News April 22, 2025
வானில் ஒளிரப் போகும் வெள்ளி
வீனஸ் கிரகம் (வெள்ளி), வரும் 24-ம் தேதி வானில் மிகவும் பிரகாசமாக காணப்படும் என்று ஆய்வாளர்கள் கூறியுள்ளனர். பூமிக்கு மிக அருகில் நெருங்கி வரும் அது, -4.4 மேக்னிட்யூட் அளவு வெளிச்சத்துடன் காணப்படும். வியாழக்கிழமை சூரிய உதயத்துக்கு முன் நிலவுக்கு அருகே வெள்ளிக்கிரகத்தை கண்டு களிக்கலாம். மீண்டும் அடுத்த ஆண்டு செப்டம்பர் மாதம்தான் வெள்ளியை இதுபோன்று பிரகாசமாக பார்க்க முடியும்.
Similar News
News April 23, 2025
பும்ரா, மந்தனாவுக்கு இங்கிலாந்தில் கௌரவம்..!
‘கிரிக்கெட் உலகின் பைபிள்’ எனப்படும் லண்டனில் வெளியாகும் விஸ்டன் புத்தகம் ஆண்டுதோறும் 5 வீரர்களை தேர்வு செய்து கௌரவிப்பது வழக்கம். இந்தாண்டு அந்த பட்டியலில் இந்திய வீரர் ஜஸ்பிரித் பும்ரா, மகளிர் அணி கேப்டன் ஸ்மிருதி மந்தனா ஆகியோர் இடம்பெற்றுள்ளனர். பும்ரா டெஸ்டில் கடந்த ஆண்டு 71 விக்கெட் வீழ்த்தியுள்ளார். மந்தனா கடந்த ஒரே ஆண்டில் 1,659 ரன்கள் குவித்துள்ளார்.
News April 23, 2025
ஏஐ வீடியோவால் எரிச்சலான விஜே ரம்யா
பிரபல தொகுப்பாளரான ரம்யா, அவ்வப்போது திரைப்படங்களிலும் தலையை காட்டி வருகிறார். இந்நிலையில், இன்ஸ்டாவில் கோபத்துடன் பதிவிட்டுள்ள அவர், ஏஐ மூலம் தனது வீடியோவை 3-வது முறையாக குரல் மாற்றம் செய்து தவறாக பயன்படுத்தி இருப்பதாக குறிப்பிட்டுள்ளார். இதனை உடனடியாக நிறுத்திக் கொள்ளாவிட்டால் சட்ட ரீதியான நடவடிக்கைகளை எதிர்கொள்ள வேண்டி இருக்கும் என்றும் விஜே ரம்யா எச்சரிக்கை விடுத்துள்ளார்.
News April 23, 2025
வாரிசு என்று சொன்னாலே சிலருக்கு எரிகிறது: CM
வாரிசு என்று சொன்னாலே சிலருக்கு எரிகிறது என CM ஸ்டாலின் விமர்சித்துள்ளார். பி.டி.ராஜன் நூல் வெளியீட்டு விழாவில் பேசிய அவர், ‘பி.டி.ராஜனுக்கு அமைச்சர் பழனிவேல் தியாகராஜன் மட்டும் வாரிசு அல்ல, தானும் வாரிசுதான் என்றார். மேலும், இங்கே இருப்பவர்கள் எல்லோரும் திராவிட வாரிசுகள் எனத் தெரிவித்த அவர், சிலருக்கு எரியட்டும் என்பதற்காகவே வாரிசு என்பதை திரும்ப திரும்ப சொல்வதாகக் குறிப்பிட்டார்.