India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 1, 2024
வன்கொடுமை குற்றவாளிக்கு மோடி பாதுகாப்பு அளிக்கிறார்
கர்நாடக பெண்களுக்கு எதிரான கொடூரமான குற்றங்கள் குறித்து பிரதமர் மோடி மௌனம் காப்பது வெட்கக்கேடானது என ராகுல் காந்தி கண்டித்துள்ளார். பாஜக கூட்டணியில் உள்ள JDS கட்சியின் வேட்பாளர் பிரஜ்வால் நாட்டை விட்டு எப்படி வெளியேறினார் என கேள்வி எழுப்பிய ராகுல், எல்லாம் தெரிந்திருந்தும் வாக்குக்காக கைசர்கஞ்ச் முதல் கர்நாடகா வரையில் உள்ள, வன்கொடுமை குற்றவாளிகளுக்கு மோடி பாதுகாப்பு அளிக்கிறார் எனச் சாடினார்
News May 1, 2024
தமிழகப் பயணிக்கு கர்நாடகா அரசு ₹1 லட்சம் இழப்பீடு
கடந்த ஆண்டு கர்நாடக அரசுப் பேருந்தில் விழுப்புரத்தைச் சேர்ந்த தெய்வசிகாமணி பெங்களூருவுக்கு பயணித்தார். அப்போது, அவர் கொண்டு சென்ற சமையல் எண்ணெய்க்கு ₹200 லக்கேஜ் கட்டணம் செலுத்தும்படி நடத்துநர் கேட்டுள்ளார். அவர் ₹50 தர முன்வந்ததால், பாதி வழியிலேயே இறக்கிவிடப்பட்டார். இந்த வழக்கை விசாரித்த விழுப்புரம் நுகர்வோர் நீதிமன்றம் அவருக்கு ₹1 லட்சம் இழப்பீடு வழங்க கர்நாடக அரசுக்கு உத்தரவிட்டுள்ளது.
News May 1, 2024
பாஜக வென்றால் மோடி பிரதமராகக் கூடாது
மோடி மீண்டும் பிரதமராகக் கூடாது என சுப்பிரமணியன் சாமி தெரிவித்துள்ளார். பாஜக மீண்டும் ஆட்சிக்கு வந்தால் மோடி அல்லாத வேறு ஒருவர் அந்த பதவிக்கு பொறுப்பேற்க வேண்டும் என்ற அவர், மோடி ஆட்சியில் இந்தியாவில் எந்தவொரு துறையும் வளர்ச்சி அடையவில்லை என்றார். மேலும் பேசிய அவர், பிரதமரின் பொறுப்பற்ற ஆட்சியால், இந்தியாவுடன் நட்பாக இருந்த நாடுகள் கூட, தற்போது எதிர்ப்பதாகவும் தெரிவித்தார்.
News May 1, 2024
விருதுநகர் கல்குவாரி உரிமையாளர் கைது
விருதுநகர் அருகே கல்குவாரியில் வெடிபொருட்களை இறக்கும்போது ஏற்பட்ட விபத்தில் 3 பேர் உயிரிழந்தனர். இவ்விபத்தில், மேலும் சிலர் சிக்கியுள்ளதாகக் கூறப்படும் நிலையில், மீட்புப் பணியில் தொய்வு ஏற்பட்டுள்ளது. தொடர்ந்து, குவாரியை நிரந்தரமாக மூடக்கோரி அப்பகுதி மக்கள் போராட்டத்தில் ஈடுபட்டுள்ளனர். இதனிடையே, குவாரியின் உரிமையாளர் தலைமறைவான நிலையில், தீவிர தேடுதலுக்கு பின் போலீசார் அவரை கைது செய்தனர்.
News May 1, 2024
70,772 கிலோ ஹெராயினை காணவில்லையா?
70,772 கிலோ ஹெராயின் காணாமல் போனது தொடர்பாக மத்திய அரசு பதிலளிக்க மத்திய அரசுக்கு டெல்லி உயர்நீதிமன்றம் உத்தரவிட்டுள்ளது. 2018 – 2020 வரை போதைப்பொருள் தடுப்புப் பிரிவினரால் பறிமுதல் செய்யப்பட்ட போதைப் பொருள்கள் காணாமல் போன விவகாரத்தில் விசாரணை நடத்தக் கோரி பத்திரிகையாளர் அரவிந்தாக்சன் வழக்குத் தொடுத்திருந்தார். காணாமல் போன 70,772 கிலோ ஹெராயினின் மதிப்பு ₹5 லட்சம் கோடி என்பது குறிப்பிடத்தக்கது.
News May 1, 2024
பிரித்தாளும் சூழ்ச்சியை பிரதமர் கையாளக்கூடாது
பிரதமர் மதம், சாதிக்கு அப்பாற்பட்டவராக இருக்க வேண்டுமே தவிர, பிரித்தாளும் சூழ்ச்சியைக் கையாளக் கூடாது என்று அதிமுக முன்னாள் அமைச்சர் ஜெயக்குமார் கூறியுள்ளார். இஸ்லாமியர்கள் குறித்து மோடி பேசியது தொடர்பாக கருத்து தெரிவித்த அவர், “வாக்கு வங்கிக்காக மத அரசியல் செய்யும் பிரதமரைக் கண்டிக்கிறோம். அதிமுகவைப் பொறுத்தவரை அது வெறுப்புப் பேச்சு. அவசியப்படும் இடங்களில் பாஜகவை வன்மையாகக் கண்டிப்போம்” என்றார்.
News May 1, 2024
சென்னையின் அடையாளம் ‘பிராட்வே’ பேருந்து நிலையம்
ஜார்ஜ் கோட்டையைச் சுற்றி வளர்ந்த சென்னை நகரின் முக்கிய அடையாளங்களுள் ஒன்று ‘பிராட்வே’ சாலை. வட சென்னையை மத்திய சென்னையுடன் இணைக்கும் இந்த சாலையின் தெற்கு முனையில்தான் பிரம்மாண்ட ‘பிராட்வே பேருந்து நிலையம்’ அமைந்துள்ளது. கோயம்பேடு, கிளாம்பாக்கம் ஆகிய நவீன சென்னை புறநகர் பேருந்து நிலையங்களுக்கு முன்னோடி பிராட்வேதான். தற்போது இதனை நவீனமாக்க தமிழக அரசு திட்டமிட்டுள்ளது.
News May 1, 2024
ஜூன் மாதம் புதிய ரேஷன் ஸ்மார்ட் கார்டுகள்
மக்களவைத் தேர்தல் காரணமாக நிறுத்தி வைக்கப்பட்டுள்ள புதிய ரேஷன் ஸ்மார்ட் கார்டுகள் வழங்கும் பணி ஜூன் மாதம் தொடங்க உள்ளதாகவும், அதற்கான பணிகள் தற்போது தொடங்கப்பட்டு உள்ளதாகவும் அதிகாரிகள் தரப்பில் கூறப்பட்டுள்ளது. இதன் மூலம் விண்ணப்பம் செய்து காத்திருக்கும் 2.24 லட்சம் குடும்பங்களுக்கும், ஸ்மார்ட் கார்டு தொலைந்தவர்கள், திருத்தம் செய்தவர்களுக்கும் புதிய கார்டு தடையின்றி கிடைக்கும் எனத் தெரிகிறது.
News May 1, 2024
ரூ.10 லட்சம் நிவாரணம் வழங்க இபிஎஸ் வலியுறுத்தல்
ஏற்காடு பேருந்து விபத்தில் உயிரிழந்தவர்களுக்கு ரூ.10 லட்சம் நிதியுதவி வழங்க வேண்டும் என இபிஎஸ் வலியுறுத்தியுள்ளார். விபத்தில் இறந்தவர்களுக்கு இரங்கல் தெரிவித்த அவர், உயிரிழந்தவர்களுக்கு ரூ.10 லட்சமும், பலத்த காயமடைந்தவர்களுக்கு ரூ.2 லட்சமும் வழங்க தமிழக அரசிடம் கோரிக்கை விடுத்துள்ளார். இந்த விபத்தில் 6 பேர் பலியான நிலையில், 60க்கு மேற்பட்டோர் மருத்துவமனையில் சிகிச்சை பெற்று வருகிறார்கள்.
News May 1, 2024
லோகேஷ் கனகராஜ் சட்டச் சிக்கலை எதிர்கொள்வாரா?
லோகேஷ் கனகராஜ் தான் இயக்கிய ‘விக்ரம்’, தயாரித்த ‘பைட் கிளப்’ போன்ற படங்களில் இளையராஜாவின் பாடல்களை பயன்படுத்தியுள்ளார். இப்போது ‘கூலி’ டீசரில் அனுமதி பெறாமல் தங்கமகன் படப் பாடலையும் மறுஉருவாக்கம் செய்து வெளியிட்டுள்ளார். காப்புரிமை சட்டத்தை மீறி இது போன்ற செயல்களில் தொடர்ந்து ஈடுபடுவதால், அவர் மீது இளையராஜா தரப்பு கோபத்தில் உள்ளதாம். இதனால் அவரும் சட்டச்சிக்கலை எதிர்கொள்ளலாமெனக் கூறப்படுகிறது.
Featured News
Sorry, no posts matched your criteria.