India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 4, 2024
தமிழகத்தில் அதிமுக கூட்டணி; புதுவையில் பாஜக கூட்டணி
மக்களவைத் தேர்தலில் தமிழகத்தில் அதிமுகவுக்கு ஆதரவளித்த புரட்சி பாரதம் கட்சி, புதுச்சேரியில் பாஜக கூட்டணிக்கு ஆதரவு அளித்துள்ளது. மக்களவைத் தேர்தலில் அதிமுக சீட் தராததால் அதிருப்தியில் இருந்த அக்கட்சி, சட்டமன்றத் தேர்தலில் கூடுதல் இடம் ஒதுக்குவதாக அதிமுக உறுதியளித்த பின் கூட்டணியில் தொடருவதாக அறிவித்தது. இந்நிலையில் புதுவையில் புரட்சி பாரதம் பாஜகவுக்கு ஆதரவு அளிப்பது விமர்சனத்தை ஏற்படுத்தியுள்ளது.
News April 4, 2024
IPL: வெற்றிப் பாதைக்கு திரும்புமா பஞ்சாப்?
குஜராத் – பஞ்சாப் அணிகளுக்கு இடையேயான 17ஆவது ஐபிஎல் போட்டி, இன்றிரவு 7.30 மணிக்கு நரேந்திர மோடி மைதானத்தில் நடைபெற உள்ளது. தொடர்ந்து 2 போட்டிகளில் தோல்வி அடைந்த பஞ்சாப் அணி, வெற்றிப் பாதைக்கு திரும்புமா? என ரசிகர்கள் ஆவலுடன் உள்ளனர். அதே சமயம், ஷுப்மன் கில் தலைமையிலான குஜராத் அணி 2 போட்டிகளில் வெற்றி பெற்று வலுவான நிலையில் உள்ளதால், போட்டி விறுவிறுப்பாக இருக்கும். யார் வெற்றி பெறுவார்?
News April 4, 2024
நயன்தாராவுக்கு ரூ.12 கோடி சம்பளமா?
நடிகை நயன்தாரா தனது சம்பளத்தை ரூ.12 கோடியாக உயர்த்தியுள்ளதாக இணையத்தில் தகவல் கசிந்துள்ளது. 20 வருடங்களுக்கு மேலாக நடித்து வரும் நயன்தாரா, தனக்கு முக்கியத்துவம் அளிக்கும் கதைகளில் ஆர்வம் காட்டி வருகிறார். சமீபத்தில் ஷாருக்கான் உடன் நடித்த ‘ஜவான்’ திரைப்படம் ரூ.1,000 கோடிக்கு மேல் வசூலை குவித்தது. தொடர்ந்து வெற்றி படங்களை கொடுத்து வரும் அவர், தற்போது தனது சம்பளத்தை ரூ.12 கோடியாக உயர்த்தியுள்ளார்.
News April 4, 2024
வாட்ஸ் அப் சேவை சீரானது
உலக அளவில் முடங்கியிருந்த வாட்ஸ் அப் சேவை, தற்போது சீரானதாக வாட்ஸ் அப் நிறுவனம் தெரிவித்துள்ளது. நள்ளிரவு 12 மணியளவில் திடீரென வாட்ஸ் அப் சேவை முடங்கியதால், பயனர்கள் அதிர்ச்சி அடைந்தனர். பெரும்பாலான பயனர்கள் மெசேஜ் அனுப்புவதில் சிக்கலை எதிர்கொண்டதாக தெரிவித்திருந்த நிலையில், அனைத்து விதமான பிரச்னைகளும் சரி செய்யப்பட்டு விட்டதாக வாட்ஸ் அப் நிறுவனம் தெரிவித்துள்ளது. உங்க வாட்ஸ் அப் ஒர்க் ஆகுதா?
News April 4, 2024
இன்றைய தலைப்புச் செய்திகள்
▶தமிழகத்தில் ஏப்.18, 19 அன்று விளம்பரம் வெளியிட அரசியல் கட்சிகளுக்குத் தடை
▶கேப்டனை போல் வாழ்நாள் முழுவதும் மக்களுக்காக பாடுபடுவேன்: பிரேமலதா
▶பிரதமர் மோடி, நிர்மலா சீதாராமன் பொய் செய்தியை பரப்புகின்றனர்: செல்வப்பெருந்தகை
▶தமிழகத்தில் அடுத்த 5 நாள்களுக்கு வெயிலின் தாக்கம் அதிகமாக இருக்கும்
▶நிர்மலா சீதாராமன் கந்துவட்டிக்காரர் போல செயல்படுகிறார்: முதல்வர் ஸ்டாலின்
▶ஐபிஎல்: கொல்கத்தா அணி வெற்றி
News April 4, 2024
டாப் 10 பணக்காரா்கள் பட்டியலில் அம்பானி
இந்தியாவின் டாப் பணக்காரராக தொடா்ந்து வரும் ‘ரிலையன்ஸ்’ குழுமத் தலைவா் முகேஷ் அம்பானி, உலகின் டாப் 10 பணக்காரா்கள் பட்டியலில் இணைந்துள்ளார். அண்மையில், ‘ஃபோா்ப்ஸ்’ (Forbes) இதழ் 100 கோடி டாலருக்கும் அதிகமான சொத்துகள் கொண்ட பணக்காரர்களின் பட்டியலை வெளியிட்டது. அதில், 11,600 கோடி டாலா் சொத்துகளுடன் அம்பானி 9ஆவது இடத்திலும், 8,400 கோடி டாலா் சொத்துகளுடன் கௌதம் அதானி 17ஆவது இடத்தில் உள்ளனர்.
News April 4, 2024
நேருக்கு நேர் மோத முடியுமா?
நாம் தமிழர் கட்சியை ஒழித்துவிடுவேன் என அதிகார திமிரில் ஆட வேண்டாமென அண்ணாமலைக்கு சீமான் எச்சரிக்கை விடுத்துள்ளார். மயிலாப்பூரில் தேர்தல் பிரசாரம் மேற்கொண்ட அவர், “தம்பி அண்ணாமலை நீ எடுத்திருக்கிறது வெறும் போலீஸ் டிரெய்னிங். நான் எடுத்திருக்கிறது போராளி டிரெய்னிங். தைரியமிருந்தால் நேருக்கு நேர் மோத முடியுமா? தமிழகத்திற்கு பாஜக ஏன் தேவைப்படுகிறது என்பதை விவாதிக்க தயாரா?” என கேள்வி எழுப்பியுள்ளார்.
News April 4, 2024
ஸ்ரீதேவி வாழ்க்கை வரலாறு படமாக்கப்படாது
ஸ்ரீதேவி வாழ்க்கை வரலாறு படமாக்கப்படாது என அவரது கணவரும், தயாரிப்பாளருமான போனிகபூர் தெரிவித்துள்ளார். நேர்காணல் ஒன்றில் பேசிய அவர், “ஸ்ரீதேவி என்னைவிட ஆன்மிகத்தில் அதிக ஈடுபாடு கொண்டவர். அவர் பொது வாழ்க்கையைவிட தனிப்பட்ட வாழ்க்கையை அதிகம் விரும்புபவர். அதனால், அவரது வாழ்க்கை வரலாறு படமாக்கப்படாது என நினைக்கிறேன். நான் உயிரோடு இருக்கும் வரை அதை அனுமதிக்கவும் மாட்டேன்” எனத் தெரிவித்தார்.
News April 4, 2024
இன்றைய நல்ல நேரம்
▶ஏப்ரல் – 4, பங்குனி – 22 ▶கிழமை – வியாழன்
▶நல்ல நேரம்: 10:30 AM – 11:30 AM
▶கெளரி நல்ல நேரம்: 12:30 AM – 1:30 AM, 6:30 PM – 7:30 PM
▶ராகு காலம்: 1:30 PM – 3:00 PM
▶எமகண்டம்: 6:00 AM – 7:30 AM
▶குளிகை நேரம்: 9:00 AM – 10:30 AM
▶பிறை: தேய்பிறை ▶சூலம்: தெற்கு
▶பரிகாரம்: தைலம் ▶திதி: ஏகாதசி
▶நட்சத்திரம்: 8:12 PM வரை திருவோணம் பிறகு அவிட்டம்
News April 4, 2024
TNPL கிரிக்கெட் தொடர் அட்டவணை வெளியீடு
2024 தமிழ்நாடு பிரீமியர் லீக் (TNPL) கிரிக்கெட் தொடர் அட்டவணை இணையத்தில் வெளியாகியுள்ளது. அதன்படி, ஜூலை 5 முதல் ஆகஸ்ட் 4ஆம் தேதி வரை இத்தொடர் நடைபெற உள்ளது. சேலத்தில் நடைபெறும் முதல் போட்டியில், லைகா கோவை கிங்ஸ் – சேப்பாக் சூப்பர் கில்லீஸ் அணிகள் மோதுகின்றன. நெல்லை, திண்டுக்கல், கோவை, சேலம், சென்னை ஆகிய இடங்களில் போட்டிகள் நடைபெற உள்ளது. இறுதிப்போட்டி சென்னை சேப்பாக்கத்தில் நடைபெறுகிறது.
Featured News
Sorry, no posts matched your criteria.