India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
சூரிய, சந்திர கிரகணங்கள் வித்தியாசம் என்ன? (2)
அண்டவெளியில் சுற்றும் பூமி, சூரியன் மற்றும் நிலவுக்கு இடையே பயணிக்கையில் சந்திர கிரகணம் நிகழும். அப்போது சூரிய ஒளியை நிலவு மீது விழாமல் தனது நிழலை நிலவு மீது பூமி விழச் செய்யும். இந்த சந்திர கிரகணமானது, ஒரு வருடத்துக்கு 3 முறை ஏற்படும். சூரியன், சந்திரன், பூமி ஆகியவை எவ்வாறு வரிசையாக அமைகின்றன என்பதைப் பொறுத்து, பகுதியளவு சந்திர கிரகணம், முழு சந்திர கிரகணம் என 2 வகைபடுத்தப்படும்.
News April 8, 2024
ஐ.பெரியசாமி மீதான வழக்கு விசாரணைக்கு தடை
அமைச்சர் ஐ.பெரியசாமி மீதான வழக்கு விசாரணைக்கு தடை விதித்து உச்சநீதிமன்றம் உத்தரவிட்டுள்ளது. வீட்டுவசதி வாரிய வீட்டுமனை ஒதுக்கீட்டில் முறைகேடு செய்ததாக தொடரப்பட்ட வழக்கின் விசாரணையை, 3 மாதத்தில் முடிக்க சென்னை ஐகோர்ட் உத்தரவிட்டது. இதை எதிர்த்து பெரியசாமி தரப்பு மேல்முறையீடு செய்த நிலையில், உச்ச நீதிமன்றத்தில் வழக்கு நிலுவையில் உள்ளபோது கீழமை நீதிமன்றம் விசாரிக்கக் கூடாது எனக் கூறப்பட்டுள்ளது.
News April 8, 2024
₹400 லட்சம் கோடி சந்தை மதிப்பை எட்டி சாதனை
மும்பை பங்குச்சந்தையில் பட்டியலிடப்பட்டுள்ள நிறுவனங்களின் ஒட்டுமொத்த சந்தை மதிப்பு ₹400 லட்சம் கோடியை முதல்முறையாக எட்டி சாதனை படைத்துள்ளது. 2014 மார்ச்சில் ₹100 லட்சம் கோடியாகவும், 2021 பிப்ரவரியில் ₹200 லட்சம் கோடியாகவும், 2023 ஜூலையில் ₹300 லட்சம் கோடியாகவும் மதிப்பு உயர்ந்திருந்தது. இதையடுத்து 9 மாதங்களுக்கு பிறகு இன்று ₹400 லட்சம் கோடியை எட்டி சாதனை படைத்துள்ளது.
News April 8, 2024
IPL: மும்பை இந்தியன்ஸின் தனித்துவமான சாதனை
டெல்லிக்கு எதிரான நேற்றைய ஐபிஎல் போட்டியில், மும்பை இந்தியன்ஸ் புதிய சாதனை படைத்துள்ளது. முதலில் ஆடிய மும்பை அணி, தொடக்கம் முதலே அதிரடியாக விளையாடி 20 ஓவர்கள் முடிவில் 234 ரன்கள் குவித்தது. ஆனால், இதில் ஒரு பேட்ஸ்மேன் கூட அரைசதம் அடிக்கவில்லை. இதனால் ஐபிஎல் வரலாற்றில் முதல்முறையாக ஒரு வீரர் கூட அரைசதம் அடிக்காமல், 200+ ரன்களுக்கும் அதிகமாக குவித்த அணி என்ற பெருமையை பெற்றது மும்பை இந்தியன்ஸ்.
News April 8, 2024
சிஆர்பிசி 110 நடைமுறை என்ன?
*குற்றவியல் சட்டத்தின் கீழ் வரும் ‘CrPC 110’ என்பது ஒரு மினி குண்டாஸ் ஆகும். *குற்றப் பின்னணி கொண்டோரைத் தேர்தல் போன்ற சிறப்பு நிகழ்வுகளின்போது, வருவாய்க் கோட்டாட்சியர் சம்மன் அனுப்பி வரவழைத்து, சுய நன்னடத்தைக்கான சான்று பெறுவார். *ஓராண்டுக்கு இந்தச் சான்று உயிர்ப்புடன் இருக்கும். *குறிப்பிட்ட நபர் மீது ஏதேனும் ஒரு புகார் வந்தால்கூட அவர் கைது செய்யப்படுவார் (ஜாமின் அளிக்கப்படாது).
News April 8, 2024
ராணுவம் போல ரூபாய் மதிப்பும் பலவீனமாக இருந்ததா?
தொழில்நுட்பம், ராணுவ வலிமை & தேசிய அந்தஸ்து ஆகியவற்றில் இந்தியா பலவீனமாக இருந்ததால் அதன் ரூபாய் மதிப்பும் பலவீனமாக இருந்ததாக ஜோஹோ சி.இ.ஓ ஸ்ரீதர் வேம்பு கூறியுள்ளார். அவர் தனது எக்ஸ் பக்கத்தில், “சுவிஸில் முடிதிருத்தும் தொழிலாளி சராசரியாக இந்திய ஆசிரியரின் வருமானத்தை விட 20-40 மடங்கு வருமானம் பெறுகிறார். இதே வருமானத்தை நமது ரூபாய் மதிப்பு உயரும்போது, நம் மக்களும் பெற முடியும்” என்றார்.
News April 8, 2024
IPL: டெல்லி கேபிட்டல்ஸ் அணிக்கு பின்னடைவு
டெல்லி அணியின் தொடக்க ஆட்டக்காரர் மிட்செல் மார்ஷ், அடுத்த சில போட்டிகளில் பங்கேற்கமாட்டார் என அணியின் பயிற்சியாளர் தெரிவித்துள்ளார். கொல்கத்தாவுக்கு எதிரான போட்டியில் அவருக்கு தொடையில் காயம் ஏற்பட்டது. அதனால், மும்பைக்கு எதிரான நேற்றைய போட்டியில் அவர் பங்கேற்கவில்லை. காயம் குறித்து ஸ்கேன் செய்ய வேண்டும் என்பதால், அடுத்த ஒரு வாரத்திற்கு போட்டியில் பங்கேற்க மாட்டார் என்று தெரிவிக்கப்பட்டுள்ளது.
News April 8, 2024
நான் செய்த உதவியை மறந்துவிட்டார் மோடி
தனது உதவியை மோடி மறந்து விட்டதாக சரத்பவார் விமர்சித்துள்ளார். கூட்டத்தில் பேசிய அவர், மத்திய அமைச்சராக தாம் இருந்தபோது, குஜராத் முதல்வராக இருந்த மோடிக்கு உதவி செய்ததாகவும், ஆனால் அதை மறந்து தன்னை தனிப்பட்ட ரீதியில் மோடி தற்போது விமர்சிப்பதாகவும் குற்றம்சாட்டினார். மோடியை விமர்சிப்பவர்கள் கைது செய்யப்படுவதாகவும், இது ஜனநாயகம் அல்ல சர்வாதிகாரம் என்றும் சரத்பவார் தெரிவித்தார்.
News April 8, 2024
விக்கிரவாண்டி தொகுதி காலி என அறிவிப்பு
விக்கிரவாண்டி திமுக எம்எல்ஏ புகழேந்தி உடல்நலக் குறைவால் நேற்று முன்தினம் காலமானார். இதையடுத்து, இன்று அத்தொகுதி காலியானதாக சட்டப்பேரவை செயலகம் அதிகாரப்பூர்வமாக அறிவித்துள்ளது. இதனால், அங்கு இடைத்தேர்தல் ஏற்பாடுகள் உடனடியாகத் தொடங்கும் எனத் தெரிகிறது. அத்துடன், நாடு முழுவதும் 7 கட்டங்களாக மக்களவைத் தேர்தல் நடக்க உள்ளதால், அதில் ஒரு நாள் தமிழகத்தில் இடைத்தேர்தல் நடத்தப்படும் எனக் கூறப்படுகிறது.
News April 8, 2024
13 வயது சிறுமிக்கு ஜாப் ஆஃபர் தந்த மஹிந்திரா
உ.பி-யைச் சேர்ந்த சிறுமி நிகிதா (13) அலெக்சாவை பயன்படுத்தி குரங்குகளை விரட்டிய சம்பவம் பேசும்பொருளாகியுள்ளது. குரங்குகளின் தாக்குதலில் இருந்து தன் தங்கையை பாதுகாக்க தைரியமாக அலெக்சாவில் நாய் குரைக்கும் ஓசையை எழுப்ப வைத்து, அவற்றை விரட்டியடித்துள்ளார். சிறுமியின் அறிவுக்கூர்மையைப் பாராட்டிய ஆனந்த் மஹிந்திரா, “விரும்பினால் எதிர்காலத்தில் அவர் தனது நிறுவனத்தில் பணியில் சேரலாம்” என ஆஃபர் தந்துள்ளார்.
Featured News
Sorry, no posts matched your criteria.