுடன் காணப்படும். உங்களது பயணங்களை முன்கூட்டியே முறையாக திட்டமிடுங்கள்.
News March 24, 2024
ஜெயம் ரவி நடிக்கும் ‘ஜீனி’
அர்ஜுனன் ஜூனியர் இயக்கும் புதிய படத்தில் ஜெயம் ரவி நடிக்க உள்ளதாக படக்குழு அறிவித்துள்ளது. ஐசரி கணேஷ் தயாரிக்கும் இப்படத்திற்கு, ‘ஜீனி’ (Genie) என பெயரிடப்பட்டுள்ளது. ஏ.ஆர்.ரஹ்மான் இசையமைக்கும் இப்படமானது தமிழ், தெலுங்கு, ஹிந்தி ஆகிய 3 மொழிகளில் வெளியாகவுள்ளது. இதில் ஜெயம் ரவிக்கு ஜோடியாக கல்யாணி, கீர்த்தி ஷெட்டி, வாமிகா ஆகியோர் நடிக்கின்றனர். படத்தின் 1st லுக் போஸ்டரை படக்குழு வெளியிட்டுள்ளது.
News March 24, 2024
போலி ஆவணம் மூலம் 21 லட்சம் சிம்கார்டுகள்
போலி ஆவணம் மூலம் 21 லட்சம் சிம்கார்டுகள் வாங்கப்பட்டிருப்பதை மத்திய தொலைத் தொடர்பு ஆணையம் கண்டுபிடித்துள்ளது. இதுதொடர்பாக ஜியோ, ஏர்டெல், வோடாபோன், பிஎஸ்என்எல் நிறுவனங்களுக்கு அந்த ஆணையம் எச்சரிக்கை விடுத்துள்ளது. அதில், 21.08 லட்சம் சிம்கார்டு இணைப்புகளை ஆவணங்களுடன் மறுஒப்பீடு செய்யும்படியும், இதில் போலி என்பது உறுதியானால் இணைப்பை துண்டிக்கும்படியும் கேட்டுக் கொள்ளப்பட்டுள்ளது.
News March 24, 2024
2024 ஐபிஎல் தொடரின் குரூப் விவரம் வெளியானது
2024 ஐபிஎல் தொடரின் குரூப் விவரங்கள் வெளியாகியுள்ளது. குரூப் A-இல், மும்பை, கொல்கத்தா, ராஜஸ்தான், டெல்லி, லக்னோ ஆகிய அணிகளும், குரூப் B-இல் சென்னை, பெங்களூரு, பஞ்சாப், குஜராத், ஐதராபாத் ஆகிய அணிகளும் இடம்பெற்றுள்ளன. ஒவ்வொரு அணியும் தங்கள் குரூப்பில் உள்ள அணிகளுடன் ஒரு முறையும், மற்ற குரூப்பில் உள்ள அணிகளுடன் தலா 2 முறையும் மோத வேண்டும். போட்டிகளை குறைக்கவே இந்த புதிய முறை கொண்டு வரப்பட்டுள்ளது.
News March 24, 2024
மொபைல் வெடித்ததில் நான்கு குழந்தைகள் பலி
மொபைல் போன் வெடித்ததில் 4 குழந்தைகள் உயிரிழந்தது சோகத்தை ஏற்படுத்தியுள்ளது. உ.பி., மாநிலம் மீரட்டில், வீட்டில் சார்ஜ் போட்டிருந்த மொபைல் போன், குறைந்த மின்னழுத்தம் காரணமாக வெடித்துள்ளது. உடனடியாக தீ வீடு முழுவதும் பரவியதில் கலு (6), கோலு (5), நிஹாரிகா (8), சரிகா (12) ஆகியோர் உயிரிழந்தனர். குழந்தைகளை காப்பாற்ற முயன்ற பெற்றோர்கள் கடும் தீக்காயங்களுடன் மருத்துவமனையில் சிகிச்சை பெற்று வருகின்றனர்.
News March 24, 2024
கட்டணத்தை உயர்த்தியது SBI வங்கி
SBI வங்கியின் புதிய கட்டண முறைகள் ஏப்ரல் 1ஆம் தேதி முதல் அமலுக்கு வருகின்றன. அதன்படி, மற்ற வங்கியின் ATMகளில் 3 முறை மட்டுமே இலவசமாக பணம் எடுக்க முடியும். SBI வங்கி ATMகளில் 5 முறை இலவசமாக எடுக்கலாம். இதற்கு மேல் மற்ற வங்கியின் ATMகளை பயன்படுத்தினால் ₹20 + GST கட்டணமும், SBI ATMகளுக்கு ₹10 + GST கட்டணமும் வசூலிக்கப்படும். வங்கிக் கணக்கில் பணம் இல்லாமல் போனால் ₹20 + GST கட்டணம் வசூலிக்கப்படும்.
Featured News
Sorry, no posts matched your criteria.