India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 19, 2024
பொங்கலுக்கு வருகிறான் ‘வணங்கான்’
பாலா இயக்கத்தில் அருண் விஜய் நடித்துள்ள ‘வணங்கான்’ திரைப்படம் 2025 பொங்கலுக்கு வெளியாகவுள்ளதாகப் படக்குழு அறிவித்துள்ளது. அருண் விஜய்யின் பிறந்தநாளை ஓட்டி சிறப்பு போஸ்டர் வெளியிட்டு இந்த அறிவிப்பு வெளியாகியுள்ளது. சமீபத்தில் வெளியான இப்படத்தின் டீசர் மற்றும் ட்ரெயிலர் ரசிகர்கள் மத்தியில் நல்ல வரவேற்பை பெற்றன. இந்த படத்திற்கு யாரெல்லாம் வெயிட்டிங்? கமெண்ட்ல சொல்லுங்க.
News November 19, 2024
நவ. 24 அனைத்துக் கட்சிக் கூட்டம்
நாடாளுமன்றக் குளிர்கால கூட்டத் தொடர் வரும் 25ஆம் தேதி தொடங்கவுள்ளது. டிசம்பர் 20ஆம் தேதி வரை நடைபெறவிருக்கும் இக்கூட்டத்தொடரில் பல முக்கிய மசோதாக்களை நிறைவேற்ற மத்திய அரசு திட்டமிட்டு வருகிறது. இந்நிலையில், வரும் 24ஆம் தேதி அனைத்துக் கட்சி கூட்டத்திற்கு மத்திய அரசு அழைப்பு விடுத்துள்ளது. கூட்டத்தொடரை சுமூகமாக நடத்த மத்திய அரசு அனைத்துக் கட்சியினரிடமும் இக்கூட்டத்தில் கோரிக்கை வைக்கும்.
News November 19, 2024
INDW-AUSW: இந்திய அணி அறிவிப்பு
இந்திய மகளிர் அணி ஆஸ்திரேலியாவுக்கு சுற்றுப்பயணம் மேற்கொண்டு 3 போட்டிகள் கொண்ட ODI தொடரில் விளையாட உள்ளது. இந்நிலையில், இந்த தொடருக்கான இந்திய அணியை BCCI அறிவித்துள்ளது. அணி ஹர்மன்ப்ரீத் (C), மந்தனா, பிரியா புனியா, ஜெமிமா, ஹார்லின் தியோல், யாஷிகா பாடியா(w), ரிச்சா கோஷ்(w), தேஜல் ஹசப்னிஸ், தீப்தி, மின்னு மனி, பிரியா மிஷ்ரா, ராதா யாதவ், டைட்டஸ் சாது, அருந்ததி ரெட்டி, ரேனுகா, சைமா தாகோர்.
News November 19, 2024
இறந்த பாகனை எழுப்ப முயன்ற தெய்வானை!
திருச்செந்தூர் கோயில் யானை தெய்வானையை பாகனின் உறவினர் சிசுபாலன், நீண்டநேரம் தொட்டபடி செல்ஃபி எடுத்துள்ளார். புதிய நபர் தன்னை தொடுவதை விரும்பாத தெய்வானை, அவரை தாக்கியுள்ளது. அதை தடுக்க வந்த பாகனையும் தாக்கி இருக்கிறது. பின்னர், பாகனை தாக்கி விட்டோமே என்ற வேதனையில் அவரை எழுப்ப முயன்றுள்ளது. ஆனால் அவர் எழுந்திருக்காததால் கோபத்தில் மீண்டும் சிசுபாலனை தாக்கியதாக யானை ஆர்வலர்கள் தெரிவித்துள்ளனர்.
News November 19, 2024
பொது அறிவு வினா – விடை
1) எல்நினோ என்பதன் தமிழாக்கம் என்ன? 2) RPU என்பதன் விரிவாக்கம் என்ன? 3) இந்தியாவில் வரதட்சணை தடைச் சட்டம் எந்தாண்டு நிறைவேற்றப்பட்டது? 4) நிறங்களின் தீவிரத்தை ஒப்புநோக்க உதவும் கருவி எது? 5) எலியின் அறிவியல் பெயர் என்ன? 6) ‘திரவிடத்தாய்’ என்ற நூலின் ஆசிரியர் யார்? 7) புகையும் கந்தக அமிலம் எது? 8) சீன நாணயத்தின் பெயர் என்ன? விடைகளை கமெண்ட்டில் சொல்லுங்க. சரியான பதிலை 2 மணிக்கு பாருங்க.
News November 19, 2024
10 மாவட்டங்களில் மழைக்கு வாய்ப்பு!
திருவாரூர், தஞ்சை, நாகை, மயிலாடுதுறை, புதுகை, சிவகங்கை, ராமநாதபுரம், குமரி, நெல்லை, தூத்துக்குடி ஆகிய மாவட்டங்களில் அடுத்த 3 மணி நேரத்திற்கு மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மழை காரணமாக தூத்துக்குடி, நாகை, தஞ்சாவூர் மாவட்டங்களில் ஏற்கனவே இன்று(நவ.19) பள்ளிகளுக்கு விடுமுறை அறிவிக்கப்பட்டுள்ளது குறிப்பிடத்தக்கது.
News November 19, 2024
பங்கு முதலீடு Vs கடனீட்டுப் பத்திரங்கள்
பங்குச்சந்தையில் ஒரு நிறுவனத்தின் பங்குகளை முதலீட்டாளர்கள் வாங்கி, விற்பனை செய்வதை பங்கு முதலீடு (சமபங்கு) எனக் கூறலாம். பத்திரங்களின் வழியே முதலீட்டாளர்கள் மூலதனத்தை அளிப்பதை கடனீட்டுப் பத்திரங்கள் (கடன் மூலதனம்) என்று குறிப்பிடலாம். பங்குகளில் முதலீட்டாளர்களுக்கு லாபத்தில் ஈவுத்தொகை வழங்கப்படும். கடனீட்டுப் பத்திரங்களுக்கு நஷ்டத்திலும் வட்டி வழங்கப்படும். இதை பங்குகளாகவும் மாற்ற முடியும்.
News November 19, 2024
ஹிந்தி நாடாக மாறுகிறதா ‘இந்தியா’?
இந்தியாவில் கோடிக்கணக்கான மக்களால் பயன்படுத்தப்படும் LIC இணையதளம் முழுக்க முழுக்க ஹிந்தி மொழிக்கு மாற்றப்பட்டுள்ளது. நேற்றுவரை default மொழியாக ஆங்கிலம் இருந்த நிலையில், அது தற்போது ஹிந்தி மொழிக்கு மாற்றப்பட்டுள்ளது. மேலே உள்ள ‘भाषा’ என்ற ஆப்ஷனை அழுத்தினால் மட்டுமே ஆங்கில மொழியை பார்க்க முடியும். இதனால், இந்தி மொழி தெரியாத பெரும்பாலான மக்கள் சிரமத்தை எதிர் கொள்கின்றனர்.
News November 19, 2024
குடும்பம் தான் முக்கியம்: மைக்கேல் கிளார்க்
என் வாழ்க்கையின் மகிழ்ச்சியான நாள் என் மகள் பிறந்தது என ஆஸி., முன்னாள் வீரர் மைக்கேல் கிளார்க் தெரிவித்தார். அவர், ‘ ஒரு டெஸ்ட் வெற்றி, உலகக் கோப்பை என எதனுடனும் அதை ஒப்பிட முடியாது. குடும்பம் தான் முக்கியம், ஒரு டெஸ்ட் போட்டி மீண்டும் வரும், ஆனால் இதுவொரு அற்புதமான தருணம். ரோஹித்தின் கேப்டன்ஷிப்பை இந்தியா மிஸ் செய்யும். ஆனால் நான் அவருடைய நிலையில் இருந்திருந்தால் அதையேசெய்திருப்பேன்’ என்றார்.
News November 19, 2024
ஆபரணத் தங்கத்தின் விலை உயர்வு
கடந்த 2 வாரங்களாக ஆபரணத் தங்கத்தின் விலை குறைந்து வந்த நிலையில், தற்போது மீண்டும் உயரத் தொடங்கியுள்ளது. இன்று 22 கேரட் ஆபரணத் தங்கம் சவரனுக்கு ₹560 உயர்ந்து ₹56,520க்கும், கிராமுக்கு ₹70 உயர்ந்து ₹7,065க்கும் விற்பனையாகிறது. அதேபோல், வெள்ளி விலை ஒரு கிராமுக்கு ₹2 உயர்ந்து ₹101க்கும், ஒரு கிலோவுக்கு ₹2,000 உயர்ந்து ₹1,01,000க்கும் விற்பனை செய்யப்படுகிறது.
Featured News
Sorry, no posts matched your criteria.