News April 3, 2025
இன்று தாய்லாந்து செல்லும் பிரதமர்
பிம்ஸ்டெக் கூட்டமைப்பின் உச்சி மாநாட்டில் கலந்து கொள்ள, பிரதமர் மோடி இன்று தாய்லாந்து பயணம் செய்ய உள்ளார். நாளை நடைபெறும் உச்சி மாநாட்டில் நேபாள பிரதமர் சர்மா ஒலி, வங்கதேச இடைக்கால அரசு தலைவர் முகமது யூனுஸ் ஆகியோரும் பங்கேற்கின்றனர். கடல்சார் ஒத்துழைப்பு ஒப்பந்தத்தில் கையெழுத்திடுவதை பிரதமர் மோடி மேற்பார்வையிடுகிறார். பின், அங்குள்ள வாட்போ கோவிலுக்கு அந்நாட்டு பிரதமருடன் இணைந்து செல்கிறார்.
Similar News
News July 9, 2025
ஆப்பிள் COO பதவியேற்கும் இந்தியர்
கூகுள், மைக்ரோசாஃப்ட் உள்பட உலகின் டாப் டெக் நிறுவனங்கள் பெரும்பாலானவற்றில் இந்தியர்களே தலைமை வகிக்கின்றனர். தற்போது Apple நிறுவன தலைமை இயக்க அதிகாரியாக(COO), இந்திய வம்சாவளி சபிஹ் கான் நியமிக்கப்பட்டுள்ளார். 1966-ல் உ.பி.,யில் பிறந்த அவர், பள்ளிப் படிப்பிற்காக சிங்கப்பூர் சென்று பின்னர் USA-ல் குடியேறினார். படிப்படியாக உயர்ந்த அவரை புத்திக்கூர்மை உடையவர் என CEO டிம் குக் பாராட்டியுள்ளார்.
News July 9, 2025
இந்த ஹீரோ யார் தெரிகிறதா?
கன்னட சூப்பர் ஸ்டார் சிவராஜ்குமார், தற்போது ஹேமந்த் ராவ் இயக்கும் ‘666 ஆபரேஷன் டிரீம் தியேட்டர்’ என்ற படத்தில் நடித்து வருகிறார். இதில் சிவராஜ்குமாரின் லுக் எப்படி இருக்கும் என படக்குழு ஒரு படத்தை வெளியிட்டுள்ளது. இதில் கையில் கன்னுடன், சீரியசாக தெரியும் அவரை பார்க்க அடையாளம் தெரியவில்லை. இதற்கிடையே சிவண்ணாவின் லுக்கை பார்த்தீங்களா என ரசிகர்கள் இந்த போட்டோவை டிரெண்ட் செய்கின்றனர். லுக் எப்படி?
News July 9, 2025
ஜெ. தம்பியாக நான் அரசியல் செய்தவன்: திருமாவளவன்
அதிமுக தோழமை கட்சி என்பதால்தான் கூட்டணி குறித்து விமர்சிப்பதாக திருமாவளவன் தெரிவித்துள்ளார். அதிமுக- பாஜக ஒரு பொருந்தா கூட்டணி என திருமா கூறியதற்கு, ‘எங்கள் கூட்டணி பற்றிக் கூற அவர் யார்?’ என்று இபிஎஸ் கேள்வி எழுப்பினார். இந்நிலையில், அதற்கு பதிலளித்த திருமா, பாஜகவால் ADMK பாதிக்கப்படக்கூடாது என்றார். மேலும், தான் ஜெயலலிதாவின் தம்பியாக அரசியல் செய்தவன் என்பது அதிமுகவினருக்கே தெரியும் என்றார்.