India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 26, 2024
மூலிகை: மன அழுத்தம் போக்கும் தொட்டாற்சிணுங்கி
இனிப்பு, துவர்ப்பு, மென் கசப்பு ஆகிய மூன்று சுவைகளின் சேர்க்கை கொண்ட தொட்டாற்சிணுங்கிக்கு ரத்தத்தைத் தூய்மை செய்யும் ஆற்றல் இருப்பதாக குணவாகடப் பாடல் கூறுகிறது. அவிகுலாரின், மைமோசைன், பீனாலிக், அபிஜெனின் போன்ற வேதிப்பொருட்கள் நிறைந்துள்ள இந்த இலைச் சாற்றை, பனைவெல்லம் சேர்த்து காலை – மாலை உரிய முறையில் கஷாயமாக குடித்து வந்தால், உடல் வலி, மனச்சோர்வு போன்ற பாதிப்புகள் நீங்கும்.
News August 26, 2024
ராகுல் சொல்லி கட்சி ஆரம்பித்தாரா விஜய்?
ராகுல்காந்தி சொல்லித்தான் நடிகர் விஜய் கட்சி ஆரம்பித்திருப்பதாக விஜயதரணி தெரிவித்துள்ளார். இதனால், வரும் சட்டமன்றத் தேர்தலில் தமிழகத்தில் புதிய கூட்டணி உருவாக வாய்ப்புள்ளது எனக் கூறினார். மேலும், “குமரி மக்களவைத் தொகுதி வேட்பாளர் பட்டியலில் எனது பெயர் தான் முதலில் இருந்தது. ஆனால், பொன்.ராதாகிருஷ்ணன் பிடிவாதம் பிடித்ததால், நான் விட்டுக்கொடுத்து விட்டேன்” எனத் தெரிவித்தார்.
News August 26, 2024
E.D. யில் ரூ. 2.08 லட்சத்தில் வேலை
அமலாக்கத்துறை அலுவலகத்தில் மாதம் ரூ.2.08 லட்சம் சம்பளம் வரையிலான காலி இடங்களுக்கு வேலைவாய்ப்பு அறிவிப்பு வெளியாகி உள்ளது. உதவி சட்ட ஆலோசகர், உதவி டைரக்டர், அமலாக்க அதிகாரி, உதவி அமலாக்க அதிகாரி, தனி செயலர், உதவியாளர், டிரைவர் உள்ளிட்ட 12 இடங்கள் நிரப்பப்பட உள்ளன. இவை அனைத்தும் டெபுடேஷன் அடிப்படையிலான வேலை ஆகும். கூடுதல் விவரங்களை ED இணையதளத்தில் காணலாம். SHARE IT
News August 26, 2024
வருத்தம் தெரிவித்தார் துரைமுருகன்
ரேங்க் வாங்கிவிட்டு, கிளாசை விட்டு செல்லாதவர்கள் என ரஜினியின் விமர்சனத்திற்கு பல்லு விழுந்த மூத்த நடிகர்களால் இளைஞர்களுக்கு வாய்ப்பில்லை என துரைமுருகன் பதிலடி கொடுத்தார். இதனால், அவர் மீது திமுக தலைமை கடும் அதிருப்தி தெரிவித்ததாக கூறப்படுகிறது. இந்நிலையில், ரஜினிக்கு போன் செய்த துரைமுருகன், தனது பேச்சிற்காக வருத்தம் தெரிவித்துள்ளார்.
News August 26, 2024
அதிக விக்கெட் வீழ்த்திய இடது கை ஸ்பின்னர்கள்
சர்வதேச கிரிக்கெட்டில் அதிக விக்கெட் வீழ்த்திய இடது கை சுழற்பந்துவீச்சாளர் என்ற சாதனையை ஷகிப் படைத்துள்ளார். இதில் ஷகிப் அல் ஹசன் (BAN -707) முதல் இடத்தில் உள்ள நிலையில், வெட்டோரி (NZ -705), ஜடேஜா (IND -568), ஹெராத் (SL -565), ஜெயசூர்யா (SL -440), அண்டர்வுட் (ENG -329), குல்தீப் (IND -294), ரவி சாஸ்திரி (IND -280), அப்துர் ரசாக் (BAN -279), சான்ட்னர் (NZ -275) ஆகியோர் முதல் 10 இடங்களில் உள்ளனர்
News August 26, 2024
Did You Know: உலகின் முதல் செல்லப்பிராணி நான்தான்
மனிதர்களுக்கும், நாய்களுக்குமான நட்புறவு 11,000 ஆண்டுகளுக்கு முந்தையது என வரலாற்று ஆய்வாளர்கள் கூறுகின்றனர். மற்ற எந்த விலங்குகளை பழக்கப்படுத்துவதற்கு முன்பே நாய்களை பழக்கி வளர்த்ததாகக் கூறப்படுகிறது. தனித்து விடப்பட்ட ஓநாய்கள் அல்லது அதற்கு நெருங்கிய தொடர்புடைய சில இனங்களில் இருந்து தோன்றிய நாய்களை, மனிதர்கள் காவலுக்காக வளர்த்துள்ளனர். உங்க செல்லப்பிராணியோட பெயரை கமெண்ட்ல பதிவிடுங்க.
News August 26, 2024
லடாக்கில் 5 புதிய மாவட்டங்கள்
லடாக் யூனியன் பிரதேசத்திற்கு ஜன்ஸ்கர், ட்ராஸ், ஷாம், நுப்ரா மற்றும் சாங்தாங் என 5 புதிய மாவட்டங்களை மத்திய அமைச்சர் அமித் ஷா அறிவித்துள்ளார். இந்த மாவட்டங்களுக்கு தலைமையகம், எல்லைகளை வரையறுப்பது போன்றவற்றிற்காக குழு ஒன்றை அமைக்க லடாக் நிர்வாகத்தை உள்துறை அமைச்சகம் கேட்டுக்கொண்டுள்ளது. மூன்று மாதங்களுக்குள் அனைத்து பணிகளையும் முடித்து அறிக்கை சமர்ப்பிக்கவும் உத்தரவிட்டுள்ளது.
News August 26, 2024
பார்களுக்கு புதிய கட்டுப்பாடு
தமிழ்நாட்டிலேயே முதல்முறையாக கோவையில் உள்ள பார்களுக்கு புதிய கட்டுப்பாடு விதிக்கப்பட்டுள்ளது. காரில் மது அருந்த வருவோருக்கு ஓட்டுநர் இல்லை எனில், அதற்கு பார் நிர்வாகம் ஏற்பாடு செய்ய வேண்டும். மது போதையில் இருப்பவர்களை, நம்பகத்தன்மை உள்ள வாகனத்தில் வீட்டுக்கு அனுப்பி வைக்க வேண்டும் என போலீஸ் அறிவுறுத்தியுள்ளது. இதை தமிழகம் முழுவதும் அமல்படுத்த வேண்டும் என மது பிரியர்கள் வலியுறுத்தி உள்ளனர்
News August 26, 2024
சுங்கச்சாவடி கட்டணத்தை உயர்த்துவது அநீதி: பாமக
சுங்கச்சாவடி கட்டணத்தை உயர்த்துவது அநீதி என்று அன்புமணி ராமதாஸ் தெரிவித்துள்ளார். கடந்த காலத்துடன் ஒப்பிடும்போது இந்தாண்டு கட்டண உயர்வு அதிகமானது என்றும், இதனால் தனியார் பேருந்து கட்டணங்கள், அத்தியாவசிய பொருள் விலை உயரக்கூடும் எனவும் அவர் கூறியுள்ளார். இந்த கட்டண உயர்வு கண்டனத்திற்குரியது, இந்த கட்டண உயர்வை மத்திய அரசு ரத்து செய்ய வேண்டும் என அன்புமணி ராமதாஸ் கேட்டுக் கொண்டுள்ளார்.
News August 26, 2024
புதிய சாதனையை படைத்த ஷகிப் அல் ஹசன்
சர்வதேச கிரிக்கெட்டில் அதிக விக்கெட்டுகளை வீழ்த்திய இடது கை சுழற்பந்து வீச்சாளர்கள் பட்டியலில் BAN வீரர் ஷகிப் அல் ஹசன் முதல் இடத்தை பிடித்துள்ளார். பாக்., அணிக்கு எதிரான முதல் டெஸ்ட் போட்டியில் 3 விக்கெட்டுகளை வீழ்த்தி அணியின் வெற்றிக்கு முக்கிய பங்காற்றினார். இதன் மூலம் சர்வதேச அளவில் 707 விக்கெட்டுகளை (444 போட்டிகள், 482 இன்னிங்ஸ்) கைப்பற்றிய இடது கை வீரர் என்ற பெருமையைப் பெற்றுள்ளார்.
Featured News
Sorry, no posts matched your criteria.