India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 28, 2024
சூர்யாவின் ‘அஞ்சான்’ ரீ-ரிலீஸ் செய்யப்படும்
சூர்யா நடித்த ‘அஞ்சான்’ திரைப்படம், விரைவில் ரீ-ரிலீஸ் செய்யப்படும் என இயக்குநர் லிங்குசாமி தெரிவித்துள்ளார். சென்னை கமலா திரையரங்கில் ‘பையா’ திரைப்படம் நேற்று ரீ-ரிலீஸ் செய்யப்பட்டது. அதனை ரசிகர்களுடன் கண்டு ரசித்த லிங்குசாமி, அஞ்சான் படத்தின் தோல்விக்கு காரணம் அதன் நீளம் தான். அதனால் படத்தை ரீ-எடிட் செய்து, ரிலீஸ் செய்யப் போகிறேன்” எனக் கூறியது சூர்யா ரசிகர்களை சந்தோசத்தில் ஆழ்த்தி உள்ளது.
News March 28, 2024
BREAKING: ஆ.ராசா வேட்புமனு நிறுத்தி வைப்பு
நீலகிரி திமுக வேட்பாளர் ஆ.ராசா வேட்புமனு மீதான பரிசீலனையை தேர்தல் ஆணையம் நிறுத்தி வைத்துள்ளது. அதேபோல், அதிமுக வேட்பாளர் முன்னாள் சபாநாயகர் தனபாலின் மகன் தமிழ்ச்செல்வன் வேட்புமனு பரிசீலனையும் நிறுத்தி வைக்கப்பட்டுள்ளது. பாஜக சார்பில் போட்டியிடும் எல்.முருகன் வேட்புமனு ஏற்கப்பட்டுள்ளது. திமுக, அதிமுக சார்பில் போட்டியிடுவோர் வேட்புமனுவில் பிழைகள், குளறுபடி இருப்பதாக கூறி நிறுத்தி வைக்கப்பட்டுள்ளது.
News March 28, 2024
அமலாக்கத்துறையின் அடுத்த இலக்கு பினராயி விஜயன் மகள்?
கேரள முதல்வர் பினராயி விஜயனின் மகள் வீணா விஜயன், E.D.யின் அடுத்த இலக்காக இருக்கலாம் என சந்தேகம் எழுந்துள்ளது. ஹேமந்த் சோரன், கெஜ்ரிவால், கவிதா மீது வழக்குப்பதிவு செய்து E.D. கைது செய்தது. இதையடுத்து கொச்சினை சேர்ந்த கனிமநிறுவனத்திடம், சட்டவிரோதமாக ரூ.1.72 கோடி பெற்றதாக வீணா விஜயன் மீது வழக்குப்பதிவு செய்துள்ளது. இதனால் E.D.யின் அடுத்த இலக்கு அவராக இருக்கலாம் என சந்தேகம் எழுந்துள்ளது.
News March 28, 2024
தமிழ்நாட்டின் அரசியல் காமெடியன் அண்ணாமலை
தமிழ்நாட்டின் அரசியல் காமெடியனாக பாஜக தலைவர் அண்ணாமலை உள்ளதாக திருமாவளவன் விமர்சித்துள்ளார். விழுப்புரம் விசிக வேட்பாளர் ரவிக்குமாரை ஆதரித்து பேசிய அவர், “பாஜகவை ஆதரிப்பவர்களுக்கு ஒருநிலைபாட்டையும், எதிர்ப்பவர்களுக்கு ஒரு நிலையையும் தேர்தல் ஆணையம் எடுத்துள்ளது. இதற்கு எல்லாம் விசிக பயப்படாது. நமக்கு பானை சின்னம் நிச்சயம் கிடைக்கும். இந்த தேர்தலுடன் பாஜகவை வீட்டுக்கு அனுப்புவோம்” எனக் கூறினார்.
News March 28, 2024
ஆடுஜீவிதம், ஜோஷ்வா படங்கள் வெளியாகின
*பிளெஸ்ஸி இயக்கத்தில் பிருத்விராஜ் நடித்துள்ள ‘ஆடு ஜீவிதம்’ (The Goat Life) திரைப்படம், இன்று உலகம் முழுவதும் வெளியாகியுள்ளது. சுமார் 14 வருட உழைப்பில் உருவாகியுள்ள இந்தப் படத்திற்கு, ஏ.ஆர்.ரஹ்மான் இசையமைத்துள்ளார்.
*அதே போல், கௌதம் வாசுதேவ் மேனன் இயக்கத்தில் பிக்பாஸ் வருண், கிருஷ்ணா மற்றும் திவ்ய தர்ஷினி நடித்துள்ள ‘ஜோஷ்வா’ திரைப்படம், அமேசான் பிரைமில் இன்று வெளியாகியுள்ளது.
News March 28, 2024
IPL: தக்க பதிலடி கொடுத்த சர்வதேச வீரர்கள்
மும்பை வீரர் மஃபாகாவுக்கு, சர்வதேச வீரர்கள் தக்க பதிலடி கொடுத்துள்ளனர். தென் ஆப்., வீரரான மஃபாகா (17), சமீபத்தில் நடந்த U19 உலகக் கோப்பைத் தொடரில், “பும்ரா நீங்கள் நல்ல பவுலர். ஆனால், நான் உங்களைவிட சிறந்தவன்” எனக் கூறியிருந்தார். இது சர்ச்சையை ஏற்படுத்திய நிலையில், நேற்றைய ஐபிஎல் போட்டியில் மஃபாகாவின் பந்துவீச்சை சிதறடித்து, சர்வதேச போட்டிகள் கடுமையானவை என முன்னணி வீரர்கள் புரிய வைத்துள்ளனர்.
News March 28, 2024
திமுக வேட்பாளர் வேட்புமனு நிறுத்திவைப்பு
சேலம் தொகுதி திமுக வேட்பாளர் செல்வகணபதியின் வேட்புமனு பரிசீலனை நிறுத்தி வைக்கப்பட்டுள்ளதாக தேர்தல் ஆணையம் அறிவித்துள்ளது. சேலம் மக்களவைத் தொகுதியில் இரண்டு இடங்களில் செல்வகணபதிக்கு வாக்குரிமை உள்ளதாக சர்ச்சை எழுந்துள்ளது. இதனால், இரட்டை வாக்குரிமை குறித்து விளக்கம் கொடுக்கும் வரை வேட்புமனு நிறுத்தி வைக்கப்பட்டுள்ளது. தேர்தல் ஆணையத்தின் இந்த அறிவிப்பால் திமுகவினர் இடையே பரபரப்பு ஏற்பட்டுள்ளது.
News March 28, 2024
நாளை வெளியாகும் திரைப்படங்கள்
▶ஸ்வதேஷ் இயக்கத்தில் ஓவியா, ரோபோ ஷங்கர், சேஷு நடித்துள்ள ‘பூமர் அங்கிள்’. ▶விக்னேஷ் கார்த்திக் இயக்கத்தில் கலையரசன், சாண்டி மாஸ்டர், அம்மு அபிராமி நடித்துள்ள ‘ஹாட்ஸ்பாட்’. ▶நாஞ்சில் இயக்கத்தில் ஆண்ட்ரியா நடித்துள்ள ‘கா’. ▶பாலாஜி மாதவன் இயக்கியுள்ள ‘இடி மின்னல் காதல்’. ▶’வெப்பம் குளிர் மழை’, ▶’நேற்று இந்த நேரம், ▶’தி பாய்ஸ்’ உள்ளிட்ட 7 படங்கள் நாளை திரைக்கு வரவுள்ளன.
News March 28, 2024
நேற்று வேட்புமனுத் தாக்கல்.. இன்று வாபஸ்!
நெல்லை தொகுதியில் வேட்புமனுவை வாபஸ் பெறுவதாக காங். முன்னாள் எம்.பி ராமசுப்பு கூறியுள்ளார். காங். வேட்பாளர் ராபர்ட் புரூஸ்க்கு எதிராக நேற்று அவர் வேட்புமனுத் தாக்கல் செய்தார். அத்துடன், சுயேச்சையாக போட்டியிடவில்லை, தானே உண்மையான காங்கிரஸ்காரன் எனக் கூறினார். இந்நிலையில் இன்று காங்கிரஸுக்கு விரோதமாக செயல்பட மாட்டேன் என்றும், ஆதங்கத்தை வெளிப்படுத்தவே வேட்புமனு தாக்கல் செய்ததாகவும் விளக்கமளித்தார்.
News March 28, 2024
ரிஷப் பண்ட்டின் 100ஆவது ஐபிஎல் போட்டி
டெல்லி-ராஜஸ்தான் இடையேயான 9ஆவது ஐபிஎல் போட்டி, இன்றிரவு 7.30 மணிக்கு ஜெய்பூரில் நடைபெற உள்ளது. ரிஷப் பண்ட், டெல்லி அணிக்காக 100ஆவது ஐபிஎல் போட்டியில் களமிறங்க உள்ளதால், ரசிகர்கள் ஆவலுடன் உள்ளனர். முதல் போட்டியில் தோல்வி அடைந்த டெல்லி அணிக்கு, ரிஷப் பண்ட் வெற்றி வாங்கித் தருவாரா? முதல் 2 புள்ளிகளை பெறுவாரா? என பெரும் எதிர்பார்ப்பு உள்ளது. காயத்தில் இருந்து மீண்ட ரிஷப் பண்ட், இன்று சதம் விளாசுவாரா?
Featured News
Sorry, no posts matched your criteria.