India's largestHyperlocal short
news App
Get daily news updates that are tailored for you based on your preferred language & location.
சில அரசியல் கட்சிகளின் தூண்டுதல் காரணமாக தூத்துக்குடியில் துப்பாக்கிச்சூடு நடைபெற்றதாக இபிஎஸ் கூறியுள்ளார். தமிழ்நாட்டில் பலமுறை துப்பாக்கிச்சூடு சம்பவங்கள் நடைபெற்றுள்ளது. குறிப்பாக, முந்தைய திமுக ஆட்சியில் சேலத்தில் துப்பாக்கிச்சூடு நடைபெற்றதாக கூறிய அவர், தேர்தல் நேரத்தில் துாத்துக்குடி துப்பாக்கிச்சூடு பற்றி திட்டமிட்டு திமுக பொய் செய்திகளை பரப்பி வருவதாகவும் விமர்சித்தார்.
➤ ஒருவனை அகந்தை ஆட்கொண்டால், அழிவு அவன் தலைமுறையையும் ஆட்டுவிக்கும்.
➤ மணிக்கணக்கில் உபதேசம் செய்வதை விட ஒரு கணப் பொழுதாவது உதவி செய்வது மேல்.
➤ நீ மற்றவர்களுக்காக வழிவிட்டுக் கொடு; இறைவன் நிச்சயம் உனக்கு வழி விடுவான்.
➤ அழுகையை ரசிப்பவர்கள் தான் ஆனந்தமாய் சிரிக்க முடியும்.
➤ வாழ்வில் பொய் கூட உரைக்கலாம் உண்மை பேசுபவன் போல் ஒரு போதும் நடிக்காதே.
அமைச்சர் ஐ.பெரியசாமியிடம், திண்டுக்கல் சீனிவாசனின் மகன் காலில் விழுந்து ஆசிர்வாதம் வாங்கிய சம்பவம் ஆச்சரியத்தை ஏற்படுத்தியுள்ளது. ஈஸ்டரை முன்னிட்டு நடந்த விழாவில் அமைச்சர் ஐ.பெரியசாமி, முன்னாள் அமைச்சர் திண்டுக்கல் சீனிவாசன் ஒன்றாக கலந்துகொண்டனர். அப்போது தனது மகனை அமைச்சரிடம் அறிமுகப்படுத்திய திண்டுக்கல் சீனிவாசன், அமைச்சரிடம் காலில் விழுந்து ஆசீர்வாதம் வாங்குமாறு மகனிடம் அறிவுறுத்தினார்.
ஜோதிமணி அழுதுகொண்டே இருக்க வேண்டியது தான், வெற்றிபெற போவதில்லை என நடிகை காயத்ரி ரகுராம் விமர்சித்துள்ளார். கரூரில் போட்டியிட்டால் டெபாசிட் கிடைக்காது என்பதால் அண்ணாமலை கோவைக்கு சென்றுள்ளதாக விமர்சித்த அவர், எங்கே சென்றாலும் அவருக்கு தோல்வி மட்டுமே பரிசாக கிடைக்கும் என்றார். மேலும் பேசிய அவர், தேர்தலுக்கு பிறகு அண்ணாமலையை கர்நாடகத்திற்கே தமிழக மக்கள் அனுப்பி வைப்பார்கள் என்றும் தெரிவித்தார்.
➤1277 – வேல்சின் டொல்ஃபோரின் அரண்மனை ஆங்கிலேயரிடம் வீழ்ந்தது.
➤1820 – பண்டைய கிரேக்கச் சிற்பம் மிலோவின் வீனசு ஏஜியன் தீவான மிலோசில் கண்டுபிடிக்கப்பட்டது.
➤1906 – ஆல்சைமர் நோயினால் பாதிக்கப்பட்ட முதலாவது நபர் இறந்தார்.
➤1993 – மாக்கடோனியக் குடியரசு ஐக்கிய நாடுகள் அவையில் இணைந்தது.
➤ 2000 – அமெரிக்க விமானம் விபத்துக்குள்ளானதில் 9 பேர் உயிரிழந்தனர்.
நடப்பு ஐபிஎல் தொடரில் டெல்லி அணிக்கு எதிராக மும்பை அணி முதல் வெற்றியை பதிவு செய்துள்ளது. கேப்டன் மாற்றம், 3 போட்டியில் தொடர் தோல்வி, ரோகித்-பாண்டியா ரசிகர்கள் மோதல் என சிக்கலில் தவித்த அந்த அணிக்கு, ஆக்ஸிஜனாக இந்த வெற்றி அமைந்துள்ளது. இந்த வெற்றி தொடர வேண்டும் என்று மும்பை ரசிகர்கள் எதிர்பார்க்கிறார்கள். இந்த வெற்றியின் மூலம் புள்ளிப்பட்டியலில் 8ஆவது இடத்திற்கு மும்பை அணி முன்னேறியுள்ளது.
◾பால்: பொருட்பால்
◾அதிகாரம்: கேள்வி
◾குறள்: 416
எனைத்தானும் நல்லவை கேட்க அனைத்தானும்
ஆன்ற பெருமை தரும்.
◾விளக்கம்:
நல்லவற்றை எந்த அளவுக்குக் கேட்கிறோமோ அந்த அளவுக்குப் பெருமை கிடைக்கும் என்ற நம்பிக்கையுடன் இருக்க வேண்டும்
கமர்ஷியல் படங்களில் தொடர்ந்து நடித்தால் சினிமாவில் நிலைக்க முடியாது என நடிகை ஸ்மிருதி வெங்கட் தெரிவித்துள்ளார். எவ்வளவு சவாலான கதாபாத்திரம் கொடுத்தாலும் நடிக்க தயாராக இருக்கிறேன். ஆனால், கமர்ஷியல் படங்களில் வந்து போகும் கதாநாயகியாக நடிக்க முடியாது, அதில் திறமையை வெளிப்படுத்த முடியாது என்ற அவர், பொறுமையாக காத்திருந்தாலும் நல்ல கேரக்டரில் நடிப்பதையே விரும்புவதாகவும் தெரிவித்தார்.
இன்று (ஏப்ரல் 08) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
கெஜ்ரிவால் இருக்கும் வரை டெல்லியில் பாஜக ஆட்சி அமைக்க முடியாது என ஆம் ஆத்மி எம்.பி சஞ்சய் சிங் தெரிவித்துள்ளார். நாட்டில் உள்ள அனைத்து ஊழல்வாதிகளும் பாஜகவில் தான் இருக்கிறார்கள். ஆனால், ஊழலுக்கு எதிராக நாங்கள் போராடுகிறோம் என பிரதமர் மோடி கூறுவதாக விமர்சித்த அவர், நேர்மையாக ஆட்சி நடத்திய காரணத்திற்காக கெஜ்ரிவாலை பொய் குற்றச்சாட்டு அடிப்படையில் பாஜக கைது செய்துள்ளதாகவும் விமர்சித்தார்.
Sorry, no posts matched your criteria.