India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 21, 2024
இன்றைய நல்ல நேரம்!
▶ஏப்ரல் – 21 | ▶ சித்திரை – 08 ▶கிழமை: ஞாயிறு | ▶திதி: திரயோதசி ▶நல்ல நேரம்: காலை 07:30 – 08:30 வரை, மாலை 03:30 – 04:30 வரை ▶கெளரி நேரம்: காலை 10:30 – 11:30 வரை, மாலை 01:30 – 02:30 வரை ▶ராகு காலம்: காலை 04:30 – 06:00 வரை ▶எமகண்டம்: பிற்பகல் 12:30 – 01:30 வரை ▶குளிகை: காலை 03:00 – 04:30 வரை ▶சந்திராஷ்டமம்: உத்திராடம், திருவோணம் ▶சூலம்: மேற்கு ▶பரிகாரம்: வெல்லம்.
News April 21, 2024
தமிழ்நாட்டில் முதல்முறையாக வரையாடுகள் கணக்கெடுப்பு
தமிழ்நாட்டின் மாநில விலங்கான வரையாடுகள் அரிய வகை விலங்குகள் பட்டியலில் இடம்பெற்றுள்ளது. தமிழ்நாட்டில் ஒருங்கிணைந்த வரையாடுகள் கணக்கெடுப்பு பணி வரும், ஏப்.29 முதல் மே 1ம் தேதி வரை நடக்கிறது. நீலகிரி, முக்கூர்த்தி தேசிய பூங்கா முதல் கன்னியாகுமரி வன உயிரின சரணாலயம் வரையிலான, மேற்கு தொடர்ச்சி மலைகளில் அமைந்துள்ள வரையாடுகளின், 140 வாழ்விடங்களில் கணக்கெடுப்பு பணியை வனத்துறையினர் மேற்கொள்கின்றனர்.
News April 21, 2024
I.N.D.I.A கூட்டணியின் பிரதமர் வேட்பாளர் ராகுல் தான்
மதிமுகவை பொறுத்தவரை, I.N.D.I.A கூட்டணியின் பிரதமர் வேட்பாளர் ராகுல் காந்தி தான் என மதிமுக முதன்மை செயலாளரும், அக்கட்சியின் திருச்சி வேட்பாளருமான துரை வைகோ தெரிவித்துள்ளார். சென்னையில் பேசிய அவர், I.N.D.I.A கூட்டணி அமைவதற்கு முன்பாகவே பிரதமர் வேட்பாளர் ராகுல் தான் என தெரிவித்துள்ளேன். ஆட்சி மாற்றம் ஏற்படும்போது அவர் தான் பிரதமராக வருவார். இதில் எங்களுக்கு எந்த மாற்று கருத்தும் கிடையாது என்றார்
News April 21, 2024
ரஜினிக்கு வில்லனாக நடிக்கும் நாகார்ஜூனா?
‘வேட்டையன்’ படத்திற்கு பிறகு, லோகேஷ் கனகராஜ் இயக்கத்தில் ரஜினிகாந்த் நடிக்கும் ‘தலைவர்171’ படத்தில், அவருக்கு வில்லனாக நடிகர் நாகார்ஜூனா நடிக்க இருப்பதாக தகவல் வெளியாகியுள்ளது. இது குறித்த அதிகாரப்பூர்வ அறிவிப்பு விரைவில் வெளியாக உள்ளது. சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார். மேலும், இப்படத்தில் நடிகர் சத்யராஜ், ஸ்ருதிஹாசன் உள்ளிட்டோர் நடிக்க உள்ளதாக கூறப்படுகிறது.
News April 21, 2024
மகாராஷ்டிரா அடுக்குமாடி குடியிருப்பில் தீ விபத்து
மகாராஷ்டிரா மாநிலம் நவி மும்பையில் உள்ள அடுக்குமாடி குடியிருப்பில் நள்ளிரவில் திடீர் தீ விபத்து ஏற்பட்டது. 9ஆவது தளத்தில் ஏற்பட்ட தீயை, சம்பவ இடத்திற்கு விரைந்து வந்த தீயணைப்பு வீரர்கள் போராடி அணைத்தனர். தீ விபத்தில் மாயமான இருவரை தேடும் பணியில் மீட்பு படை வீரர்கள் ஈடுபட்டுள்ளனர். சேதங்கள் குறித்த விவரங்கள் வெளியாகவில்லை. குடியிருப்பில் சிக்கித் தவித்த 15 பேர் பாதுகாப்புடன் மீட்கப்பட்டனர்.
News April 21, 2024
T20: நியூசிலாந்தை வீழ்த்தியது பாகிஸ்தான்
நியூசிலாந்து அணிக்கு எதிரான 2ஆவது டி20 போட்டியில் 7 விக்கெட் வித்தியாசத்தில் பாகிஸ்தான் அணி வெற்றி பெற்றது. 5 போட்டிகள் கொண்ட டி20 கிரிக்கெட் தொடரில், முதல் டி20 போட்டி மழையால் ரத்து செய்யப்பட்டது. நேற்று நடைபெற்ற 2ஆவது டி20 போட்டியில், முதலில் ஆடிய நியூசிலாந்து அணி 18.1 ஓவரில் 90 ரன்களுக்கு அனைத்து விக்கெட்டையும் இழந்தது. பின்னர் ஆடிய பாகிஸ்தான் அணி 12.1 ஓவரில் 92/3 ரன்கள் எடுத்து வெற்றி பெற்றது.
News April 21, 2024
காங்கிரஸ் ஆட்சியில் இதனை கற்பனை செய்ய முடியுமா?
பிரமோஸ் ஏவுகணையை குறிப்பிட்டு காங்கிரஸ் ஆட்சியில் இதனை நாம் கற்பனை செய்து பார்க்க முடியுமா? என பிரதமர் மோடி வினவியுள்ளார். பெங்களூருவில் பிரசாரக் கூட்டத்தில் பேசிய அவர், ‘நேற்று இந்தியாவின் பிரமோஸ் ஏவுகணைகள் பிலிப்பைன்சுக்கு வழங்கப்பட்டுள்ளது. இதன் மூலம் நிறையப்பேருக்கு வேலை கிடைத்துள்ளது. தனது ஆட்சியில் HAL நிறுவனம் உற்பத்தியில், லாபம் ஈட்டுவதில் புதிய சாதனை படைத்துள்ளதாகவும் தெரிவித்துள்ளார்.
News April 21, 2024
ஏப்ரல் 21 வரலாற்றில் இன்று!
➤ 1526 – டெல்லியின் கடைசி சுல்தான் இப்ராகிம் லோடி முதலாவது பானிபட் போரில் கொல்லப்பட்டார். பாபர் இந்தியாவில் முகலாயப் பேரரசை நிறுவினார். ➤ 1944 – பிரான்சில் பெண்களுக்கு வாக்குரிமை கிடைத்தது. ➤ 1960 – பிரேசிலியா பிரேசில் நாட்டின் தலைநகராக ஆக்கப்பட்டது. ➤1964 – புரட்சிக்கவிஞர் பாரதிதாசன் மறைந்தார் ➤ 2019 – கொழும்புவில் தீவிரவாதிகள் நடத்திய தற்கொலைக் குண்டுத்தாக்குதல்களில் 268 பேர் கொல்லப்பட்டனர்.
News April 21, 2024
கர்நாடக துணை முதல்வர் மீது வழக்குப்பதிவு
கர்நாடகாவில் தேர்தல் நடத்தை விதிகளை மீறியதாக துணை முதல்வர் டி.கே.சிவக்குமார் மீது போலீசார் வழக்குப்பதிவு செய்துள்ளனர். பெங்களூரு புறநகர் தொகுதியில் போட்டியிடும் தனது சகோதரர் சுரேஷ்க்கு ஆதரவாக பிரசாரம் செய்த சிவக்குமார், பல்வேறு உத்தரவாதங்களை அளித்துள்ளார். காங்கிரஸுக்கு வாக்களிக்கும்படி வாக்காளர்களுக்கு அழுத்தம் கொடுப்பதாக தேர்தல் அதிகாரிகள் புகாரின் பேரில், வழக்குப்பதிவு செய்யப்பட்டுள்ளது.
News April 21, 2024
கோடையில் இந்த உணவுகளை தவிர்ப்பது நல்லது
கோடைக்காலத்தில் உடலை குளிர்ச்சியடையச் செய்யும் உணவுகளை எடுத்து கொள்வதோடு, உடல் சூட்டை அதிகரிக்கும் உணவுகளைத் தவிர்ப்பதும் அவசியம். அந்த வகையில், அதிகப்படியான டீ, காபி கார்பனேட்டடு குளிர்பானங்கள் அருந்துவதை தவிர்ப்பது நல்லது. எந்த பானம் பருகுவதாக இருந்தாலும், ஐஸ்கட்டிகளை தவிர்த்துவிடுங்கள். சீசன் பழங்களான மாம்பழம், பலா போன்ற பழங்களை அளவாக எடுத்துக் கொள்ளுங்கள். வெந்தயம் ஊற வைத்த நீரை பருகலாம்.
Featured News
Sorry, no posts matched your criteria.