News August 18, 2025
டிரம்ப் உடன் பேசியது என்ன? மோடிக்கு விளக்கிய புடின்
அலாஸ்காவில் USA அதிபர் டிரம்ப் உடனான சந்திப்பின்போது பேசப்பட்டது குறித்து ரஷ்ய அதிபர் புடின் தொலைபேசியில் எடுத்துரைத்ததாக PM மோடி தெரிவித்துள்ளார். ரஷ்யா – உக்ரைன் இடையேயான போருக்கு சுமுக தீர்வு காண இந்தியா தொடர்ந்து முயன்று வருவதாகவும், இருநாட்டு உறவுகள்(இந்தியா – ரஷ்யா) தொடர்பாக வரும் நாள்களில் வளர்ச்சிக்கான பரிமாற்றங்கள் நடைபெறும் என்றும் தனது X பக்கத்தில் மோடி குறிப்பிட்டுள்ளார்.
Similar News
News August 18, 2025
Detox Juice உண்மையிலேயே பயனுள்ளதா?
உடலை சுத்தப்படுத்துவதற்காக ABC ஜூஸ், கற்றாழை ஜூஸ் என பல வகையாக Detox Juice-களை பலர் அருந்துகின்றனர். ஆனால் இந்த ஜூஸ்கள் உண்மையிலேயே நமக்கு பயனளிக்கிறதா என்பது சந்தேகம்தான் என்கின்றனர் மருத்துவர்கள். நமது உடலில் உள்ள நச்சுக்களை வெளியேற்ற 24 மணி நேரமும் உழைக்கிறது கல்லீரல். இதனால் Detox juice நமக்கு தேவையற்றது எனவும் அது மக்களை ஏமாற்றி காசு பார்க்கும் வழி எனவும் அவர்கள் எச்சரிக்கின்றனர்.
News August 18, 2025
கன்னியாகுமரியில் உள்ளூர் விடுமுறை
கன்னியாகுமரி மாவட்டத்தில் 3 வட்டங்களுக்கு நாளை மறுநாள் (ஆக.20) உள்ளூர் விடுமுறை அளிக்கப்பட்டுள்ளது. மகான் ஸ்ரீநாராயண குருவின் பிறந்த நாளையொட்டி திருவட்டார், விளவங்கோடு, அகஸ்தீஸ்வரம் ஆகிய வட்டங்களுக்கு விடுமுறை என கலெக்டர் அழகுமீனா அறிவித்துள்ளார். இதனை ஈடு செய்யும் வகையில், செப். 13-ம் தேதி சனிக்கிழமையன்று வேலை நாள் என்றும் தெரிவிக்கப்பட்டுள்ளது.
News August 18, 2025
ECI தலைமை ஆணையருக்கு எதிராக பதவி நீக்க தீர்மானம்?
ECI-ன் தலைமை தேர்தல் ஆணையர் ஞானேஷ் குமார் அதிகார துஷ்பிரயோகம் செய்ததாக கூறி நாடாளுமன்றத்தில் பதவி நீக்க தீர்மானம் கொண்டு வர INDIA கூட்டணி கட்சிகள் முடிவு செய்துள்ளதாக தகவல் வெளியாகி உள்ளது. 3ல் இரு பங்கு ஆதரவு பெற்று இந்த பதவி நீக்க தீர்மானம் வெற்றிபெற்றால், அந்த அதிகாரியை விசாரணை செய்ய குழு அமைக்கப்படும். பின்னர் குற்றச்சாட்டு நிரூபணமானால் அவர் தகுதி நீக்கம் செய்யப்படுவார்.