India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 1, 2024
IPL: சென்னை அணி பேட்டிங்
சேப்பாக்கத்தில் இன்று நடைபெறும் ஐபிஎல் போட்டியில் டாஸ் வென்ற பஞ்சாப் அணி கேப்டன் சாம் கரண் பவுலிங் தேர்வு செய்தார். இதையடுத்து, இன்னும் சற்று நேரத்தில் CSK பேட்டிங் செய்ய உள்ளது. CSK அணியில் சிறு மாற்றமாக பதீரனா, தேஷ்பாண்டேவிற்குப் பதிலாக ரிச்சர்ட் க்ளாசென், ஷர்துள் விளையாடுகின்றனர். புள்ளிப் பட்டியலில் CSK நான்காவது இடத்திலும், PBKS 8ஆவது இடத்திலும் உள்ளது. இன்று எந்த அணி வெற்றிபெறும்?
News May 1, 2024
5 மாவட்டங்களில் இரவு 10 மணி வரை மழை
தமிழகத்தில் 5 மாவட்டங்களில் இரவு 10 மணி வரை இடி, மின்னலுடன் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, நீலகிரி மாவட்டத்தில் சில இடங்களில் இடி, மின்னலுடன் மழை பெய்யக் கூடும் எனக் கூறப்பட்டுள்ளது. இதேபோல, சேலம், திருப்பத்தூர், திருவண்ணாமலை, விருதுநகர் மாவட்டங்களிலும் சில இடங்களில் இரவு 10 மணி வரை லேசான மழை பெய்யக் கூடும் எனத் தெரிவிக்கப்பட்டுள்ளது.
News May 1, 2024
ஆஜராக 7 நாள்கள் அவகாசம் கேட்கும் பிரஜ்வால் ரேவண்ணா
பாலியல் புகாரில் சிக்கிய கர்நாடக எம்.பி பிரஜ்வால் விசாரணைக்கு ஆஜராக 7 நாள்கள் அவகாசம் கோரியுள்ளார். பிரஜ்வால் பெண்களுடன் நெருக்கமாக இருந்த வீடியோ வெளியான நிலையில், அவர் வெளிநாட்டில் தலைமறைவானார். இந்நிலையில், பிரஜ்வால் நேரில் ஆஜராக சிறப்பு புலனாய்வு குழு நோட்டீஸ் அனுப்பியிருந்தது. இதற்கு வழக்கறிஞர் மூலம் பதிலளித்துள்ள அவர், ஒரு வாரத்தில் நேரில் ஆஜராவதாக கூறியுள்ளார்.
News May 1, 2024
வாக்குறுதி என்ற பெயரில் மோடி பொய்களை கூறுகிறார்
பாஜக தொழிலாளர்களின் போராட்ட உரிமைகளை பறித்துள்ளதாக CPM தலைவர் ஜி.ராமகிருஷ்ணன் தெரிவித்துள்ளார. கடந்த 10 ஆண்டுகளாக ஆட்சியில் உள்ள பாஜக, மத ரீதியாக மக்களை பிளவுப்படுத்தியது மட்டுமல்லாமல், கார்ப்பரேட் ஆதரவு கொள்கையை கடைபிடிப்பதால் நாட்டு மக்களின் வாழ்வாதாரம் பாதிப்படைந்துள்ளதாக தெரிவித்தார். மேலும், வாக்குறுதி என்ற பெயரில் கணக்கற்ற பொய்களை பிரதமர் மீண்டும் கூறி வருவதாக குற்றம்சாட்டினார்.
News May 1, 2024
இணைந்து நடிக்க ஷாருக், அமீர், சல்மான் கான் ஒப்புதல்
புதிய படத்தில் இணைந்து நடிக்க ஷாருக் கான், அமீர் கான், சல்மான் கான் காத்திருக்கும் தகவல் வெளியாகியுள்ளது. இந்தி திரையுலகின் முப்பெரும் நட்சத்திரங்களான அவர்கள், இதுவரை இணைந்து ஒரு படத்தில் கூட நடித்ததில்லை. இந்நிலையில், தொலைக்காட்சி நிகழ்ச்சி ஒன்றில் பேசிய அமீர்கான், 3 பேரும் இணைந்து நடிக்க ஒப்புக் கொண்டிருப்பதாகவும், நல்ல கதை, இயக்குநருக்காக காத்திருப்பதாகவும் கூறியுள்ளார்.
News May 1, 2024
சந்திரசேகர் ராவ் பிரசாரம் செய்ய தேர்தல் ஆணையம் தடை
தெலங்கானா முன்னாள் முதல்வர் சந்திரசேகர் ராவ், 2 நாள் தேர்தல் பிரசாரம் செய்ய தேர்தல் ஆணையம் தடை விதித்துள்ளது. சிர்சில்லாவில் நடந்த பிரசாரக் கூட்டத்தில் சந்திரசேகர் ராவ் பேசியபோது, காங்கிரஸ் கட்சிக்கு எதிராக ஆட்சேபனைக்குரிய கருத்துகளை தெரிவித்ததாக கூறப்படுகிறது. இதுகுறித்து காங்கிரஸ் அளித்த புகாரின் பேரில் இன்றிரவு 8 மணி முதல் அடுத்த 48 மணி நேரத்துக்கு பிரசாரம் செய்ய தடை விதிக்கப்பட்டுள்ளது.
News May 1, 2024
திராட்சை ஊற வைத்த தண்ணீரின் நன்மைகள்
உலர் திராட்சை ஊற வைத்த தண்ணீரை தொடர்ந்து குடித்து வந்தால் பல நன்மைகள் கிடைக்கும். அவை என்னென்ன? * உடல் எடை குறையும் * உடலில் இருந்து நச்சுக்களை நீக்கும் * கல்லீரலை சுத்தம் செய்யும் * தூக்கமின்மையைப் போக்கும் * குடல் செயல்பாட்டை சீராக்கி, வயிறு பிரச்னையைப் போக்கும் * நோய் எதிர்ப்பு சக்தியை அதிகரிக்கும் *இரும்புச் சத்து குறைபாட்டை போக்கும் *இதய ஆரோக்கியத்திற்கு உதவும்.
News May 1, 2024
WC T20 அரையிறுதிக்கு செல்லும் அணிகளை கணித்த வாகன்
டி20 உலகக்கோப்பை தொடரில் அரையிறுதிக்கு முன்னேறும் 4 அணிகள் குறித்து மைக்கேல் வாகன், தனது கணிப்பை வெளிப்படுத்தி உள்ளார். அவரது கணிப்பின் படி, இங்கிலாந்து, ஆஸ்திரேலியா, தென்னாப்பிரிக்கா மற்றும் வெஸ்ட் இண்டீஸ் ஆகிய 4 அணிகளே அரையிறுதிக்கு தகுதி பெறும் என்று தெரிவித்துள்ளார். 2013க்கு பிறகு, இந்தியா ஐசிசி தொடர்களை வெல்லாததால், இந்திய அணிக்கு அரையிறுதி வாய்ப்பு மிகக் குறைவு என்றும் அவர் கூறியுள்ளார்.
News May 1, 2024
குரு பெயர்ச்சியால் இந்த ராசியினருக்கு சிக்கல்
குரு பார்க்க கோடி நன்மை என்கிறது ஜோதிட சாஸ்திரம். அந்த குருவின் பார்வையால் சில ராசியினர் கஷ்டங்களையும் அனுபவிக்க நேரிடும். அந்த வகையில், இன்றைய குரு பெயர்ச்சி ரிஷபம், மிதுனம், துலாம், தனுசு, மீன ராசியினருக்கு சில கஷ்டங்களை கொடுக்க உள்ளது. செய்யும் செயலில் தடங்கல், ஆரோக்கியத்தில் குறைபாடு, பணத் தடை, வீடு, நிலம் சார்ந்த பிரச்னைகள் என சிரமங்களை எதிர்கொள்ள உள்ளனர். பரிகாரங்கள் மூலம் நன்மை பெறலாம்.
News May 1, 2024
தமிழகம் முழுவதும் குருபெயர்ச்சி சிறப்பு வழிபாடு
குருபெயர்ச்சியை ஒட்டி திருச்செந்தூர், பாடி திருவலிதாயம், குருவித்துறை உட்பட பல்வேறு குருபகவான் ஆலயங்களில் சிறப்பு வழிபாடு நடைபெற்று வருகிறது. மிகவும் சிறப்புவாய்ந்த திருவாரூர் ஆலங்குடி குருபகவான் ஆலயத்தில் சிறப்பு அலங்காரத்தில் எழுந்தருளிய குருபகவானுக்கு மகா தீபாராதனை காட்டப்பட்டது. அங்கு பக்தர்கள் கூட்டம் அலைமோதி வருவதால், பாதுகாப்புப் பணிக்காக 500க்கும் மேற்பட்ட போலீசார் குவிக்கப்பட்டுள்ளனர்.
Featured News
Sorry, no posts matched your criteria.