India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
விளையாட்டு துளிகள்
➤பாரிஸ் மாஸ்டர்ஸ் டென்னிஸ் காலிறுதிக்கு போபண்ணா – எப்டன் ஜோடி முன்னேறியது. ➤U19 உலக குத்துச்சண்டை மகளிர் 57kg பிரிவின் அரையிறுதியில் இந்தியாவின் அஞ்சலி குமாரி 5-0 என்ற கணக்கில் ஜப்பானின் சகுராவை வீழ்த்தினார். ➤புரோ கபடி தொடர்: 15வது லீக் போட்டியில் குஜராத் டைட்டன்ஸ் அணியை தமிழ் தலைவாஸ் வென்றது. ➤ உலக மல்யுத்த சாம்பியன்ஷிப்: வெண்கலப் பதக்கத்துக்கான போட்டியில் இந்தியாவின் மான்சி பங்கேற்க உள்ளார்.
News October 31, 2024
கண்ணில் பட்டாசு துகள் விழுந்தால் தேய்க்காதீர்!
பட்டாசுகள் வெடிக்கும்போது வெடி மருந்து, தீப்பொறி கண்ணில் பட்டால் கண்களை தேய்க்கக்கூடாது என கண் மருத்துவர்கள் அறிவுறுத்தியுள்ளனர். இதனால் கண்களில் லேசான எரிச்சல், கண் கருவிழிப் படலத்தில் சிராய்ப்பு போன்றவை ஏற்படலாம். சில நேரங்களில் கண் பார்வை இழப்பு கூட ஏற்படலாம். அதனால், தள்ளி நின்று பட்டாசுகள் வெடிப்பது முக்கியம். தீப்பொறி, வெடி மருந்து பட்டால் கண்களை சுத்தமான நீரில் கழுவமாறு கூறியுள்ளனர்.
News October 31, 2024
மோசமான சாதனை வேண்டாம்.. வெற்றி பெறுங்கள்
நியூசிலாந்துக்கு எதிரான 3வது டெஸ்ட் நாளை தொடங்க உள்ள நிலையில், இந்திய அணி கட்டாயம் வெற்றிபெற வேண்டும் என இந்திய அணியின் முன்னாள் வீரர் ஆகாஷ் சோப்ரா அறிவுறுத்தியுள்ளார். WTC புள்ளிகளும் மிகவும் முக்கியம் என கூறிய அவர், சொந்த மண்ணில் ஒருபோதும் மூன்று போட்டிகள் கொண்ட தொடரில் இந்தியா ஒயிட் வாஷ் ஆனதில்லை என்றார். அந்த மோசமான சாதனையை இப்போது படைக்க வேண்டாம் என்றும் கூறியுள்ளார்.
News October 31, 2024
சுக்கிர தோஷத்தைப் போக்கும் வீரட்டேஸ்வரர்
சிவபெருமானின் அட்டவீரட்ட தலங்களில் அந்தகாசுர வதம் நிகழ்ந்த தலம் கள்ளக்குறிச்சி திருக்கோவிலூர் வீரட்டேஸ்வரர் கோயிலாகும். அந்தகாசுரனுக்கு இருள் நீக்கி ஞானம் கொடுத்து, பூதகணங்களுக்குத் தலைவனாகும் வாய்ப்பை வழங்கிய தலம் இது என சிவமகா வீரட்ட புராணம் கூறுகிறது. இந்தக் கோயிலுக்கு சென்று, வீரட்டேசுவரர் – பெரியநாயகியை வணங்கினால் சுக்கிர தோஷத்தை நீங்குவதோடு 16 செல்வங்களும் கிட்டும் என்பது ஐதீகம்.
News October 31, 2024
15 நிமிடம் மட்டுமே..இதை காலையில் செய்தால்..
தினமும் காலை 15-30 நிமிடங்கள் பிராணயாமம் செய்வது மனம்-உடல் ஆரோக்கியத்தை மேம்படுத்தும். முதலில் வஜ்ராசனத்தில் நிமிர்ந்து உட்கார்ந்து, வலது நாசியை அழுத்தி இடது நாசி வழியாக மூச்சை இழுக்கவும். பின் இடது நாசியை அழுத்தி வலது நாசி வழியாக காற்றை வெளியிடவும். இப்படி இருபுறமும் செய்யவும். இது மன அழுத்தத்தை குறைக்கிறது. மேலும், ரத்த விநியோகம் மேம்பட்டு, இதயம் மற்றும் நுரையீரல் ஆரோக்கியமாகும்.
News October 31, 2024
‘அமரன்’ படத்தை பார்த்த முதல்வர் ஸ்டாலின்
தீபாவளியை முன்னிட்டு சிவகார்த்திகேயன், சாய் பல்லவி நடித்துள்ள ‘அமரன்’ படம் இன்று வெளியாகிறது. முன்னதாக நேற்று மாலை இப்படத்தை, முதல்வர் ஸ்டாலின் மற்றும் துணை முதல்வர் உதயநிதி பார்த்துள்ளனர். அவர்களுக்காக படக்குழுவினர் சிறப்பு காட்சியை ஏற்பாடு செய்திருந்தனர். படக்குழுவினர் முதல்வருடன் எடுத்த புகைப்படத்தை சமூக வலைத்தளங்களில் பகிர்ந்துள்ளனர். இப்படத்தை யாரெல்லாம் இன்று தியேட்டரில் பார்க்க உள்ளீர்கள்?
News October 31, 2024
நவம்பரில் அமலுக்கு வரும் 5 முக்கிய மாற்றங்கள்
* எஸ்பிஐ கடன் அட்டைகளுக்கான பைனான்ஸ் கட்டணங்கள் 3.75%ஆக அதிகரிக்கப்பட்டிருப்பது நவ.1ல் அமலுக்கு வருகிறது *ஐசிஐசிஐ கிரெடிட் கார்டுகள் திருத்த விதிகள் நவ. 15 முதல் அமலுக்கு வருகிறது * ரயில் டிக்கெட் முன்பதிவு காலம் 60 நாளாக குறைக்கப்பட்டது நவ.1இல் அமலாகிறது *உள்ளூர் பணப்பரிவர்த்தனைக்காக ஆர்பிஐ-யால் அறிவிக்கப்பட்ட விதிகள் நவ.1இல் அமலுக்கு வருகிறது * வழக்கம்போல நாளை கியாஸ் விலை மாற்றப்படவுள்ளன.
News October 31, 2024
ஆதாரில் பயோமெட்ரிக் அப்டேட்.. இதுதான் கட்டணம்
ஆதாரில் பயோமெட்ரிக் அப்டேட் செய்வதற்கு வசூலிக்கப்படும் கட்டண விவரங்களை தெரிந்து கொள்வோம். இந்திய தனித்துவ அடையாள ஆணைய விதிப்படி, 5-7 வயது வரை ஒருமுறை பயோமெட்ரிக் அப்டேட் செய்ய கட்டணம் இல்லை. இதேபோல், 15 முதல் 17 வயது வரையிலான காலத்தில் ஒருமுறை அப்டேட் செய்ய கட்டணம் கிடையாது. அதன்பிறகு பயோமெட்ரிக் அப்டேட் செய்ய வேண்டும் எனில் ஒவ்வொரு முறையும் ரூ.100 கட்டணம் ஆகும். SHARE IT.
News October 31, 2024
உஷார்: தீபாவளி பட்டாசு வெடிப்போர் கவனத்திற்கு…
*குழந்தைகளை தனியாக பட்டாசு வெடிக்க அனுமதிக்காதீர்கள் *எளிதில் தீப்பற்றும் ஆடைகளை அணிந்து பட்டாசு வெடிக்க வேண்டாம்; காட்டன் துணிகள் அணிந்து வெடிக்கலாம் *பட்டாசு வெடித்து காயம் ஏற்பட்டால், எண்ணெய் தடவாதீர்கள். உடனே மருத்துவரை அணுகுவது நல்லது * கைகளில் வைத்து பட்டாசு வெடிக்கக் கூடாது. திறந்தவெளியில் பட்டாசு வெடிக்க வேண்டும். இந்தத் தகவலை மற்றவர்களுக்கும் பகிருங்க
News October 31, 2024
சபரிமலை கோயிலுக்கு மலர் கொண்டு வர கட்டுப்பாடு
சபரிமலை அய்யப்பன் கோவிலில் புஷ்பாபிஷேக வழிபாட்டுக்கு பக்தர்கள் 25 கிலோவுக்கு மேல் மலர்கள் கொண்டு வரக்கூடாதென கட்டுப்பாடு விதிக்கப்பட்டுள்ளது. சபரிமலை அய்யப்பன் கோவிலில் தினமும் மாலை புஷ்பாபிஷேகம் நடைபெறுகிறது. இதற்கு பக்தர்கள் மலர் காெண்டு வருவதை வாடிக்கையாக வைத்துள்ளனர். இதனால் மீதமாகும் மலர்களை அப்புறப்படுவதில் ஏற்படும் சிரமத்தை கருத்தில் கொண்டு கட்டுப்பாடு விதிக்கப்பட்டுள்ளது.
Featured News
Sorry, no posts matched your criteria.