India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
வட இந்தியாவிலும் பாஜக மண்ணை கவ்வும்
வடக்கிலும் I.N.D.I.A கூட்டணி வெற்றிபெறும் என ஜி.ராமகிருஷ்ணன் தெரிவித்துள்ளார். மத்திய அரசின் பாசிச போக்கை தமிழ்நாடு, கேரள மக்கள் இணைந்து முறியடிப்பார்கள். இரண்டு மாநிலங்களிலும் பாஜக படுதோல்வி அடையும் என்ற அவர், இந்த வெற்றி இந்தியா முழுவதும் பிரதிபலிக்கும் என்றார். மேலும் பேசிய அவர், கூட்டணிக்கு யார் தலைவர், யார் பிரதமர் போன்ற கேள்விகள் தற்போதைக்கு அவசியமில்லாதது என்றும் தெரிவித்தார்.
News April 8, 2024
10ஆம் வகுப்பு பொதுத்தேர்வு இன்றுடன் நிறைவு
10ஆம் வகுப்பு பொதுத்தேர்வு, இன்றுடன் (ஏப்.8) நிறைவடையவுள்ளது. மாா்ச் 26ஆம் தேதி தொடங்கிய இந்தத் தோ்வை, சுமாா் 9.1 லட்சம் மாணவா்கள் எழுதுகின்றனர். தமிழ், ஆங்கிலம், கணிதம் மற்றும் அறிவியல் பாடங்களுக்கான தோ்வுகள் முடிந்துவிட்ட நிலையில், கடைசி நாளான இன்று சமூக அறிவியல் தோ்வு நடைபெறவுள்ளது. ஏப்.12 விடைத்தாள் திருத்தும் பணிகள் தொடங்கவிருக்கிறது. மே 10ஆம் தேதி தோ்வு முடிவுகள் வெளியிடப்படவுள்ளன.
News April 8, 2024
அடுத்தடுத்து வெளியாகும் பெரிய படங்கள்
*ஷங்கர் இயக்கத்தில் கமல்ஹாசன் நடித்துள்ள ‘இந்தியன் 2’, வரும் ஜூன் மாதம்,
*சுகுமார் இயக்கத்தில் அல்லு அர்ஜுன் நடித்துள்ள ‘புஷ்பா 2’, வரும் ஆகஸ்ட் மாதம்,
*ஞானவேல் இயக்கத்தில் ரஜினி நடித்துள்ள ‘வேட்டையன்’, வரும் அக்டோபர் மாதம் என 3 பெரிய படங்கள் அடுத்தடுத்து வெளியாகவுள்ளது. இதனால் ரசிகர்கள் பெரும் ஆவலுடன் உள்ளனர். நீங்க எந்தப் படத்திற்கு காத்துக் கொண்டிருக்கிறீர்கள் என கமெண்டில் சொல்லுங்க
News April 8, 2024
IPL: அதிக பார்ட்னர்ஷிப் ரன்கள் குவித்த வீரர்கள்
▶ஏ.பி.டிவில்லியர்ஸ், விராட் கோலி – 229
▶ஏ.பி.டிவில்லியர்ஸ், விராட் கோலி – 215
▶கே.எல்.ராகுல், குயிண்டன் டி காக் – 210
▶ஷான் மார்ஷ், ஆடம் கில்கிறிஸ்ட் – 206
▶விராட் கோலி, கிறிஸ் கெயில் – 204*
▶டேவிட் வார்னர், நமன் ஓஜா – 189*
▶டேவிட் வார்னர், ஜானி பேர்ஸ்டோ – 185
▶கிறிஸ் லின், கௌதம் கம்பீர் – 184*
▶கே.எல்.ராகுல், மயங்க் அகர்வால் – 183*
▶ருதுராஜ், டெவோன் கான்வே – 182
News April 8, 2024
சுங்கச்சாவடிகள் அகற்றப்படும்
I.N.D.I.A கூட்டணி ஆட்சிக்கு வந்ததும் நாடு முழுவதும் சுங்கச்சாவடிகள் அகற்றப்படும் என அமைச்சர் உதயநிதி ஸ்டாலின் வாக்குறுதி அளித்துள்ளார். பிரசாரத்தில் ஈடுபட்டு வரும் அவர், மத்திய அரசு கேஸ் விலையை 10 ஆண்டுகளில் ₹800 உயர்த்திவிட்டு, ₹100 குறைத்துள்ளதாக சாடினார். I.N.D.I.A கூட்டணி ஆட்சி அமைந்தவுடன் சமையல் எரிவாயு ₹500-க்கு வழங்கப்படும் என்றும் பெட்ரோல், டீசல் விலை குறைக்கப்படும் எனவும் தெரிவித்தார்.
News April 8, 2024
இன்று முழு சூரிய கிரகணம்
இன்று நிகழும் முழு சூரிய கிரகணத்தை இந்தியாவில் காண முடியாது. சூரியனுக்கும், பூமிக்கும் இடையே நிலவு கடந்து செல்கையில், சூரியன் முழுவதும் மறையும். இதனால் விழும் நிழலால், பூமியில் இருள் சூழும். இந்திய நேரப்படி இன்று இரவு 9.12 மணி முதல் நாளை அதிகாலை 2.22 மணி வரை கிரகணம் நிகழவுள்ளது. இரவில் வருவதால், இந்தியாவில் கிரகணத்தை காண முடியாது. அமெரிக்கா உள்ளிட்ட நாடுகளில் பகல் என்பதால், அங்கு காண முடியும்.
News April 8, 2024
தமிழ்நாட்டில் பாஜக தேசியத் தலைவர்கள்
மக்களவைத் தேர்தல் நெருங்குவதையொட்டி, தமிழகத்தில் பாஜக தேசியத் தலைவர்கள் தீவிர பிரசாரத்தில் ஈடுபட்டு வருகின்றனர். அந்தவகையில், ஸ்மிருதி இரானி, ஜே.பி.நட்டா உள்ளிட்டோர் தமிழகம் முழுவதும் பல்வேறு தொகுதிகளில் பிரசாரம் மேற்கொண்டு வருகின்றனர். இதன் தொடர்ச்சியாக மத்திய அமைச்சர் ராஜ்நாத் சிங் இன்று தமிழகத்திற்கு வருகை தர உள்ளார். நாமக்கல், நாகை, தென்காசி தொகுதிகளில் அவர் பிரசாரம் மேற்கொள்ள உள்ளார்.
News April 8, 2024
மாந்திரீக ஏவல் பாதிப்பில் இருந்து காக்கும் சூலினி
சப்த துர்க்கைகளில் ஈசனின் சூல அம்சமாக திகழும் சூலினி துர்க்கைக்கு உரிய பஞ்சமி திதியில், பிரம்ம முகூர்த்த நேரத்தில் வீட்டின் பூஜை அறையில் மகிஷாசுரமர்த்தினி படத்திற்கு செவ்வரளி மாலை சாற்றி, 7 தீபங்களை வடக்கு திசையை நோக்கி ஏற்றி வைத்து, மிளகு வடை படைத்து, ஸ்ரீ சூலினி சக்ர விருத்த மந்திரத்தை 108 முறை சொல்லி வழிபட்டால், பில்லி சூனிய மாந்திரீக ஏவல்களால் ஏற்படும் பாதிப்புகள் நீங்கும் என்பது நம்பிக்கை.
News April 8, 2024
வழக்கறிஞர்கள் கூட்டமைப்பு இன்று முதல் போராட்டம்
தமிழகம் முழுவதும் இ-ஃபைலிங் முறைக்கு எதிர்ப்பு தெரிவித்து, இன்று முதல் ஏப்.19 வரை பணி புறக்கணிப்பில் ஈடுபட போவதாக வழக்கறிஞர் ஜாக் கூட்டமைப்பினர் அறிவித்துள்ளனர். மாவட்ட விசாரணை நீதிமன்றங்களில் மனு தாக்கல் முறை இ-ஃபைலிங் ஆக மாற்றப்பட்டுள்ளது. ஆனால், இதற்கேற்ப எவ்வித கட்டமைப்பு வசதிகளையும் நீதிமன்றங்களில் செய்து தரவில்லை. இதனால், வழக்கு தாக்கல் செய்வதில் பல்வேறு பிரச்னைகளை சந்திப்பதாக கூறினர்.
News April 8, 2024
Apply Now: விண்ணப்பிக்க இன்றே கடைசி நாள்
ரயில்வே ஆட்சேர்ப்பு வாரியத்தில் நிரப்பப்படவுள்ள 9,144 Technician பணியிடங்களுக்கு விண்ணப்பிப்பதற்கான காலக்கெடு இன்றுடன் முடிவடைகிறது. Technician G – I (Signal) & G – III பணியில் சேர ஆர்வம் உள்ளவர்கள் இன்றே விண்ணப்பிக்கலாம். கல்வி தகுதி: ITI, Diploma & B.Sc., Degree. வயது வரம்பு: 18-36. தேர்வு: கணினி வழி தேர்வு. ஊதியம்: ₹19,900 – ₹29,200/-. கூடுதல் தகவல்களுக்கு <
Featured News
Sorry, no posts matched your criteria.