India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 3, 2024
இன்று மாலை முதல் சிறப்புப் பேருந்து
முகூர்த்தம், வார விடுமுறையையொட்டி தமிழகம் முழுவதும் இன்று மாலை முதல் மே 5ஆம் தேதி வரை சிறப்புப் பேருந்துகள் இயக்கப்படுகின்றன. சென்னை கிளாம்பாக்கத்தில் இருந்து மதுரை, கடலூர், சிதம்பரம், கோவை, தி.மலை உள்ளிட்ட மாவட்டங்களுக்கும், ஞாயிறு அன்று சொந்த ஊர்களில் இருந்து திரும்ப ஏதுவாகவும் சிறப்புப் பேருந்துகள் இயக்கப்படுகின்றன. நெரிசலைத் தவிர்க்க www.tnstc.in, http://www.tnstc.in -இல் முன்பதிவு செய்யலாம்.
News May 3, 2024
IPL: மும்பை-கொல்கத்தா அணிகள் இன்று மோதல்
MI-KKR அணிகளுக்கு இடையேயான ஐபிஎல் போட்டி, இன்றிரவு 7.30 மணிக்கு மும்பை வான்கடே மைதானத்தில் நடைபெற உள்ளது. தொடர்ந்து 3 போட்டிகளில் தோல்வி அடைந்துள்ள மும்பை அணி, புள்ளிப் பட்டியலில் 9ஆவது இடத்தில் உள்ளது. பிளே-ஆஃப் சுற்றுக்கு முன்னேற எஞ்சி இருக்கும் அனைத்து போட்டிகளிலும் மும்பை அணி வெற்றி பெற வேண்டும். பலம் வாய்ந்த KKR அணியுடன் இன்று மோதவுள்ளதால், போட்டி நிச்சயம் விறுவிறுப்பாக இருக்கும்.
News May 3, 2024
இன்று சென்னை திரும்புகிறார் ஸ்டாலின்
கொடைக்கானலுக்கு குடும்பத்தினருடன் ஓய்வெடுக்க சென்ற முதல்வர் ஸ்டாலின், திட்டமிட்டதற்கு ஒருநாள் முன்னதாகவே இன்று சென்னை திரும்புகிறார். மக்களவைத் தேர்தலையொட்டி கடந்த ஒரு மாதமாக தீவிர பரப்புரையில் ஈடுபட்டார். ஏப்.19இல் தமிழகத்தில் வாக்குப்பதிவு நிறைவடைந்த நிலையில், ஏப்.29இல் அவர் கொடைக்கானல் சென்றார். இந்நிலையில், அவர் எதற்காக ஒருநாள் முன்னதாக சென்னை திரும்புகிறார் என்ற தகவல் தெரியவில்லை.
News May 3, 2024
தமிழகத்தில் இன்றும், நாளையும் ஆரஞ்சு எச்சரிக்கை
தமிழகத்தின் வட உள் மாவட்டங்களான வேலூர், காஞ்சிபுரம், தர்மபுரி, சேலம், நாமக்கல், கரூர், ஈரோடு, நீலகிரி, கோவை, திருப்பூர், திருச்சி, அரியலூர், பெரம்பலூர் உள்ளிட்ட 18 மாவட்டங்களில் வெயில் சுட்டெரிக்கும் என்று வானிலை ஆய்வு மையம் எச்சரித்துள்ளது. இதனால் இன்றும், நாளையும் ஒரு சில இடங்களில் வெயில் இயல்பைவிட 5 டிகிரி வரை அதிகரிக்கக் கூடும் என்று நிர்வாக ரீதியாக ஆரஞ்சு எச்சரிக்கை விடுக்கப்பட்டுள்ளது.
News May 3, 2024
IPL: 1 ரன் வித்தியாசத்தில் த்ரில் வெற்றி
RR-க்கு எதிரான பரபரப்பான ஐபிஎல் போட்டியில், 1 ரன் வித்தியாசத்தில் SRH அணி வெற்றி பெற்றது. 202 ரன்கள் எடுத்தால் வெற்றி என்ற இலக்குடன் களமிறங்கிய RR அணி, முதல் ஓவரிலேயே 2 விக்கெட்டுகளை இழந்தது. பின்னர் ஜோடி சேர்ந்த ரியான் பராக், ஜெய்ஸ்வால் கூட்டணி, அணிக்கு நம்பிக்கையூட்டினர். ஆனால், கடைசி ஓவரில் 13 ரன்கள் தேவைப்பட்ட நிலையில், புவனேஷ்வர் குமார் அசத்தலாக பந்துவீசி SRH அணியை வெற்றி பெறச் செய்தார்.
News May 3, 2024
இன்றைய தலைப்புச் செய்திகள்
▶’அக்னி நட்சத்திரம்’ எனப்படும் கத்தரி வெயில் நாளை முதல் தொடங்குகிறது
▶காங்கிரஸ் தேர்தல் அறிக்கையை பற்றி விவாதிக்க தயாரா?: கார்கே சவால்
▶மோடியின் பேச்சில் உண்மையும், யதார்த்த தன்மையும் இல்லை: சரத்பவார்
▶பிரஜ்வால் விவகாரத்தில் பிரதமர் மோடி மன்னிப்பு கேட்க வேண்டும்: ராகுல் காந்தி
▶இணையவழி சூதாட்டம், பந்தய நடவடிக்கைகள் குறித்து தகவல் தெரிவிக்கலாம்: தமிழக அரசு
▶IPL: ஹைதராபாத் அணி வெற்றி
News May 3, 2024
தொடரைக் கைப்பற்றியது இந்திய மகளிர் அணி
வங்கதேசத்துக்கு எதிரான 3ஆவது மகளிர் டி20 போட்டியில், 7 விக்கெட்டுகள் வித்தியாசத்தில் இந்திய அணி வெற்றி பெற்றது. 118 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி, தொடக்கம் முதலே நிதானமாக விளையாடி வந்தது. தொடக்க ஆட்டக்காரர்களான மந்தனா-47, ஷஃபாலி-51, அதிரடியாக விளையாடி அணியை வெற்றிப் பாதைக்கு அழைத்துச் சென்றனர். இதனால் 3-0 என்ற கணக்கில், இந்திய அணி தொடரைக் கைப்பற்றியது.
News May 3, 2024
அரசியல் கட்சிகளுக்கு தோ்தல் ஆணையம் எச்சரிக்கை
தங்கள் திட்டங்களால் பயனடைந்த வாக்காளா்களின் தனிப்பட்ட தரவுகளை, அரசியல் கட்சிகள் தேடுவது ஊழலுக்கு சமம் என தோ்தல் ஆணையம் எச்சரித்துள்ளது. செயலி, விளம்பரங்கள், கணக்கெடுப்புகள் மூலம் தரவுகளை சேகரித்தால், அதை உடனே நிறுத்திக்கொள்ளுமாறு தேசிய, மாநில கட்சிகளுக்கு நோட்டீஸ் அனுப்பப்பட்டுள்ளது. வாக்காளர்களை குறிப்பிட்ட கட்சிக்கு வாக்களிக்கத் தூண்டுவதால், இந்த நடவடிக்கை மேற்கொள்ளப்பட்டுள்ளது.
News May 3, 2024
இன்று வெளியாகும் திரைப்படங்கள்
சுந்தர்.சி இயக்கி நடிக்கும் ‘அரண்மனை 4’, கமலக்கண்ணனின் ‘குரங்கு பெடல்’, எம்.எஸ்.பாஸ்கரின் ‘அக்கரன்’, டான்ஸ் மாஸ்டர் தினேஷின் ‘நின்னு விளையாடு’, சாய் தன்ஷிகாவின் ‘தி ப்ரூஃப்’, ‘சபரி’ ஆகிய திரைப்படங்கள் இன்று திரையரங்குகளில் வெளியாகின்றன. அதேபோல், ஜி.வி.பிரகாஷின் ‘டியர்’ மற்றும் அஜய் தேவ்கன், மாதவன், ஜோதிகா நடித்துள்ள ‘சைத்தான்’ (ஹிந்தி) ஆகிய திரைப்படங்கள் இன்று நெட்ஃப்ளிக்ஸில் வெளியாகின்றன.
News May 3, 2024
இன்றைய நல்ல நேரம்
▶மே – 3, சித்திரை – 20 ▶கிழமை – வெள்ளி
▶நல்ல நேரம்: 9:30 AM – 10:30 AM, 4:30 PM – 5:30 PM ▶கெளரி நல்ல நேரம்: 12:30 AM – 1:30 AM, 6:30 PM – 7:30 PM
▶ராகு காலம்: 10:30 AM – 12:00 PM
▶எமகண்டம்: 3:00 PM – 4:30 PM
▶குளிகை நேரம்: 7:30 AM – 9:00 AM
▶பிறை: தேய்பிறை ▶சூலம்: மேற்கு
▶பரிகாரம்: வெல்லம் ▶திதி: தசமி
▶நட்சத்திரம்: 12:06 AM வரை சதயம் பிறகு பூரட்டாதி
Featured News
Sorry, no posts matched your criteria.