News April 18, 2024
மன்சூர் அலிகானின் உடல்நிலை முன்னேற்றம்
குடியாத்தத்தில் நேற்று தேர்தல் பரப்புரையின்போது நடிகர் மன்சூர் அலிகானுக்கு நெஞ்சுவலி ஏற்பட்டது. உடனே தனியார் மருத்துவமனையில் சிகிச்சைக்காக அனுமதிக்கப்பட்ட அவர், மேல் சிகிச்சைக்காக சென்னை அழைத்து வரப்பட்டார். தொடர்ந்து ஐசியூவில் தீவிர சிகிச்சை பெற்று வரும் அவரது உடல்நிலையில் சற்று முன்னேற்றம் ஏற்பட்டுள்ளதாக மருத்துவமனை வட்டாரங்கள் தகவல் தெரிவிக்கின்றன.
Similar News
News November 12, 2025
உலகக்கோப்பைக்கு பிறகு என் உலகமே மாறியது: தீப்தி
மகளிர் ODI WC-க்கு பிறகு தனது வாழ்க்கையே மாறிவிட்டதாக இந்திய வீராங்கனை தீப்தி சர்மா தெரிவித்துள்ளார். முன்பு பொது இடங்களில் சென்றால், யாருக்கும் தன்னை தெரியாது. ஆனால், இப்போது மாஸ்க் அணிந்து சென்றாலும், கண்டுபிடித்து தன்னை பாராட்டுகின்றனர். கனவில் இருப்பது போல் உள்ளது என அவர் தெரிவித்துள்ளார். ODI WC-ல் 215 ரன்கள் + 22 விக்கெட்களை எடுத்து, தீப்தி தொடர் நாயகி விருது வென்றது குறிப்பிடத்தக்கது.
News November 12, 2025
PAK குற்றச்சாட்டு பழைய யுத்தி: இந்தியா
<<18263443>>பாகிஸ்தானில் நடந்த கார் வெடி விபத்துக்கு<<>> இந்தியா தான் காரணம் என அந்நாட்டு PM குற்றஞ்சாட்டியிருந்தார். இது அடிப்படை ஆதாரமற்றது என மறுத்துள்ள இந்தியா, சொந்த நாட்டு பிரச்னைகளில் இருந்து மக்களை திசைதிருப்ப பாக்., மேற்கொள்ளும் பழைய யுத்தி இது என்றும் சாடியுள்ளது. மேலும், இது குறித்த போதிய தெளிவு இருப்பதால், உலக நாடுகள் பாகிஸ்தானின் பொய்யை நம்பமாட்டார்கள் என்றும் தெரிவித்துள்ளது.
News November 12, 2025
‘ஜனநாயகன்’ படத்தை சன் டிவி வாங்கியதா?
‘ஜனநாயகன்’ படத்தை சன் டிவி வாங்கியதாக காட்டுத்தீ போல் தகவல் பரவி வருகின்றன. மேடைகளில் திமுகவை திட்டிவிட்டு, படத்தை மட்டும் அவர்களது டிவிக்கு விஜய் விற்பதாக அரசியல் விமர்சனங்கள் எழுந்தன. ஆனால், இது வதந்தி எனவும், அப்படத்தின் சேட்டிலைட் உரிமம் இன்னும் விற்கப்படவில்லை என நம்பத்தகுந்த வட்டாரங்கள் தெரிவிக்கின்றன. ஜீ டிவி, விஜய் டிவி ஆகியவை தான் அப்படத்தை வாங்க பேச்சுவார்த்தை நடத்தி வருகிறதாம்.