News April 25, 2024
டெல்லியில் ‘தக் லைஃப்’ படப்பிடிப்பு
கமல் நடிக்கும் ‘தக் லைஃப்’ படத்தின் படப்பிடிப்பு, முழுவீச்சில் நடைபெற்று வருகிறது. ராஜஸ்தானில் நடந்து வந்த படப்பிடிப்பு முடிவடைந்த நிலையில், தற்போது டெல்லியில் படப்பிடிப்பு தொடங்கியுள்ளது. அங்கு நடிகர்கள் சிம்பு, கமல்ஹாசன், அரவிந்த்சாமி மற்றும் த்ரிஷா பங்கேற்கும் காட்சிகள் படமாக்கப்பட இருப்பதாகக் கூறப்படுகிறது. டெல்லியைத் தொடர்ந்து, சைபீரியாவில் கிளைமாக்ஸ் சண்டைக் காட்சியை படமாக்க உள்ளனர்.
Similar News
News January 2, 2026
தமிழ் சினிமா செத்துப்போய்தான் இருக்கிறது..
சுரேஷ் காமாட்சி தயாரித்த ‘சல்லியர்கள்’ திரைப்படம் நேற்று ரிலீசாக இருந்தது. ஆனால், 27 தியேட்டர்களை மட்டுமே ஒதுக்கப்பட்டதால், படத்தை நேரடியாக OTT-ல் வெளியிடுவதாக அவர் அறிவித்துள்ளார். இதுகுறித்த பதிவில், சிறு படங்களை நசுக்கி கொல்கிறார்கள் என காட்டமாக விமர்சித்துள்ளார். இப்படியே சென்றால் தமிழ் சினிமா மெல்லச் சாகும்; ஏற்கெனவே செத்துப்போய்தான் இருக்கிறது எனவும் பதிவிட்டுள்ளார். நீங்க என்ன சொல்றீங்க?
News January 2, 2026
கூட்டணி பேச்சுவார்த்தையில் SDPI மும்முரம்
அதிமுகவுடன் கூட்டணியில் இருந்த SDPI, அக்கட்சி NDA-வில் இணைந்ததால் கூட்டணியில் இருந்து விலகியது. இந்நிலையில், 2026 தேர்தல் கூட்டணி பற்றி இன்னும் முடிவெடுக்கவில்லை என நெல்லை முபாரக் தெரிவித்துள்ளார். SDPI அகில இந்திய மாநாட்டுக்கு (ஜன.20) பின் கூட்டணி பற்றி முடிவெடுக்கப்படும் என்றும் அவர் கூறியுள்ளார். அதேநேரம், ஆட்சியில் பங்கு என்ற எண்ணம் தற்போதைக்கு இல்லை என்றும் தெளிவுபடுத்தியுள்ளார்.
News January 2, 2026
தங்கம் விலை தடாலடியாக மாறியது
சர்வதேச சந்தையில் தங்கத்தின் விலை உயர்ந்துள்ளது. 1 அவுன்ஸ்(28g) தங்கம் $19.68 அதிகரித்து $4,348.28-க்கு விற்பனையாகிறது. கடந்த 5 நாள்களாக சர்வதேச சந்தையில் தொடர்ந்து தங்கத்தின் விலை குறைந்து வந்த நிலையில், இன்று மீண்டும் ஏற்றம் கண்டுள்ளது. வெள்ளி விலையும் 1 அவுன்ஸ் $1.24 அதிகரித்துள்ளது. இதனால், இன்றைய தினம் இந்திய சந்தையில் தங்கம் விலை மாறுபடும் என எதிர்பார்க்கப்படுகிறது.